તેલુગુ સુપરસ્ટાર પ્રભાસની આગામી મોસ્ટ અવેટેડ ફિલ્મ 'સ્પિરિટ' ફરી એકવાર વિવાદોના કારણે હેડલાઇન્સમાં છે. 'એનિમલ' ફેમ ડાયરેક્ટર સંદીપ રેડ્ડી વાંગાના આ ડ્રીમ પ્રોજેક્ટમાં એક પછી એક મોટા કલાકારો ફિલ્મ છોડી રહ્યા હોવાના સમાચાર વહેતા થયા છે. દીપિકા પાદુકોણ બાદ હવે પીઢ અભિનેતા પ્રકાશ રાજે પણ આ મેગા બજેટ ફિલ્મમાંથી વિદાય લીધી હોવાની ચર્ચા છે.
સેટ પર ડાયરેક્ટર અને એક્ટર વચ્ચે તકરાર :&nbsp;
તાજેતરના અહેવાલો મુજબ, હૈદરાબાદમાં ફિલ્મના શૂટિંગ દરમિયાન પ્રકાશ રાજ અને સંદીપ રેડ્ડી વાંગા વચ્ચે એક ખાસ સીનને લઈને ઉગ્ર દલીલો થઈ હતી. શરૂઆતમાં જે વાત સર્જનાત્મક મતભેદ તરીકે શરૂ થઈ હતી, તેણે ધીરે ધીરે ગંભીર ઝઘડાનું સ્વરૂપ ધારણ કરી લીધું હતું. સ્ક્રિપ્ટમાં ફેરફાર અને પાત્રની રજૂઆત બાબતે બંને વચ્ચે તણાવ એટલો વધી ગયો કે પ્રકાશ રાજે શૂટિંગ અધવચ્ચે જ અટકાવી દીધું અને પ્રોજેક્ટમાંથી ખસી જવાનો નિર્ણય લીધો.
વર્તણૂક અને સર્જનાત્મક મતભેદો :&nbsp;
સૂત્રોનું માનીએ તો, સેટ પર કામ કરવાની પદ્ધતિને લઈને પ્રકાશ રાજ અને વાંગા વચ્ચે લાંબા સમયથી અણબનાવ ચાલી રહ્યો હતો. ટીમ દ્વારા આ બાબતને શાંત પાડવાના પ્રયાસો કરવામાં આવ્યા હતા, પરંતુ આખરે બંને વચ્ચેની કડવાશને કારણે અભિનેતાએ ફિલ્મ સાથેના છેડા ફાડી નાખ્યા છે. જોકે, આ અંગે હજુ સુધી મેકર્સ કે પ્રકાશ રાજ તરફથી કોઈ સત્તાવાર નિવેદન આવ્યું નથી.
નવી સ્ટારકાસ્ટ અને રિલીઝ ડેટ :&nbsp;
ઉલ્લેખનીય છે કે આ ફિલ્મમાં દીપિકા પાદુકોણના સ્થાને હવે તૃપ્તિ ડિમરીની એન્ટ્રી થઈ ચૂકી છે. નવા વર્ષ પર રિલીઝ થયેલા પોસ્ટરમાં પ્રભાસ અને તૃપ્તિનો બોલ્ડ લૂક વાયરલ થયો હતો. આ ફિલ્મમાં વિવેક ઓબેરોય પણ મહત્વની ભૂમિકામાં જોવા મળશે. 'સ્પિરિટ' 5 માર્ચ, 2027 ના રોજ પાંચ વિવિધ ભાષાઓમાં મોટા પડદે રિલીઝ થવાની તૈયારીમાં છે.

પ્રભાસની ફિલ્મ સ્પિરિટ

દીપિકા પાદુકોણ બાદ હવે વિલક્ષણ અભિનેતા પ્રકાશ રાજે ડાયરેક્ટર સાથેના વિવાદ કારણે ફિલ્મ છોડી

February 9, 2026 | 12:27 IST