દાહોદમાં પ્રેમસંબંધમાં ભાણીયાએ મામીની હત્યા કરી

રાજ્યમાં હિંસા અને ગુનાહિત બનાવો વધી રહ્યા છે ત્યારે દાહોદથી એક ચોંકાવનારી અને હૃદયદ્રાવક ઘટના સામે આવી છે. ગત 5 જૂનના રોજ દાહોદ હાઈવે પર જૂની સેલટેક્ષની નજીક એક મહિલાનું મૃતદેહ મળી આવ્યો હતો જેને લઈ પોલીસે  સીસીટીવી ફૂટેજના આધારે તપાસ કરતાં ખુલ્યું કે આ હત્યા કરનાર ભાણેજ જ હતો.

પોલીસ માહિતી અનુસાર, મૃતકનું નામ વર્ષાબહેન ઉર્ફે લીલાબહેન હતું, જે પંચમહાલના મોરવા ગામની રહેવાસી અને હાલમાં ઝાબુઆ (મધ્યપ્રદેશ) ખાતે રહેતી હતી. વર્ષાબહેન અને પ્રવિણ (ખરોડ ગામના રહેતા) વચ્ચે છેલ્લા પાંચ વર્ષથી પ્રેમ સંબંધ હતા.

આ દરમિયાન પ્રવિણે મામીની દીકરી સાથે પણ પ્રેમભરી વાતો કરવી શરૂ કરી દીધી હતી, જેને કારણે મામીએ પ્રવિણને દીકરીને છોડી દેવા જણાવ્યું હતું અને ધમકી આપી કે પ્રેમસંબંધ જાહેર કરી દેશે. પ્રવિણ અને તેની મામી વર્ષાબહેન ઉર્ફે લીલાબહેન વચ્ચે છેલ્લા પાંચ વર્ષથી પ્રેમસંબંધ હતા. પરંતુ, ભાણેજ પ્રવિણ હદ વટાવીને મામીની દીકરી સાથે પણ પ્રેમભરી વાતો કરતો હતો. આ વાતની જાણ મામીને થતાં તેમણે પ્રવિણને દીકરીને છોડી દેવાની વાત કરી. જો તે આમ નહીં કરે તો પોતાના પ્રેમસંબંધની વાત બધાને કહી દેવાની અને પોલીસમાં પૂરાવી દેવાની મામીએ ધમકી આપી હતી. આ ધમકીની દાઝ રાખીને ભાણેજ પ્રવિણે મામીની હત્યાનો ઘાતકી પ્લાન બનાવ્યો.

5 જૂનની રાત્રે પ્રવિણે મધ્યપ્રદેશથી દાહોદ હાઈવે નજીકની ઓરડીમાં પોતાની મામીની હત્યા કરી ફરાર થઇ ગયો હતો. પ્રવિણ ભિક્ષાવૃત્તિ કરતી તેની મામીને મધ્યપ્રદેશના ઝાબુઆ કલ્યાણપુરા ચોકડીથી પોતાની સાથે લઈને નીકળ્યો હતો. દાહોદની આસપાસના ગામડાઓમાં અનાજ માંગવા ફર્યા બાદ, તેઓ દાહોદ હાઈવે ખાતે જૂની સેલટેક્ષની ઓરડીમાં રાત્રે રોકાયા હતા. આ દરમિયાન જ, રાત્રે લગભગ ત્રણ વાગ્યે, આરોપી ભાણેજ પ્રવિણે મામી વર્ષાબહેનના ગળાના ભાગે ચાકુ ફેરવીને નિર્મમ રીતે મોતને ઘાટ ઉતારી દીધા. ઘટનાને અંજામ આપીને આરોપી ત્યાંથી ફરાર થઈ ગયો હતો. સમગ્ર મામલે દાહોદ પોલીસે ઝીણવટભરી તપાસ કરીને આરોપી ભાણેજ પ્રવિણની ધરપકડ કરી લીધી છે અને આ ગુનામાં આગળની કાર્યવાહી હાથ ધરી છે.