ભારતીય જનતા પાર્ટીના ગુજરાત સંગઠનમાં છેલ્લા કેટલાક અઠવાડિયાથી આંતરિક ચકચાર છે. અનેક ચર્ચાઓ વચ્ચે હવે સૌના ધ્યાનનું કેન્દ્ર છે &ndash; &ldquo;દિલ્લી દરબારમાં શું નક્કી થયું?&rdquo; મુખ્યમંત્રી ભૂપેન્દ્ર પટેલ, પ્રદેશ પ્રમુખ જગદિશ વિશ્વકર્મા અને સંગઠન મહામંત્રી રત્નાકર સાથે વડાપ્રધાન નરેન્દ્ર મોદીની બેઠક એ ચર્ચાને વધુ તીવ્ર બનાવી દીધી છે.
પ્રશ્ન એ છે કે શું હવે સંગઠનની પુનઃરચના થશે કે મંત્રીમંડળનું વિસ્તરણ? ભાજપના કાર્યકરો અને નેતાઓ બંને ઉત્સુકતાપૂર્વક રાહ જોઈ રહ્યા છે કે કયા ચહેરાને નવી જવાબદારી મળશે અને કોણના રાજકીય સપના અધૂરા રહી જશે.
ભૂતકાળની યાદ કરીએ તો આ જ પ્રકારની પ્રવૃત્તિ વિજય રૂપાણીના રાજીનામા પહેલા પણ જોવા મળી હતી &mdash; રોજિંદી પ્રેસ કોન્ફરન્સ, શાસનની સિદ્ધિઓનું વખાણ અને પછી અચાનક ફેરફાર. આજની પરિસ્થિતિમાં પણ રાજ્ય સરકાર દ્વારા રોજના વિકાસગાથાના પ્રસારણથી એવા જ રાજકીય સંકેત મળી રહ્યાં છે.
ભાજપના વર્તુળોમાં એવી પણ અફવા છે કે મુખ્યમંત્રી ભૂપેન્દ્ર પટેલને બદલી શકાય. કેટલાક લોકો એમ પણ માને છે કે દિલ્લી નેતૃત્વને હવે વધુ પ્રભાવશાળી ચહેરો જોઈએ છે. પરંતુ હકીકત એ છે કે ભૂપેન્દ્ર પટેલે પોતાના પુત્રની તબિયતને કારણે અનેક વખત જવાબદારીમાંથી મુક્તિ માગી છે. તેથી ચર્ચાઓમાં રહેલી અફવાઓને તથ્ય માનવી અયોગ્ય રહેશે.
રાજ્યના વહિવટી તંત્ર પર&nbsp;દિલ્લીનો સીધો પ્રભાવ ગુજરાતના શાસન પર સ્પષ્ટ દેખાય છે. ઘણા અધિકારીઓ દૈનિક ધોરણે દિલ્લી સાથે સંકલન કરે છે, તેથી &ldquo;મુખ્યમંત્રી અસરો કરતા નથી&rdquo; એવું કહેવું ન્યાયસંગત નથી.
દિલ્લી બેઠકમાં બે મુખ્ય મુદ્દાઓ ચર્ચાયા હોવાની માહિતી છે &mdash; પ્રથમ, સંગઠનની નવી રચના જેમાં જિલ્લા અને મહાનગર માળખું નવી રીતે ઘડાશે. બીજું, મંત્રીમંડળનું વિસ્તરણ, જેમાં સ્વચ્છ અને વિવાદમુક્ત ચહેરાઓને તક આપવામાં આવશે. સાથે સાથે અનુભવી નેતાઓને પણ સ્થાન મળી શકે છે જેથી શાસનના બચાવ અને સંવાદમાં સંતુલન જળવાઈ રહે.
પ્રદેશ માળખાની નવી રચનામાં સૌથી મોટો પડકાર સિનિયર નેતાઓનો સમન્વય હશે. જગદિશ વિશ્વકર્મા કરતાં સિનિયર અનેક કાર્યકરોએ વર્ષો સુધી સંગઠન માટે કામ કર્યું છે, હવે તેમને યોગ્ય સ્થાન આપવાની વ્યૂહરચના ભાજપના દિલ્લી દરબારને તૈયાર કરવી પડશે.
ભાજપના આ નવા અધ્યાયમાં જો નિર્ણય વિલંબિત થશે, તો તળિયાના કાર્યકરોમાં અસંતોષ ઉગ્ર થવાની શક્યતા છે. ફેરફાર જરૂરી છે, પરંતુ સમયસર અને સમતોલ ફેરફાર જ પાર્ટીના સંગઠનને મજબૂત બનાવશે.

ગુજરાત ભાજપમાં સંગઠન અને મંત્રીમંડળના ફેરફારની અફવાઓથી ગરમ વાતાવરણ

October 14, 2025 | 11:35 IST