એવી એ ભુલ..જેના કારણે સોનમ જ કાતિલ હોવાની શંકા પોલીસને ગઇ

મેઘાલયમાં હત્યા કેસમાં દરરોજ નવા ખુલાસા થઈ રહ્યા છે. જેમ જેમ પોલીસ તપાસ આગળ વધી રહી છે તેમ તેમ કેસના પડદા ખુલી રહ્યા છે. હવે પોલીસ સૂત્રો પાસેથી બહાર આવેલી માહિતીએ આ સમગ્ર હત્યા રહસ્યને વધુ ચોંકાવનારું બનાવી દીધું છે.

સોનમે હનીમૂન ટિકિટ જાતે બુક કરાવી હતી

પોલીસ પૂછપરછમાં ખુલાસો થયો છે કે સોનમ રઘુવંશીએ તેના પતિ રાજા રઘુવંશી સાથે મેઘાલય જવા માટે હનીમૂન ટિકિટ જાતે બુક કરાવી હતી. આ યોજના પહેલાથી જ એક ઊંડા કાવતરા હેઠળ અમલમાં મુકાઈ રહી હતી. આ સમગ્ર યોજના હનીમૂનના નામે તૈયાર કરવામાં આવી હતી જેથી હત્યાને કુદરતી અકસ્માત તરીકે દર્શાવી શકાય.

રાજ કુશવાહા સાથે અફેર હતું

પૂછપરછ દરમિયાન એ પણ બહાર આવ્યું કે સોનમનું ઇન્દોરમાં રહેતા રાજ કુશવાહા નામના યુવક સાથે અફેર હતું. બંનેનો લાંબા સમયથી સંબંધ હતો અને આ કારણોસર બંનેએ રાજાની હત્યાનું કાવતરું ઘડ્યું હતું. પોલીસે રાજ કુશવાહાની પણ ધરપકડ કરી છે. તપાસ એજન્સીઓ હવે બંને વચ્ચેની વાતચીત, ફોન કોલ્સ અને ચેટ્સની ઊંડાણપૂર્વક તપાસ કરી રહી છે.

સોનમ પર શંકા કરવાના 7 કારણો

• રાજાની માહિતી રાજાના પરિવારને આપવામાં આવી ન હતી.

• રાજાનું મૃત્યુ થયું, તે સંપૂર્ણપણે સુરક્ષિત રહી.

• શંકાસ્પદ રીતે મેઘાલયથી ઉત્તર પ્રદેશ આવી.

• ગાઝીપુરમાં ગુપ્ત રીતે રહેતી હતી, પોતાની ઓળખ છુપાવતી હતી.

• મેઘાલયમાં પણ રાજા વિશે કોઈને કહ્યું નહીં.

• મીડિયામાં ઘણું બધું ચાલી રહ્યું હતું, પરંતુ તે આગળ આવી નહીં.

• મધ્યપ્રદેશથી મેઘાલય સુધીની સરકારો ચિંતિત હતી, પરંતુ તેઓ ચૂપ રહી

કોન્ટ્રાક્ટ કિલિંગનો સંપૂર્ણ પ્લાન

પોલીસના જણાવ્યા અનુસાર, આ હત્યા કેસમાં કુલ ચાર લોકોની ધરપકડ કરવામાં આવી છે. એવી શંકા છે કે સોનમે તેના પ્રેમી રાજ કુશવાહ અને અન્ય ભાડે રાખેલા હત્યારાઓની મદદથી રાજાની હત્યા કરાવી હતી.

ગાઇડના ખુલાસાઓથી રહસ્ય ખુલ્યું

કેસમાં નવો વળાંક આવ્યો જ્યારે એક ટુરિસ્ટ ગાઇડે પોલીસને જાણ કરી કે જે દિવસે દંપતી ગુમ થયું તે દિવસે તેઓ ત્રણ અન્ય યુવાનો સાથે હતા. આ ગાઇડની જુબાની પછી જ પોલીસ તપાસ ઝડપથી આગળ વધી અને હત્યાના કાવતરાનો પર્દાફાશ થયો.

ટેટૂ દ્વારા લાશની ઓળખ થઈ

રાજા રઘુવંશીનો મૃતદેહ 2 જૂનના રોજ મેઘાલયના વેઇસાવડોંગ ધોધ પાસે એક ખાડામાંથી મળી આવ્યો હતો. પોસ્ટમોર્ટમમાં હત્યાની પુષ્ટિ થઈ હતી. રાજાના હાથ પર 'રાજા' નામના ટેટૂ દ્વારા લાશની ઓળખ થઈ હતી. લાશ મળ્યા પછી જ શંકાની સોય સોનમ તરફ વળવા લાગી, કારણ કે તે લોકોને ગેરમાર્ગે દોરતી રહી.

આ પણ વાંચો--- રાજા રઘુવંશી હત્યા કેસમાં પત્ની સોનમનું આત્મસમર્પણ, મેઘાલયના મુખ્યમંત્રીએ આપી માહિતી