દેશમાં પ્રથમ વખત C-295 એરક્રાફ્ટનું "સ્વદેશી" ટચ સાથે ઉપ્તાદન

PM મોદીએ ગુજરાતના વડોદરામાં C-295 એરક્રાફ્ટ મેન્યુફેક્ચરિંગ ફેસિલિટીનું ઉદ્ઘાટન કર્યું. “મેક ઇન ઇન્ડિયા” પહેલ હેઠળ ઉડ્ડયન ક્ષેત્રે આ એક મોટું પગલું છે. PM મોદીએ સ્પેનના વડા પ્રધાન પેડ્રો સાંચેઝની હાજરીમાં Tata Advanced Systems Limited (TASL) ના Tata Aircraft Complexનું ઉદ્ઘાટન કર્યું.

ઉલ્લેખનીય છે કે, ટાટા એડવાન્સ્ડ સિસ્ટમ્સ ફેસિલિટીનું ભૂમિપૂજન વડાપ્રધાન નરેન્દ્ર મોદી દ્વારા ઓક્ટોબર, ૨૦૨૨માં કરવામાં આવ્યું હતું, અને હવે ૨૪ મહિનાના સમયગાળામાં તેઓ આ ફેસિલિટીનું ઉદ્ઘાટન કરી રહ્યા છે. સપ્ટેમ્બર ૨૦૨૧માં ભારતે ભારતીય વાયુસેના (IAF) ના જૂના AVRO કાફલાને બદલવા માટે 56 C-295 એરક્રાફ્ટ્સના અધિગ્રહણ માટેની ઔપચારિકતા હાથ ધરી હતી. કોન્ટ્રાક્ચ્યુઅલ એગ્રીમેન્ટ હેઠળ, એરબસ પ્રથમ ૧૬ એરક્રાફ્ટ્સને ‘ફ્લાય-અવે’ સ્થિતિમાં ડિલિવર કરશે.

C-295 પ્રોગ્રામ એ 'મેક ઇન ઇન્ડિયા' પહેલ હેઠળ ભારતના ખાનગી ક્ષેત્રનો પ્રથમ એરોસ્પેસ પ્રોજેક્ટ છે. ટાટા એડવાન્સ્ડ સિસ્ટમ્સ ફેસિલિટી ભારતીય વાયુસેના (IAF) માટે સ્વદેશી ઈલેક્ટ્રોનિક વૉરફેર સ્યુટ્સથી સજ્જ ૪૦ C-295 ટ્રાન્સપોર્ટ એરક્રાફ્ટનું ઉત્પાદન કરશે અને તેમને એસેમ્બલ કરશે. આમાંનું પ્રથમ મેડ-ઇન ઇન્ડિયા એરક્રાફ્ટ સપ્ટેમ્બર ૨૦૨૬ સુધીમાં બનીને તૈયાર થઈ જશે તેવો અંદાજ છે, જ્યારે ફાઇનલ એરક્રાફ્ટની ડિલિવરી ઓગસ્ટ ૨૦૩૧ સુધીમાં થવાનો અંદાજ છે

દરમિયાન પીએમ મોદીએ કહ્યું, “ટાટા-એરબસ સી-295 એરક્રાફ્ટ પ્લાન્ટમાં દેશના સૂક્ષ્મ, નાના અને મધ્યમ ઉદ્યોગો દ્વારા ઓછામાં ઓછા 18,000 પાર્ટ્સનું ઉત્પાદન કરવામાં આવશે, જેનાથી રોજગારની નવી તકો પણ ઊભી થશે.”C-295 પ્રોગ્રામ હેઠળ કુલ 56 એરક્રાફ્ટનું ઉત્પાદન થવાનું છે, જેમાંથી 16 એરબસ કંપની દ્વારા સીધા સ્પેનથી મોકલવામાં આવશે અને બાકીના 40 એરક્રાફ્ટનું ઉત્પાદન વડોદરામાં કરવામાં આવશે. ભારતમાં ખાનગી ક્ષેત્રનો આ પહેલો લશ્કરી એરક્રાફ્ટ એસેમ્બલી પ્લાન્ટ છે. આ પ્લાન્ટ ટાટા એડવાન્સ સિસ્ટમ્સ અને એરબસ સ્પેનના સહયોગથી સ્થાપિત કરવામાં આવી રહ્યો છે. ચાલો જાણીએ શું છે C-295 એરક્રાફ્ટની ખાસિયત.

C-295 એરક્રાફ્ટ 844 મીટરના રનવે પરથી ટેકઓફ કરી શકે છે. આ સિવાય તેને લેન્ડ કરવા માટે માત્ર 420 મીટર લાંબા રનવેની જરૂર છે. તેમાં હવામાં ઇંધણ ભરવાની સુવિધા છે. આ વિમાન 11 કલાક સુધી સતત ઉડી શકે છે.તે ટૂંકા ટેક-ઓફ અને લેન્ડિંગ ક્ષમતા સાથે નવ ટન સુધીનો સામાન રાખી શકે છે. આ એરક્રાફ્ટ દ્વારા એક સાથે 71 સૈનિકોને લઈ જઈ શકાય છે.તેમાં બે એન્જિન છે. આ એરક્રાફ્ટ 482 કિલોમીટર પ્રતિ કલાકની ઝડપે ઉડી શકે છે. આ વિમાન એક એન્જિનની મદદથી 13 હજાર 533 ફૂટની ઉંચાઈ સુધી ઉડી શકે છે. તે જ સમયે, બંને એન્જિન સાથે તે 30 હજાર ફૂટની ઊંચાઈ સુધી ઉડી શકશે.

આ એરક્રાફ્ટમાં છ હાર્ડપોઈન્ટ છે. આ સિવાય તમે 6 જગ્યાએ હથિયાર અને ડિફેન્સ સિસ્ટમ લગાવી શકો છો. આ પાંખો હેઠળ છે. તેમાં ઇનબોર્ડ તોરણ છે જેમાં 800 કિલોના હથિયારો લગાવી શકાય છે.
પીએમ મોદીએ આ વાત કહીકાર્યક્રમમાં વડાપ્રધાન મોદીએ ભારતની ઝડપી પ્રગતિ વિશે વાત કરી અને કહ્યું, “મારા મિત્ર પેડ્રો સાંચેઝની ભારતની આ પ્રથમ મુલાકાત છે. આજે આપણે C295 એરક્રાફ્ટ ફેક્ટરી સાથે ભારત-સ્પેનની ભાગીદારીને નવી દિશા આપી રહ્યા છીએ.

આ ફેક્ટરી ભારતમાં સ્થિત છે – સ્પેન સંબંધોને મજબૂત કરશે અને ‘મેક ઇન ઇન્ડિયા, મેક ફોર ધ વર્લ્ડ’ મિશનને પ્રોત્સાહન આપશે. તાજેતરની મોટી ખોટને યાદ કરતાં તેમણે કહ્યું, “તાજેતરમાં અમે દેશના મહાન સપૂત રતન ટાટાને ગુમાવ્યા છે. જો તેઓ આજે અમારી સાથે હોત તો તેમને ખૂબ ગર્વ થાત.”