જયેશ રાદડીયાનો ખુલ્લો પડકાર , નામ લીધા વગર કહ્યું, મારી ઓપન ચેલેન્જ છે કે...

રાજકોટમાં યોજાયેલા સામાજીક કાર્યક્રમમાં ધારાસભ્ય જયેશ રાદડીયાએ આપેલા નિવેદનથી ફરી એકવાર વાતાવરણમાં ગરમાવો આવ્યો છે. જયેશ રાદડીયાએ કોઇનુ નામ લીધા વગરક વિરોધીઓ પર પ્રહાર કર્યા છે. જો કે જયેશ રાદડીયા વારંવાર નામ લીધા વગર પ્રહાર કરે છે ત્યારે પ્રશ્ન એ થાય છે કે તેઓ કોઇનું નામ કેમ લેતા નથી. આમ તો તેઓ કોઇનાથી ડરે તેવા નથી પણ આવા કિસ્સાઓમાં જાણે બચી બચીને વિરોધીઓ પર પ્રહાર કરતાં હોય તેવું લાગી રહ્યું છે. કદાચ તેમને ડર છે કે કોઇનું નામ લેશે તો સમાજ તેમની સાથે નહીં રહે અથવા જેને વેપારી કહે છે તે સમાજના એવા બાહુબલી છે કે જયેશભાઇનો સમાજ અને સહકારી ક્ષેત્રમાંથી એકડો નીકળી જાય

રાજકોટમાં યોજાયેલા સામુહિક લગ્નના કાર્યક્રમમાં ધારાસભ્ય જયેશ રાદડીયા વિરોધીઓ પર વરસ્યા હતા. તેમણે નામ લીધાવગર સમાજના વિરોધીઓ પર નિશાન તાક્યું હતું. તેમણે કહ્યું કે સમાજના 2 ટકા ટપોરીઓ હવનાં હાડકાં નાખી રહ્યા છે. રાદડીયા પરિવાર પર સોશિયલ મિડીયામાં તેઓ બેફામ લખે છે. તેમણ એમ પણ કહ્યું કે કેટલાક લોકો રાજનીતિમાં નથી તો પણ સમાજમાં રાજનીતિ કરી રહ્યા છે. 

જયેશ રાદડીયાએ કહ્યું કે રાજનીતિમાં નથી તેવા લોકો રાદડીયાને પાડવાના પ્રયાસો કરી રહ્યા છે. રાદડીયા સમાજનંુ કામ કરે છે એટલે આ લોકોના પેટમાં તેલ રેડાય છે. તેમણે એમ પણ કહ્યું કે જયેશ રાદડીયાને આજે પણ લેઉઆ પટેલના નેતા બનવું નથી અને કાલે પણ નથી થવું. જે લોકો રાજનીતિમાં નથી તેઓ જયેશ રાદડીયાને પાી દેવાના પ્રય્તન કરે અને મારા નળિયા ગણવાના પ્રયત્ન કરે. 

રાદડીયા સમાજનું કામ કરે એટલે કેટલાકના પેટમાં તેલ રેડાય અને બીજા દિવસથી રાજકીય રીતે પાડી દેવાના કાવતરાં કરે છે. જામકંડોરણામાં છાત્રાલય ચલાવે સમુહ લગ્ન કરે અને સમાજના ભવનો તૈયાર કરે તો શું આ સમાજની પ્રૃત્તિ ના કહેવાય તેવો પ્રશ્ન તેમણે કર્યો હતો. 

તેમણે ખુલ્લો પડકાર આપતાં કહ્યું કે  સમાજનીઆગેવાની મારે નથી લેવાની,સમાજ મારી પાસે આવે તો તમને વાંધો શું છે? મારી ઓપન ચેલેન્જ છે તમે બધુ મુકીને એકવાર રાજનીતિમાં આવી જાવ..આ મેદાન ખુલ્લુ છે, અહીં કોઇના સર્ટિફિકેટ લેવાની જરૂર નથી..વિઠ્ઠલ રાદડીયા અને જયેશ રાદડિયા સમાજને પુછીને રાજનિતીમાં નથી આવ્યા.. ત્રેવડ હોય તો આવી જવાય સમાજ સ્વિકારીને બેસાડી..દર વખતે સમાજને વચ્ચે રાખીને રાજનિતી કરવાની ?અમે અઢારે વરણના કામ કરીએ છીએ