કોણ છે સ્વામી ચૈતન્યાનંદ?

દિલ્હીના વસંત કુન્જ વિસ્તારમાં આવેલા શારદા ઈન્સ્ટિટ્યૂટ ઑફ ઈન્ડિયન મેનેજમેન્ટના ડિરેક્ટર અને આત્મઘોષિત આધ્યાત્મિક ગુરુ સ્વામી ચૈતન્યાનંદ સરસ્વતી (વાસ્તવિક નામ: પાર્થ સારથી) છે. તેમની સામે 17 મહિલા વિદ્યાર્થીનીઓના યૌન શોષણના ગંભીર આરોપો લગાવવામાં આવ્યા છે. એવો આરોપ છે કે તેમણે હોસ્ટેલના રૂમોને "ભયના ચેમ્બર" માં ફેરવી દીધા હતા. FIR મુજબ, તેમણે ગર્લ્સ હોસ્ટલમાં CCTV કેમેરા લગાવી છાત્રાઓની બાથરૂમ બહાર સુધી નજર રાખી હતી, તેમના મોબાઈલમાં લાઈવ ફીડ જાય એવું આયોજન કરેલું હતું.

છાત્રાઓને અશ્લીલ મેસેજ મોકલતા 

છાત્રાઓના નિવેદન મુજબ, સ્વામી છાત્રાઓને 'બેબી આઈ લવ યુ' જેવા અશ્લીલ મેસેજ મોકલતા, તેમની સાથે અભદ્ર વ્યવહાર કરતા અને માસિક ધર્મ દરમિયાન પણ યૌન શોષણ કરતા હતા. એક વિદ્યાર્થીનીએ જણાવ્યું કે, જયારે તે ઈજાગ્રસ્ત થઈ હતી, ત્યારે સ્વામીએ X-Ray રિપોર્ટ માગ્યો અને મેસેજ મોકલ્યો કે, જો મોકલશો નહિ તો તમારું એડમિશન રદ્દ કરીશું.

17 છાત્રાઓએ નોંધાવી ફરિયાદ

તેમજ, હોસ્ટલના મહિલા સ્ટાફ પણ આ શોષણમાં સહભાગી હોવાના આરોપ છે, જેમણે 32થી વધુ વિદ્યાર્થીનીઓ પર 'કોમ્પ્રોમાઈઝ' કરવાનો દબાણ કર્યો હતો. સ્વામીના 'વિશેષ વિદ્યાર્થી'તરીકે એક વિદ્યાર્થીનીનું નામ પણ પરિત્યક્તા રાખવામાં આવ્યું હતું. આશરે 17 છાત્રાઓએ ફરિયાદ નોંધાવી છે, પણ પોલીસને આશંકા છે કે, આ સંખ્યા હકીકતમાં ઘણી વધુ હોઈ શકે છે.

આ પણ વાંચો: શૃંગેરી મઠના સ્વામી ચૈતન્યાનંદ પર યૌન શોષણના આરોપો

સ્વામી ચૈતન્યાનંદ હાલ ફરાર

સ્વામી ચૈતન્યાનંદની લક્ઝરી કાર જેવી કે, મર્સિડીઝ અને ઓડીનો ઉપયોગ વિદ્યાર્થીઓને પોતાની પાસે બોલાવવા માટે કરવામાં આવતો હતો. તેઓ હાલ ફરાર છે અને તેમનું છેલ્લું લોકેશન મુંબઈમાં ટ્રેસ થઈ છે. પોલીસની સ્પેશિયલ ટીમ તેમની ધરપકડ માટે મુંબઈ પહોંચી ગઈ છે. ઈન્સ્ટિટ્યૂટે તેમને ડિરેક્ટર પદેથી હટાવી દીધા છે અને તપાસમાં સહકાર આપવાનો વાયદો કર્યો છે.

કરોડોના ઘોટાળોનો પણ આરોપ 

તેના વિરુદ્ધ POCSO, સેક્સ્યુઅલ હેરેસમેન્ટ,  અશ્લીલ મેસેજ મોકલવાના ગુના હેઠળ કેસ નોંધવામાં આવ્યો છે. આ ઉપરાંત, ફ્રોડના આરોપો પણ સામે આવ્યા છે, જેમાં તેમણે ઈન્સ્ટિટ્યૂટના નામે નકલી દસ્તાવેજો બનાવીને કરોડોનો ઘોટાળો કર્યો હતો. રાજકીય પક્ષોએ સરકાર પર 'નરમ વલણ' રાખવાનો આરોપ મૂક્યો છે અને આ કેસને '#MeToo મૂવમેન્ટનો નવો અધ્યાય' ગણાવી રહ્યા છે. પોલીસએ કહ્યુ કે, વધુ પુરાવા મળ્યા પછી વધુ કડક પગલાં લેવામાં આવશે.