મધ્યમ વર્ગને મોટી રાહત, RBIએ રેપો રેટમાં કર્યો ઘટાડો

નવા RBI ગવર્નર સંજય મલ્હોત્રાએ તેમની પ્રથમ નાણાકીય નીતિ સમિતિ (MPC) બેઠકની અધ્યક્ષતા કરી. તેમણે તેમની પહેલી MPC મીટિંગમાં દરમાં 25 બેસિસ પોઈન્ટનો ઘટાડો કર્યો છે. જેના કારણે વર્તમાન રેપો રેટ હવે 6.25 ટકા થઈ ગયો છે. RBI એ છેલ્લે મે 2020 માં રેપો રેટમાં ઘટાડો કર્યો હતો, પરંતુ 2022 માં તેને વધારવાનું શરૂ કર્યું.

આરબીઆઈ ગવર્નર સંજય મલ્હોત્રાએ કહ્યું કે અમે મેક્રો અર્થતંત્રને સુધારવાનો પ્રયાસ કરી રહ્યા છીએ. ભારતીય અર્થતંત્રની સ્થિતિ હાલમાં સારી છે.  ફુગાવાના લક્ષ્યાંકે સારી અસરો દર્શાવી. અર્થતંત્રને મજબૂત બનાવવા માટે કામ કરવાનું ચાલુ રાખશે.

MPC એ રેપો રેટમાં 0.25 ટકાનો ઘટાડો કર્યો. રેપો રેટ ઘટીને 6.25 ટકા થયો છે. RBI એ વ્યાજ દરમાં ઘટાડો કરવાની જાહેરાત કરી. ફુગાવાના દરમાં ઘટાડાને કારણે કિંમત ઘટાડવાનો નિર્ણય લેવામાં આવ્યો હતો. MPC ના 6 સભ્યો દર ઘટાડવાના પક્ષમાં હતા.

EMI પર શું અસર થશે?

વ્યાજ દરમાં ઘટાડાથી હોમ લોન, ઓટો લોન અને પર્સનલ લોન લેનારાઓને રાહત મળી શકે છે. જો બેંકો આ ઘટાડો તેમના ગ્રાહકોને આપે છે, તો માસિક EMI ઘટી શકે છે.