ટીવીના લોકપ્રિય કોમેડિયન કપિલ શર્માના કેનેડા સ્થિત રેસ્ટોરન્ટ પર તાજેતરમાં થયેલા ગોળીબારના સમાચાર બાદ હવે મનોરંજન જગતમાં નવો વિવાદ છેડાયો છે. આ મામલે ડ્રામા ક્વીન તરીકે જાણીતી રાખી સાવંતે એક ચોંકાવનારું નિવેદન આપીને બધાને હેરાન કરી દીધા છે. રાખીએ દાવો કર્યો છે કે કપિલ શર્માએ પબ્લિસિટી મેળવવા માટે પોતે જ આ હુમલો કરાવ્યો છે.
બિશ્નોઈ ગેંગના સમર્થનમાં આવી રાખી સાવંત :&nbsp;
સોશિયલ મીડિયા પર વાયરલ થઈ રહેલા એક ઈન્ટરવ્યુમાં રાખી સાવંતે લોરેન્સ બિશ્નોઈ ગેંગનો બચાવ કર્યો છે. તેણે મીડિયા સમક્ષ પ્રશ્ન ઉઠાવ્યો હતો કે બિશ્નોઈ ગેંગના સભ્યો પાસે એટલો ફાલતૂ સમય નથી કે તેઓ ગમે તેના ઘર કે કેફે પર ગોળીબાર કરતા ફરે. રાખીએ ગંભીર આક્ષેપ કરતા જણાવ્યું કે કપિલ શર્મા પોતાના કેફેને લોકપ્રિય બનાવવા માટે જાણીજોઈને ગોળીબારની ઘટનાઓનું નાટક કરી રહ્યા છે અને બિશ્નોઈ ગેંગનું નામ વગર કારણે બદનામ કરવામાં આવી રહ્યું છે.
સસ્તી પબ્લિસિટીનો આપ્યો ઉલ્લેખ :&nbsp;
રાખીએ આ સમગ્ર ઘટનાને માત્ર સસ્તી પબ્લિસિટી મેળવવાનો એક નુસખો ગણાવ્યો છે. નવાઈની વાત એ છે કે રાખી સાવંત જે હંમેશા સલમાન ખાનને પોતાનો ભાઈ માને છે, તેણે હવે બિશ્નોઈ ગેંગના સભ્યોને પણ પોતાના ભાઈ તરીકે સંબોધવાનું શરૂ કર્યું છે. રાખીના આ બદલાયેલા વલણથી સોશિયલ મીડિયા પર તેની ખૂબ ટીકા પણ થઈ રહી છે.
કેનેડામાં બે વાર થયું હતું ફાયરિંગ :&nbsp;
નોંધનીય છે કે છેલ્લા એક મહિનામાં કપિલ શર્માના કેનેડાના રેસ્ટોરન્ટ પર બે વાર ગોળીબારની ઘટના બની હતી. જે બાદ સોશિયલ મીડિયા પર એક ઓડિયો ક્લિપ વાયરલ થઈ હતી જેમાં હેરી બોક્સર નામના શખ્સે સલમાન ખાનનો સાથ આપનારાઓને મારી નાખવાની ધમકી આપી હતી. આ ઘટના બાદ કપિલના ચાહકોમાં ચિંતાનો માહોલ જોવા મળ્યો હતો.
લાઈમલાઈટમાં રહેવાનો પ્રયાસ :&nbsp;
રાખી સાવંત પોતાની અજીબોગરીબ હેરસ્ટાઈલ અને વિવાદાસ્પદ નિવેદનોને કારણે હંમેશા ચર્ચામાં રહે છે. હાલમાં જ તેણે પાતળી છોકરીઓ પર પણ કટાક્ષ કર્યો હતો. હવે કપિલ શર્મા જેવા મોટા કલાકાર પર પાયાવિહોણા આક્ષેપો કરીને તેણે ફરી એકવાર વિવાદોના માધ્યમથી લાઈમલાઈટ મેળવવાનો પ્રયાસ કર્યો હોય તેમ જણાય છે.

કપિલ શર્મા રાખી સાવંત વિવાદ

રાખીએ કપિલ શર્મા પર પબ્લિસિટી માટે હુમલો કરાવવાનો આરોપ લગાવી બિશ્નોઈ ગેંગનો પક્ષ લીધો

February 12, 2026 | 14:08 IST