વોટ્સએપ પર કોઇકને ખોટો મેસેજ મોકલ્યો? આ ટ્રિક તમને અપમાનથી બચાવશે

વોટ્સએપ હાલ દરેક વ્યકિતઓ યુઝ કરે છે પરંતુ લોકોને એ ખ્યાલ નથી કે ,આ એપમાં ઘણી ખાસિયતો છે. WhatsApp માં ઘણી બધી શાનદાર સુવિધાઓ ઉપલબ્ધ છે અને આ સુવિધાઓમાંથી એક એ છે કે તે અપમાનને રોકવામાં મદદ કરે છે. ઘણી વાર ગુસ્સામાં કે ભૂલથી આપણે કંઈક લખીને બીજી વ્યક્તિને મોકલી દઈએ છીએ જે આપણે કદાચ ન લખવું જોઈતું હતું; મેસેજ મોકલ્યા પછી આપણને ઘણીવાર આપણી ભૂલનો અહેસાસ થાય છે. આજે અમે તમને એક અદ્દભુર ટ્રિક જઈ રહ્યા છીએ, જો તમે તેને અનુસરશો, તો મેસેજ મોકલ્યા પછી જો તમને તમારી ભૂલનો ખ્યાલ આવે તો પણ તમે તમારી ભૂલ સુધારી શકો છો.

આ રહી અદ્દભુત ટ્રિક.
આપણે જે યુક્તિ વિશે વાત કરી રહ્યા છીએ તેનું નામ છે એડિટ મેસેજ. વોટ્સએપનું આ ફીચર ખૂબ જ ઉપયોગી છે, આ ફીચરની મદદથી તમે મેસેજ મોકલ્યાના 15 મિનિટની અંદર તેને એડિટ કરી શકો છો. ધારો કે તમે કોઈને મેસેજ કર્યો છે અને જો તેણે 15 મિનિટથી તમારો મેસેજ જોયો નથી, તો તમે આ ટ્રિકનો ઉપયોગ કરીને મેસેજને ઝડપથી એડિટ કરી શકો છો. જોકે યુઝર પાસે મેસેજ ડિલીટ કરવાનો વિકલ્પ છે, પરંતુ મેસેજ ડિલીટ કર્યા પછી, આખો મેસેજ ફરીથી લખવાને બદલે મેસેજમાં રહેલી ભૂલ સુધારવી વધુ સારું છે.

WhatsApp મેસેજ એડિટ કરો: આ સુવિધાનો આ રીતે ઉપયોગ કરો
તમે જે મેસેજને એડિટ કરવા માંગો છો તેને લાંબા સમય સુધી દબાવી રાખો, પછી ઉપર દેખાતા ત્રણ બિંદુઓ પર ટેપ કરો અને પછી More પર ક્લિક કરો. આ પછી એડિટ વિકલ્પ દેખાશે, આ વિકલ્પ પર ક્લિક કરતાની સાથે જ તમને જૂના મેસેજને એડિટ કરવાની પરવાનગી મળી જશે. આનાથી તમે જૂના મેસેજમાં થયેલી ભૂલ સુધારી શકશો.