ઉજ્જૈનમાં હિંદુના નામે નકલી ID બનાવી લવ જેહાદનો મામલો

ઉજ્જૈનમાં ચીમનગંજ મંડી પોલીસ સ્ટેશન વિસ્તારમાં એક સનસની કિસ્સો પ્રકાશમાં આવ્યો છે. બજરંગ દળના કાર્યકરોએ ઇદગાહ વિસ્તારમાં બે સગીર હિન્દુ છોકરીઓ સાથે વાંધાજનક સ્થિતિમાં ત્રણ મુસ્લિમ યુવાનોને પકડ્યા હતા. બજરંગ દળનો આરોપ છે કે આ યુવાનો ઇન્સ્ટાગ્રામ પર હિન્દુ નામો સાથે અડધા ડઝનથી વધુ નકલી ID બનાવીને 'લવ જેહાદ'માં સક્રિય હતા.

બજરંગ દળના જિલ્લા સંયોજક ઋષભ કુશવાહાએ જણાવ્યું હતું કે ઇદગાહ વિસ્તારમાં કેટલાક મુસ્લિમ યુવાનો સગીર હિન્દુ છોકરીઓ સાથે ફરતા હતા. માહિતી મળતા જ કાર્યકરો ઘટનાસ્થળે પહોંચી પૂછપરછ કરી હતી તે દરમિયાન યુવાનોએ રોહિત, રાહુલ જેવા હિન્દુ નામોથી પોતાનો પરિચય આપ્યો હતો. પરંતુ મોબાઇલ ફોન તપાસતા જાણવા મળ્યું કે તેઓ મુસ્લિમ છે અને નકલી નામો સાથે છોકરીઓને લલચાવી રહ્યા હતા. બજરંગ દળના કાર્યકરોએ પોલીસને જાણ કરી ત્યારબાદ પોલીસે ત્રણેય યુવાનોને કસ્ટડીમાં લીધા અને પૂછપરછ શરૂ કરી હતી. તપાસમાં તેમના મોબાઇલમાં વિવિધ હિન્દુ નામો સાથે બનાવેલા અડધા ડઝનથી વધુ નકલી ઇન્સ્ટાગ્રામ ID મળી આવ્યા હતા.

ત્રણ યુવાનો બે સગીર છોકરીઓ સાથે અશ્લીલ કૃત્યો કરી રહ્યા હતા. જ્યારે તેમને તેમના નામ પૂછતાં તેઓએ અંકિત, રાહુલ અને રાજ કહ્યું. ઓળખપત્ર તપાસ્યા પછી પુષ્ટિ થઈ કે તેઓ મુસ્લિમ છે. ચીમનગંજ પોલીસ સ્ટેશન તાત્કાલિક ઘટનાસ્થળે પહોંચ્યું અને ત્રણેયને પોલીસ સ્ટેશન લાવ્યું હતું. પોલીસ તપાસમાં બે યુવાનો સગીર હોવાનું જાણવા મળ્યું. એક યુવકની ઓળખ જાનસાપુરાના રહેવાસી સોહેલ તરીકે થઈ. 

પોલીસ અને બજરંગ દળે તેમના મોબાઇલ તપાસ્યા, જેમાં ઇન્સ્ટાગ્રામ પર હિન્દુ નામોથી બનાવેલા નકલી ID, ચેટ્સ અને કેટલાક વાંધાજનક ફોટા પણ મળી આવ્યા.પોલીસ સ્ટેશન વડા ગજેન્દ્ર પચૌરીએ જણાવ્યું કે એક કિશોરીની ફરિયાદ પર આરોપીઓ સામે છેડતીની કલમો હેઠળ કેસ નોંધવામાં આવ્યો છે. બે દિવસ પહેલા બજરંગ દળે એક યુવકને એક મહિલા સાથે વાંધાજનક હરકતો કરતા પકડ્યો હતો. તપાસ દરમિયાન તેને ખોટું નામ આપ્યું હતું અને  મોબાઈલમાંથી ઘણી છોકરીઓ સાથેની ચેટ પણ મળી આવી હતી.