ISRO આજે PROBA-3 મિશન અંતર્ગત સેટેલાઇટ લોન્ચ કરશે

ઇશરોનું આ PSLV-C59/ PROBA-3 મિશનના અપેક્ષિત પ્રક્ષેપણ સાથે ભારતીય અવકાશ સંશોધન સંસ્થાએ જાહેરાત કરી છે. જમા તેમના જણાવ્યા પ્રમાણે ઉપગ્રહો માટે લિફ્ટ-ઓફ 4 ડિસેમ્બર એટલે કે આજે સાંજે 4:06 વાગ્યે આંધ્ર પ્રદેશમાં શ્રીહરિકોટા સ્થિત સતીશ ધવન સ્પેસ સેન્ટર SHAR ખાતેથી કરવામાં આવશે. આ મિશનમાં પોલર સેટેલાઇટ લોંચ વ્હીકલ PSLV-C59  નો સામેલ કરવામાં આવશે, જે આશરે 550 કિલોગ્રામ આસપાસ વજન ધરાવતા ઉપગ્રહોનું વહન કરશે.

આ મિશનમાં 2 અવકાશયાનોનો સમાવેશ થાય છે, જેમ કે કોરોનાગ્રાફ સ્પેસક્રાફ્ટ (CSC) અને ઓક્યુલ્ટર સ્પેસક્રાફ્ટ (OSC) જે એકસાથે "સ્ટૅક્ડ કન્ફિગરેશન" (એકની ઉપર એક) પ્રમાણે લોન્ચ કરવામાં આવશે. PSLV એ એક પ્રક્ષેપણ વાહન છે જે ઉપગ્રહોને અન્ય વિવિધ પેલોડને ઈસરોની જરૂરિયાતો અનુસાર અવકાશમાં લઈ જવામાં મદદ કરે છે. આ લોન્ચ વ્હીકલ ભારતનું પ્રથમ વાહન છે જે પ્રવાહી બળતણના વિવિધ તબક્સકાઓથી સજ્જ છે. પ્રથમ પીએસએલવી ઓક્ટોબર 1994માં સફળતાપૂર્વક લોન્ચ કરવામાં આવ્યું હતું.

ISROના જણાવ્યા અનુસાર PSLVC-59માં પ્રક્ષેપણના ચાર તબક્કા હશે. લૉન્ચ વ્હીકલનું કુલ વજન લગભગ 320 ટન છે. અવકાશ સંસ્થાએ એ પણ જાહેર કર્યું કે, કેવી રીતે આ પ્રક્ષેપણ મિશન પીએસએલવીની "વિશ્વસનીય ચોકસાઇ" અને અન્ય એજન્સીઓ સાથેના સહયોગનું ઉદાહરણ પણ આપે છે.

PSLV નું છેલ્લું પ્રક્ષેપણ પીએસએલવી-સી58 હતું, જેણે 01 જાન્યુઆરી, 2024ના રોજ XPOSAT ઉપગ્રહને "પૂર્વ તરફ નીચી ભ્રમણકક્ષા"માં લોન્ચ કર્યો હતો. ઉપગ્રહને (એક્સ-રે પોલરીમીટર સેટેલાઇટ) પણ કહેવામાં આવતું હતું, તે અવકાશી સ્ત્રોતોમાંથી એક્સ-રે ઉત્સર્જનના અવકાશ-આધારિત ધ્રુવીકરણ માપનમાં સંશોધન કરવા માટે ISRO તરફથી દેશનો પ્રથમ સમર્પિત વૈજ્ઞાનિક ઉપગ્રહ છે.