ગુજરાત ભાજપમાં રાજકીય ગરમાવો, નવા પ્રદેશ પ્રમુખની નિમણૂક માટે દિલ્હીમાં મંથન!

ગુજરાત ભાજપના રાજકારણમાં હાલમાં ગરમાગરમ ચર્ચાઓ ચાલી રહી છે. પ્રદેશ ભાજપ અધ્યક્ષની નિમણૂકનો મામલો દિલ્હીના દરબાર સુધી પહોંચ્યો છે. વર્તમાન અધ્યક્ષ સી.આર. પાટીલ અને કેન્દ્રીય મંત્રી ભૂપેન્દ્ર યાદવ વચ્ચે આ મુદ્દે મહત્ત્વપૂર્ણ બેઠક યોજાઈ છે.

દિલ્હીમાં યોજાયેલી આ બેઠકમાં ગુજરાત ભાજપના નવા અધ્યક્ષની નિમણૂક અંગે ઊંડાણપૂર્વક ચર્ચા કરવામાં આવી હતી. સૂત્રોના જણાવ્યા અનુસાર, ગુજરાત પ્રદેશ પ્રમુખની નિમણૂકની જવાબદારી ભૂપેન્દ્ર યાદવને સોંપવામાં આવી છે. પાર્ટીના રાષ્ટ્રીય નેતૃત્વએ આ નિર્ણય લીધો છે અને હવે ભૂપેન્દ્ર યાદવ આ પ્રક્રિયાને આગળ વધારશે.

આ બેઠક બાદ, ટૂંક સમયમાં જ ભૂપેન્દ્ર યાદવ ગુજરાતના પ્રવાસે આવે તેવી પ્રબળ શક્યતા છે. તેમના ગુજરાત પ્રવાસ દરમિયાન તેઓ રાજ્યના વરિષ્ઠ નેતાઓ અને કાર્યકર્તાઓ સાથે ચર્ચા-વિચારણા કરશે અને નવા પ્રદેશ પ્રમુખ માટેના યોગ્ય ઉમેદવારની પસંદગી કરશે.

ગુજરાત ભાજપના નવા અધ્યક્ષની જાહેરાત ટૂંક સમયમાં જ થવાની સંભાવના છે. આ જાહેરાત પહેલાં, પક્ષમાં વિવિધ સ્તરે મંથન ચાલી રહ્યું છે અને દરેક પાસાંઓને ધ્યાનમાં રાખીને નિર્ણય લેવામાં આવશે. નવા અધ્યક્ષની પસંદગી ગુજરાત ભાજપ માટે ખૂબ જ મહત્વપૂર્ણ છે, કારણ કે આગામી સમયમાં રાજ્યમાં અનેક ચૂંટણીઓ યોજાવાની છે.

આ નિમણૂક ગુજરાતના રાજકારણમાં નવા સમીકરણો ઊભા કરી શકે છે અને ભાજપની રણનીતિને પણ અસર કરી શકે છે. હાલમાં સૌની નજર આ નિમણૂક પર ટકેલી છે અને દરેક વ્યક્તિ જાણવા માંગે છે કે ગુજરાત ભાજપની કમાન કોના હાથમાં સોંપાશે.

અત્યાર સુધીના ભાજપ પ્રદેશ પ્રમુખનો સમયગાળો

એ.કે.પટેલ - 1982થી 1985 - 3 વર્ષ

કાશીરામ રાણા - 1993 થી 1996 - 3 વર્ષ

વજુભાઇ વાળા - 1996 થી 1998 - 2 વર્ષ

રાજેન્દ્રસિંહ રાણા - 1998 થી 2005 - 7 વર્ષ

વજુભાઇ વાળા - મે 2005 થી ઓક્ટોબર 2006 - 1 વર્ષ 150 દિવસ

પરશોત્તમ રૂપાલા -  ઓક્ટોબર 2006 થી ફેબ્રુઆરી 2010 - 3 વર્ષ 98 દિવસ

આર.સી.ફળદુ - ફેબ્રુઆરી 2010 થી ફેબ્રુઆરી 2016 - 6 વર્ષ 18 દિવસ

વિજય રૂપાણી - ફેબ્રુઆરી 2016 થી જુલાઇ 2020 - 173 દિવસ

જીતુ વાઘાણી - ઓગસ્ટ 2016 થી જુલાઇ 2020 - 3 વર્ષ 345 દિવસ

સી.આર.પાટિલ - જુલાઇ 2020 થી અત્યાર સુધી