2024-25માં ભારતનું GST કલેક્શન ₹22.08 લાખ કરોડના સર્વકાલીન ઉચ્ચ સ્તરે પહોંચ્યું

જ્યારથી GST કાયદો લાગુ થયો છે, ત્યારથી સરકારી તિજોરીમાં સતત વધારો થઈ રહ્યો છે. હવે સરકારે GST કલેક્શનમાં રેકોર્ડ પણ બનાવ્યો છે. હકીકતમાં, ગયા નાણાકીય વર્ષ 2025માં, સરકારે રેકોર્ડ GST કલેક્શન કર્યું છે. ખાસ વાત એ છે કે છેલ્લા 5 વર્ષમાં સરકારનો આ કલેક્શન બમણું થઈ ગયું છે. આગામી વર્ષોમાં GST કલેક્શનમાં વધુ વધારો જોવા મળી શકવાની સંભાવના છે. 

નાણાકીય વર્ષ 2024-25માં કુલ GST કલેક્શન પાંચ વર્ષમાં બમણું થઈને 22.08 લાખ કરોડ રૂપિયાના સર્વોચ્ચ સ્તરે પહોંચી ગયું, જે નાણાકીય વર્ષ 2020-21માં 11.37 લાખ કરોડ રૂપિયા હતું. નાણાકીય વર્ષ 2024-25માં કુલ GST કલેક્શન 22.08 લાખ કરોડ રૂપિયાના શિખર પર પહોંચ્યું છે. જે પાછલા નાણાકીય વર્ષ કરતા 9.4% વધારે છે. ખાસ વાત એ છે કે આ કલેક્શન પાંચ વર્ષમાં વાર્ષિક ધોરણે લગભગ બમણું થયું છે. નાણાકીય વર્ષ 2024-25 માં સરેરાશ માસિક કલેક્શન 1.84 લાખ કરોડ રૂપિયા હતું, જે 2023-24માં 1.68 લાખ કરોડ રૂપિયા અને 2021-22 માં 1.51 લાખ કરોડ રૂપિયા હતું. નિષ્ણાતોના મતે, આ માસિક સરેરાશ કલેક્શન આગામી વર્ષોમાં 2 લાખ કરોડ રૂપિયાની નજીક પહોંચી શકે છે.

GST હેઠળ નોંધાયેલા કરદાતાઓની સંખ્યા 2017 માં 65 લાખથી વધીને આઠ વર્ષમાં 1.51 કરોડથી વધુ થઈ ગઈ છે. GST ના આઠ વર્ષ અંગેના એક સરકારી નિવેદનમાં કહેવામાં આવ્યું છે કે તેના અમલીકરણ પછી, GST એ મહેસૂલ સંગ્રહમાં મજબૂત વૃદ્ધિ દર્શાવી છે અને કર આધારનો વિસ્તાર કર્યો છે. તેણે ભારતની નાણાકીય સ્થિતિને સતત મજબૂત બનાવી છે અને પરોક્ષ કરવેરા વધુ કાર્યક્ષમ અને પારદર્શક બનાવ્યો છે. GST એ 2024-25 માં 22.08 લાખ કરોડ રૂપિયાનો અત્યાર સુધીનો સૌથી વધુ કુલ સંગ્રહ નોંધાવ્યો છે, જે વાર્ષિક ધોરણે 9.4 ટકાનો વધારો દર્શાવે છે.