સંસદનું ચોમાસુ સત્ર જાહેર,રાષ્ટ્રપતિએ આપી મંજૂરી

Parliament Monsoon Session 2026: ભારતની સંસદીય પ્રક્રિયામાં મહત્વનું ગણાતું ચોમાસુ સત્ર આ વર્ષે 20 જુલાઈથી 13 ઓગસ્ટ દરમિયાન યોજાશે. રાષ્ટ્રપતિની મંજૂરી બાદ કેન્દ્ર સરકારે સત્રની તારીખો જાહેર કરી છે. આ સત્ર દરમિયાન સરકાર અનેક મહત્વપૂર્ણ બિલો રજૂ કરી શકે છે, જ્યારે વિપક્ષ પણ વિવિધ રાષ્ટ્રીય મુદ્દાઓને લઈને સરકારને ઘેરવાની તૈયારીમાં છે. રાજકીય દ્રષ્ટિએ આ સત્ર અત્યંત મહત્વપૂર્ણ માનવામાં આવી રહ્યું છે કારણ કે તેમાં અર્થતંત્ર, રાષ્ટ્રીય સુરક્ષા, કૃષિ, શિક્ષણ, રોજગાર અને રાજ્યવાર વિકાસ જેવા મુદ્દાઓ પર ચર્ચા થવાની શક્યતા છે.સંસદનું ચોમાસુ સત્ર માત્ર કાયદાકીય પ્રક્રિયા પૂરતું મર્યાદિત નથી રહેતું, પરંતુ દેશની નીતિઓ, સરકારની કામગીરી અને વિપક્ષની ભૂમિકાનું સૌથી મોટું લોકતાંત્રિક મંચ પણ બને છે.

રાષ્ટ્રપતિની મંજૂરી બાદ સત્રની સત્તાવાર જાહેરાત
ભારતના બંધારણ મુજબ સંસદનું સત્ર બોલાવવા માટે રાષ્ટ્રપતિની મંજૂરી જરૂરી હોય છે. કેન્દ્ર સરકારની ભલામણ બાદ રાષ્ટ્રપતિએ મંજૂરી આપતા હવે 20 જુલાઈથી સંસદનું ચોમાસુ સત્ર શરૂ થશે અને 13 ઓગસ્ટ સુધી ચાલશે.આ સમયગાળા દરમિયાન લોકસભા અને રાજ્યસભાની નિયમિત બેઠકો યોજાશે, જેમાં સરકાર નવા કાયદા રજૂ કરશે તેમજ પહેલાથી રજૂ થયેલા બિલો પર ચર્ચા અને મંજૂરી મેળવવાનો પ્રયાસ કરશે.

કેમ મહત્વપૂર્ણ છે ચોમાસુ સત્ર?
ભારતીય સંસદમાં સામાન્ય રીતે ત્રણ મુખ્ય સત્રો યોજાય છે :બજેટ સત્ર,ચોમાસુ સત્ર,શિયાળુ સત્ર.તેમાં ચોમાસુ સત્ર સૌથી વધુ ચર્ચાસ્પદ રહે છે કારણ કે બજેટ બાદ સરકાર પોતાની યોજનાઓના અમલીકરણ અને નવા કાયદાઓ માટે આ સત્રનો ઉપયોગ કરે છે. બીજી તરફ વિપક્ષને પણ સરકાર સામે પ્રશ્નો ઉઠાવવાની મોટી તક મળે છે.આ સત્ર દરમિયાન કેન્દ્ર સરકાર અનેક મહત્વપૂર્ણ બિલો રજૂ કરે તેવી શક્યતા છે. તેમાં વહીવટી સુધારા, આર્થિક નીતિઓ, ડિજિટલ ગવર્નન્સ, ઈન્ફ્રાસ્ટ્રક્ચર વિકાસ, ન્યાયિક સુધારા અને અન્ય જાહેર હિતના મુદ્દાઓને લગતા પ્રસ્તાવો સામેલ હોઈ શકે છે.સત્ર શરૂ થાય તે પહેલાં સરકાર કેબિનેટની બેઠકમાં પોતાના વિધાનકારી એજન્ડાને અંતિમ સ્વરૂપ આપશે.

