મૃણાલ ઠાકુર અને ધનુષના લગ્નનું શું છે સત્ય?

બોલિવૂડ અભિનેત્રી મૃણાલ ઠાકુર હાલમાં તેની નવી ફિલ્મ દો દીવાને શહેર મેં ના પ્રમોશનમાં વ્યસ્ત છે. આ ફિલ્મમાં તે સિદ્ધાંત ચતુર્વેદી સાથે જોવા મળશે. જોકે, ફિલ્મની સાથે સાથે મૃણાલ તેના અંગત જીવનને કારણે પણ ચર્ચામાં છે. છેલ્લા કેટલાક સમયથી સોશિયલ મીડિયા પર મૃણાલ ઠાકુર અને સાઉથના દિગ્ગજ અભિનેતા ધનુષના લગ્નની અફવાઓ જોર પકડી રહી હતી, જેનો હવે અભિનેત્રીએ પોતે જવાબ આપ્યો છે.

શું 14 ફેબ્રુઆરીએ લગ્ન થવાના હતા ?

સોશિયલ મીડિયા પર એવા અહેવાલો વહેતા થયા હતા કે મૃણાલ ઠાકુર અને ધનુષ 14 ફેબ્રુઆરીના રોજ લગ્ન કરવાના છે. એટલું જ નહીં, બંનેની નકલી એઆઈ (AI) દ્વારા બનાવેલી લગ્નની તસવીરો પણ વાયરલ કરવામાં આવી હતી. એક તાજેતરના ઇન્ટરવ્યુ દરમિયાન જ્યારે મૃણાલને આ અંગે પૂછવામાં આવ્યું ત્યારે તેણે આ વાતોને પાયાવિહોણી ગણાવી હતી. તેણે મજાકમાં કહ્યું હતું કે લોકોએ 14 ફેબ્રુઆરીને એપ્રિલ ફૂલ ડે બનાવી દીધો છે. તેણે સ્પષ્ટ કર્યું કે આ વાતો કોણે શરૂ કરી તેની તેને જાણ નથી અને અત્યારનું વાતાવરણ થોડું અજીબ છે.

અફવાઓ ફેલાવવાનું કારણ : 

આ અફવાઓ ત્યારે તેજ બની જ્યારે મૃણાલ અને ધનુષની નકલી તસવીરો અને વીડિયો ઇન્ટરનેટ પર વાયરલ થયા. આ એઆઈ જનરેટેડ વીડિયોમાં અન્ય કલાકારો પણ જોવા મળતા હોવાથી ઘણા ચાહકોને તે સાચું લાગ્યું હતું. આ ઉપરાંત, મૃણાલ ધનુષની ફિલ્મની પાર્ટીમાં જોવા મળી હતી અને ધનુષ પણ અન્ય ફિલ્મના સ્ક્રીનિંગમાં હાજર રહ્યો હતો, જેના કારણે લોકોએ તેમના સંબંધોની અટકળો શરૂ કરી દીધી હતી.

મૃણાલ ઠાકુરનું આગામી કામ : 

લગ્નની અફવાઓને બાજુ પર રાખીને મૃણાલ અત્યારે પોતાની કારકિર્દી પર ધ્યાન આપી રહી છે. તે તેની આગામી ફિલ્મની રિલીઝની તૈયારી કરી રહી છે. તેણે સ્પષ્ટ કર્યું છે કે તે હાલમાં કોઈ પણ પ્રકારના સંબંધમાં નથી અને ધનુષ સાથેના તેના લગ્નના સમાચાર માત્ર કલ્પના છે.