ટ્રમ્પની વિક્ટ્રીની અસર ભારતીય શેરબજાર પર

અમેરિકી ચૂંટણીમાં ટ્રમ્પ વધુ એક વખત પ્રેસિડન્ટ બન્યા છે. જેની અસર  શેર બજારમાં થઈ હોય તેમ લાગ્ઉયું છે. શેરબજારમાં ઉછાળો જોવા મળ્યો છે. આજે શેર બજારમાં દિવસના અંતે સેન્સેક્સ 901.50 પોઈન્ટના વધારા સાથે 80,378.13 પોઈન્ટ અને નિફ્ટી 50 પણ 270.75 પોઈન્ટના વધારા સાથે 24,484.05 પોઈન્ટ પર બંધ થયો હતો.   આજરોજ યુએસ પ્રમુખપદની ચૂંટણીમાં ડોનાલ્ડ ટ્રમ્પની જીતની સ્પષ્ટ અસર ભારતીય શેરબજાર પર દેખાઈ હતી. જેના કારણે શેરબજાર મંગળવારે મોટા ઉછાળા સાથે બંધ થયું હતું. બુધવારે શેર બજાર સારા ઉછાળા સાથે ખુલ્યું હતું.   અમેરિકામાં રાષ્ટ્રપતિની ચૂંટણીની વચ્ચે શેરબજારમાં સતત બીજા દિવસે તેજી જોવા મળી હતી. બુધવારે સપ્તાહના ત્રીજા કારોબારી દિવસે બોમ્બે સ્ટોક એક્સચેન્જનો 30 શેરો ધરાવતો સેન્સેક્સ તેના પાછલા બંધની તુલનામાં 295 પોઈન્ટના વધારા સાથે 79771 ના સ્તર પર ખુલ્યો. નેશનલ સ્ટોક એક્સચેન્જના નિફ્ટીએ પણ 24308.75 ના સ્તર પર મજબૂત ઉછાળા સાથે ટ્રેડિંગ શરૂ કર્યું. અમેરિકામાં રાષ્ટ્રપતિની ચૂંટણીના પરિણામોને કારણે વૈશ્વિક બજારમાં આવેલી તેજીની અસર ભારતીય બજાર પર પણ જોવા મળી છે.