25 દિવસ ચાલશે સંસદની કાર્યવાહી
આ સત્ર દરમિયાન કુલ 25 દિવસ સુધી સંસદની કાર્યવાહી ચાલશે. સરકારનું માનવું છે કે આ સત્રમાં અનેક મહત્વપૂર્ણ બિલો અને નીતિગત મુદ્દાઓ પર ચર્ચા કરવામાં આવશે.સંસદીય કાર્યમંત્રી દ્વારા તમામ રાજકીય પક્ષોને સંસદની કાર્યવાહી સુચારુ રીતે ચલાવવા માટે સક્રિય સહભાગિતા આપવા અપીલ કરવામાં આવી છે. આ સાથે જ ઘણા મહત્વના રાજકીય મુદ્દાઓને લઈને મોટી ચર્ચા પણ આ સત્ર દરમિયાન થશે. 

રાષ્ટ્રપતિએ બંને ગૃહોની બેઠક બોલાવવા આપી મંજૂરી
કેન્દ્રીય સંસદીય કાર્યમંત્રી કિરણ રિજિજુએ સોશિયલ મીડિયા પ્લેટફોર્મ X પર પોસ્ટ કરીને માહિતી આપી હતી કે ભારત સરકારની ભલામણના આધારે રાષ્ટ્રપતિ દ્રૌપદી મુર્મૂએ સંસદના ચોમાસુ સત્ર માટે બંને ગૃહોની બેઠકો બોલાવવાની મંજૂરી આપી છે. તેમણે જણાવ્યું કે, ચોમાસુ સત્ર 20 જુલાઈ, 2026થી શરૂ થશે અને 13 ઑગસ્ટ,2026 સુધી ચાલશે.આ સમયગાળા દરમિયાન સંસદમાં અનેક મહત્વપૂર્ણ મુદ્દાઓ પર ચર્ચા, વિચારણા અને નિર્ણય લેવામાં આવશે.

ગયા વર્ષે કેટલા દિવસ ચાલ્યું હતું સત્ર? 
સંસદનું 2025નું ચોમાસુ સત્ર 32 દિવસ ચાલ્યું હતું.તે 21 જુલાઈ,2025થી 21 ઓગસ્ટ,2025 સુધી યોજાયું હતું.આ સમયગાળા દરમિયાન,બંને ગૃહોમાં 15 બિલ પસાર થયા.આ ચોમાસુ સત્ર ગયા વર્ષ કરતા ટૂંકું રહેશે.આ વખતે,ચોમાસુ સત્ર 24 દિવસ માટે નક્કી કરવામાં આવ્યું છે

TMC અને UBTના બળવાખોર સાંસદો અંગે સ્પીકરનો નિર્ણય આવી શકે
મમતા બેનર્જીના નેતૃત્વવાળી તૃણમૂલ કોંગ્રેસ (TMC) અને ઉદ્ધવ ઠાકરેની શિવસેના (UBT)માં થયેલા વિભાજન બાદ આ સંસદનું પ્રથમ સત્ર હશે. TMCના લોકસભાના 28માંથી 20 સાંસદોએ પક્ષના નેતૃત્વ સામે બળવો કરીને સત્તાધારી ભાજપના નેતૃત્વવાળા NDAને સમર્થન આપવાનો નિર્ણય કર્યો છે. તેવી જ રીતે UBTના નવમાંથી છ લોકસભા સાંસદો એકનાથ શિંદેની શિવસેનામાં જોડાઈ ગયા છે. તેને કારણે લોકસભામાં NDAનું સંખ્યાબળ વધુ મજબૂત બન્યું છે. જોકે, અલગ ગ્રુપ તરીકે માન્યતા માગતા TMC અને UBTના બળવાખોર સાંસદો અંગે લોકસભાના અધ્યક્ષ ઓમ બિરલાના નિર્ણયની હજુ રાહ જોવામાં આવી રહી છે.

રાજ્યસભામાં NDAના સંખ્યાબળમાં થયો વધારો
રાજ્યસભાના તાજેતરના ચૂંટણીઓ બાદ ઉચ્ચ ગૃહમાં NDAના સભ્યોની સંખ્યામાં વધારો થયો છે. બજેટ સત્ર અપેક્ષા મુજબ સફળ રહ્યું ન હોવાથી અને બંધારણીય સુધારા સંબંધિત વિધેયક લોકસભામાં પસાર ન થઈ શકતાં આ ચોમાસુ સત્ર સત્તાધારી ગઠબંધન તેમ જ INDIA ગઠબંધન – બંને માટે મહત્વપૂર્ણ માનવામાં આવી રહ્યું છે.