Ahmedabad : Odhav માં હોબાળો, VHP અને ખ્રિસ્તી સમુદાય આમને-સામને, અનેક લોકોની અટકાયત

અમદાવાદ (Ahmedabad)ના ઓઢવ (Odhav) વિસ્તારમાં ઈસ્ટરના દિવસે એક ચર્ચમાં ધર્માંતરણની શંકાએ ભારે હોબાળો મચ્યો હતો. વિશ્વ હિન્દુ પરિષદ (VHP)ના કાર્યકરોએ ચર્ચમાં ઘૂસી જઈને પ્રાર્થના સભામાં ખલેલ પહોંચાડી હતી અને ખ્રિસ્તી સમુદાયના લોકો પર બળજબરીથી ધર્માંતરણ કરાવવાનો આક્ષેપ કર્યો હતો. આ ઘટનાનો વિડિયો સોશિયલ મીડિયા પર ખૂબ વાયરલ થયો છે.

વીડિયોમાં દેખાઈ રહ્યું છે કે, VHP ના સભ્યો હથિયારો, જેમાં લાકડીઓ અને કથિત રીતે છરીઓ પણ સામેલ છે, સાથે ચર્ચમાં ઘસી જાય છે અને પ્રાર્થના કરી રહેલા મહિલાઓ અને બાળકોને ધમકાવે છે. આ દરમિયાન પુરૂષો "જાય શ્રી રામ"ના નારા પણ લગાવતા સંભળાય છે. હિંદુ રાષ્ટ્રવાદીઓએ ચર્ચમાં એકત્ર થયેલા લોકો પર બળજબરીથી ધર્માંતરણ કરાવવાનો આરોપ મૂક્યો છે, જો કે તેમણે આ અંગે કોઈ નક્કર પુરાવા આપ્યા નથી. 

મહત્વનું છે કે, આ ઘટનાની જાણ થતા ઓઢવ (Odhav) પોલીસ તાત્કાલિક ઘટનાસ્થળે પહોંચી જાય છે. જો કે વાયરલ વીડિયો હોવા છતાં, અમદાવાદ (Ahmedabad) પોલીસે આ ઘટનાને ઓછી ગંભીર ગણાવી હતી. પોલીસે જણાવ્યું હતું કે, VHP ના કાર્યકરો ધર્માંતરણની શંકાના આધારે ચર્ચમાં ગયા હતા. આ મામલે પોલીસે કોઈની ધરપકડ કરી નથી અને કોઈ FIR પણ નોંધવામાં આવી નથી. 

અમદાવાદ (Ahmedabad) પોલીસે X (ટ્વિટર) પર એક પોસ્ટ દ્વારા આ ઘટના અંગે માહિતી આપી હતી. પોલીસે જણાવ્યું હતું કે, "VHP ના કાર્યકરો ધર્માંતરણની શંકા સાથે સ્થળ પર ગયા હતા, અને પોલીસ ટૂંક સમયમાં ત્યાં પહોંચી હતી. VHP ના કાર્યકરોએ શંકાસ્પદ ધર્માંતરણ અંગે ઓઢવ (Odhav) પોલીસ સ્ટેશનમાં અરજી આપી છે. અપહરણ અથવા ગેરકાયદેસર કેદની કોઈ ઘટના બની નથી. કોઈ હિંસા અથવા અન્ય અણબનાવ બન્યો નથી. ખ્રિસ્તી નેતાઓ હાલમાં પોલીસ સ્ટેશનમાં છે અને તેમણે કોઈ ઔપચારિક ફરિયાદ કરી નથી."

જો કે, સ્થાનિક સુત્રોના અનુસાર આ ઘટના બાદ પોલીસે કાર્યવાહી કરીઓ છે અને કથિત રીતે ભારતીય દંડ સહિતની કલમ 329, 135 અને 54 હેઠળ  VHP અને બજરંગ દળના છ સભ્યોની પણ અટકાયત કરવામાં આવી છે. તમને જણાવી દઈએ કે, આ ઘટના 20 એપ્રિલના રોજ બની હતી. આ ઘટનાને લઈને સ્થાનિક લોકોમાં તણાવ જોવા માળી રહ્યો છે અને પોલીસ દ્વારા વધુ તપાસ હાથ ધરવામાં આવી છે.