RAJKOT : મહિલાએ બાળકને ઉંચેથી નીચે લટકાવ્યો..વાંચો કેમ

રાજકોટમાં એક મહિલા નાના બાળકને ઉંચેથી નીચે લટકાવતી જોવા મળતા લોકોમાં દોડધામ મચી ગઇ હતી. રાજકોટની આવાસ યોજનાના ક્વાર્ટરમાં  બનાવ બન્યો હોવાનો વીડિયો વાયરલ થયો હતો.

રાજકોટના આવાસ યોજનાના ક્વાર્ટર ખાતેનો એક વિડીયો વાયરલ થયો હતો. વીડિયોમાં જોવા મળે છે કે મહિલા એક બાળકને છત પરથી નીચે લટકાવી રહી છે. આ સાથે એક પુરુષ દ્વારા બાળકને ઉપર લઈ મહિલા પાસેથી છોડાવવાનો પ્રયાસ કરવામાં આવી રહ્યો છે. બંને વચ્ચે ભારે ઝપાઝપી થતી હોવાનું વીડિયોમાં જોવા મળે છે. જો કે મહિલા બાળકને ન છોડતા પુરુષ દ્વારા મહિલાને માર મારવામાં આવ્યો હતો. 

આ ઘટનાના કારણે લોકોમાં દોડધામ થઇ ગઇ હતી. લોકોનું ટોળુ એકત્રિત થઇ ગયું હતું. જો કે ક્યાં કારણોસર મહિલા બાળકને છત પરથી નીચે લટકાવી રહી હતી તે વિશે સ્થાનિક લોકોને કંઇ જ જાણ ન હતી.

વીડિયોમાં બાળક સાથે દેખાઈ રહેલી મહિલા તેની માતા છે કે કેમ તે બાબતે ચર્ચા તેજ થઇ ગઇ છે. શું બાળકે તોફાન કર્યું હતું કે  જેના કારણે તેની માતા તેને આ રીતે સબક શીખવાડવા માંગતી હતી? તેવો સવાલ ઉભો થઇ રહ્યો છે. જો કે બેનિફીટ ન્યૂઝ આ વીડિયોની પુષ્ટી કરતું નથી.

બીજી તરફ સ્થાનિકોએ જણાવ્યું કે આ પરિવાર એક વર્ષથી પહેલા આવાસ યોજનામાં નીચેના ભાગે રહેતું હતું પણ હવે ઉફરના માળે રહેવા ગયું છે. તે ભાડે રહે છે અને સંધ્યા નામની મહિલાએ તેના બાળકને ઉંચેથી નીચે લટકાવ્યો હતો. આ કૃત્ય કર્યા બાદ સ્થાનિકોમાં ભારે રોષ જોવા મળી રહ્યો છે અને તેને મકાન ખાલી કરવાની પણ સૂચના અપાઇ હતી.

જુઓ વીડિયો

https://www.instagram.com/p/DKJUgY9uIyq/