આ જાયન્ટ કિલર બની શકે દિલ્હીનો નવો મુખ્યમંત્રી

દિલ્હી વિધાનસભા ચૂંટણીના શરૂઆતના વલણો બહાર આવવા લાગ્યા છે. મત ગણતરી શરૂ થતાંની સાથે જ ભારતીય જનતા પાર્ટી (ભાજપ) મોટાભાગની બેઠકો પર આગળ ચાલી રહી છે. આવી સ્થિતિમાં, જો ભાજપ દિલ્હીમાં સત્તામાં પાછી આવે છે, તો 1998 પછી પહેલી વાર રાજધાનીમાં ભાજપની સરકાર બનશે. હવે પ્રશ્ન એ છે કે જો ભાજપ જીતે તો દિલ્હીના મુખ્યમંત્રી કોણ બનશે? આના જવાબમાં, 5 મોટા નામો આગળ આવી રહ્યા છે. જો કે જે જાયન્ટ કિલર બન્યા છે તે પરવેશ વર્મા મુખ્યમંત્રીની રેસમાં પહેલા નંબરે ચાલી રહ્યા છે. પરવેશ વર્મા અત્યારે કેન્દ્રીય ગૃહ મંત્રી અમિત શાહના ઘેર પહોંચ્યા છે. હમણા મળેલા સમાચાર મુજબ અરવિંદ કેજરીવાલને પ્રવેશ વર્માએ 1200 મતથી હરાવ્યા છે

1 પરવેશ વર્મા

નવી દિલ્હીથી અરવિંદ કેજરીવાલ સામે ચૂંટણી લડી રહેલા પરવેશ વર્મા પણ શરૂઆતના વલણોમાં આગળ હતા. પરવેશ વર્મા કેજરીવાલને હરાવવામાં સફળ થયા છે, જેથી તેઓ મુખ્યમંત્રી પદ માટે એક મજબૂત ચહેરો બની શકે છે. કેજરીવાલને હરાવવાના બદલામાં, ભાજપ તેમને મુખ્યમંત્રી બનાવીને સૌથી મોટી ભેટ આપી શકે છે.

2 વીરેન્દ્ર સચદેવા

મુખ્યમંત્રી પદની રેસમાં દિલ્હી ભાજપ પ્રમુખ વીરેન્દ્ર સચદેવનું નામ પણ સામેલ છે. ભાજપે વીરેન્દ્ર સચદેવાના નેતૃત્વમાં દિલ્હીમાં ચૂંટણી લડી છે. આવી સ્થિતિમાં, જો ભાજપ દિલ્હીમાં જીતે છે તો તેમાં વીરેન્દ્ર સચદેવનું મોટું યોગદાન રહેશે. સ્વાભાવિક છે કે પાર્ટી હાઈકમાન્ડ દિલ્હીની સંપૂર્ણ કમાન તેમને સોંપી શકે છે.

3 સ્મૃતિ ઈરાની

ભાજપના ભૂતપૂર્વ સાંસદ અને સ્ટાર પ્રચારક સ્મૃતિ ઈરાનીને પણ દિલ્હીમાં વાઇલ્ડ કાર્ડ એન્ટ્રી મળી શકે છે. લોકસભા ચૂંટણીમાં અમેઠી બેઠક હાર્યા બાદ, ભૂતપૂર્વ કેન્દ્રીય મંત્રી સ્મૃતિ ઈરાની હાલમાં કોઈ મોટું પદ સંભાળતા નથી. આવી સ્થિતિમાં, એવી અટકળો લગાવવામાં આવી રહી છે કે સ્મૃતિ ઈરાનીને દિલ્હીની કમાન મળશે.

4 મનજિંદર સિંહ સિરસા

રાજૌરી ગાર્ડનથી ભાજપના ઉમેદવાર રહેલા મનજિંદર સિંહ સિરસાનું નામ પણ મુખ્યમંત્રી પદની યાદીમાં સામેલ છે. મનજિંદર સિંહ સિરસા દિલ્હીથી પંજાબ સુધી પ્રભાવશાળી છે. આવી સ્થિતિમાં, સિરસાને મુખ્યમંત્રી બનાવીને, ભાજપ માત્ર દિલ્હી જ નહીં પરંતુ પંજાબનું રાજકારણ પણ સંભાળી શકે છે.

૫. દુષ્યંત ગૌતમ

દિલ્હીની કરોલ બાગ વિધાનસભા બેઠક પરથી ચૂંટણી લડનારા દુષ્યંત ગૌતમ પણ મુખ્યમંત્રી પદના ઉમેદવારોની યાદીમાં સામેલ છે. જ્યારે કરોલ બાગ દિલ્હીના હોટ સીટોમાં ગણાય છે.