બોલિવૂડ સુપરસ્ટાર રણવીર સિંહ અને દિગ્દર્શક આદિત્ય ધરની જોડી ફરી એકવાર ધમાકો કરવા તૈયાર છે. ચાહકો જેની આતુરતાથી રાહ જોઈ રહ્યા હતા તે ફિલ્મ 'ધુરંધર 2: ધ રિવેન્જ' નું પોસ્ટર અને ટીઝર સત્તાવાર રીતે રિલીઝ કરી દેવામાં આવ્યું છે. જોકે, ફિલ્મની રિલીઝ પહેલા મેકર્સે કેટલાક ચોંકાવનારા ફેરફારો કર્યા છે.
મ્યુઝિક લેબલ અને OTT ડીલમાં બદલાવ :&nbsp;
ફિલ્મના બીજા ભાગ માટે મેકર્સે સૌથી મોટો ફેરફાર મ્યુઝિક લેબલમાં કર્યો છે. પ્રથમ ભાગનું મ્યુઝિક સારેગામા પાસે હતું, જ્યારે હવે 'ધુરંધર 2' માટે T-Series સાથે હાથ મિલાવ્યા છે. આ ઉપરાંત, ડિજિટલ પ્લેટફોર્મમાં પણ મોટો ઉલટફેર જોવા મળ્યો છે. અગાઉ આ ફિલ્મ Netflix પર આવવાની હતી, પરંતુ હવે તેના OTT રાઇટ્સ Jio Hotstar એ જંગી કિંમતે ખરીદી લીધા છે. એટલે કે, થિયેટર બાદ હવે આ ફિલ્મ Jio Hotstar પર સ્ટ્રીમ થશે.
ટીઝર અને વાર્તાની ઝલક :&nbsp;
આજે બપોરે રિલીઝ થયેલા ટીઝરે સોશિયલ મીડિયા પર ધૂમ મચાવી છે. વાર્તામાં જસકીરત સિંહ રંગી કેવી રીતે હમઝા બને છે અને લ્યારીના નવા બાદશાહ તરીકે તેની સફર કેવી રહે છે તે રહસ્યો પરથી પડદો ઉઠશે. ટીઝરમાં ભરપૂર એક્શન જોવા મળી રહી છે અને ફિલ્મ ફ્લેશબેકમાં પણ જશે. જોકે, કેટલાક ચાહકો અક્ષય ખન્નાની ગેરહાજરીને કારણે થોડા નિરાશ પણ જોવા મળ્યા છે.
રિલીઝ ડેટ અને બોક્સ ઓફિસ ટક્કર :&nbsp;
'ધુરંધર 2' આગામી 19 માર્ચ 2026 ના રોજ સિનેમાઘરોમાં રિલીઝ થવાની છે. આ ફિલ્મની સીધી ટક્કર સાઉથ સુપરસ્ટાર યશની ફિલ્મ 'ટોક્સિક' (Toxic) સાથે થશે. આ ફિલ્મમાં રણવીર સિંહની સાથે આર. માધવન અને સંજય દત્ત મુખ્ય ભૂમિકામાં જોવા મળશે.

ધુરંધર 2 ટીઝર રિલીઝ

ધુરંધર 2 ના OTT પ્લેટફોર્મ અને મ્યુઝિક લેબલમાં મોટો ફેરફાર, જાણો ક્યારે રિલીઝ થશે ફિલ્મ

February 6, 2026 | 19:28 IST