"જવાબદારી સમયે GAYAB", કોંગ્રેસનું PM પર વિવાદાસ્પદ પોસ્ટર, ભાજપે આપ્યો વળતો જવાબ

જમ્મુ-કાશ્મીરના પહલગામમાં 22 એપ્રિલના રોજ થયેલા ઘાતકી આતંકવાદી હુમલા બાદ કોંગ્રેસે PM નરેન્દ્ર મોદી પર તીવ્ર પ્રહારો કર્યા છે. કોંગ્રેસે PM મોદીનું એક વિવાદાસ્પદ પોસ્ટર શેર કર્યું છે, જેમાં તેમના માથા અને હાથ-પગ GAYAB દર્શાવવામાં આવ્યા છે. કોંગ્રેસ પાર્ટીએ પોતાના સત્તાવાર X હેન્ડલ પર આ પોસ્ટર શેર કરતા કહ્યું છે કે, "જવાબદારીના સમયે GAYAB."   

આના પર ભાજપે વળતો પ્રહાર કરતા કહ્યું કે, કોંગ્રેસ સીધી રીતે પાકિસ્તાનથી આદેશ લઈ રહી છે. કોંગ્રેસ પાકિસ્તાની આતંકના ડીપસ્ટેટનું હથિયાર બની ગઈ છે. ભાજપના સાંસદે કહ્યું કે, કોંગ્રેસ અને તેમના નેતાઓની શું મજબૂરી છે કે પાકિસ્તાનના શબ્દો બોલવા જરૂરી છે? તેઓ પાકિસ્તાનનું સમર્થન કેમ કરી રહ્યા છે? જ્યારે ભારતીયોનું લોહી વહે છે તો શું તેમને જોઈને ગુસ્સો નથી આવતો?

ભાજપના સાંસદે કહ્યું કે, તેમના નેતા અને પૂર્વ કેબિનેટ મંત્રી સૈફુદ્દીન સોઝે અમને કહ્યું કે અમે પાકિસ્તાનની વાતો સાંભળીએ અને પાકિસ્તાનનું પાણી ન રોકીએ. કોંગ્રેસ કોની સાથે ઊભી છે? ભારત સાથે કે પાકિસ્તાન સાથે? જ્યારે ભારત પાકિસ્તાન પર સર્જિકલ સ્ટ્રાઈક કરે છે તો કોંગ્રેસ સવાલ ઉઠાવે છે. હવે કોંગ્રેસનો પ્રો-પાકિસ્તાન ચહેરો ઉઘાડો પડી ગયો છે.

તે જ સમયે, ભાજપના નેતા અમિત માલવીયે કોંગ્રેસ પર સવાલ ઉઠાવતા કહ્યું કે, જે રીતે કોંગ્રેસે "સર તન સે જુદા" વાળી તસવીરનો ઉપયોગ કર્યો છે, તેમાં હવે કોઈ શંકા નથી રહી કે આ માત્ર એક રાજકીય નિવેદન નથી. આ મુસ્લિમ વોટ બેંક મેળવવાનો પ્રયાસ છે. આ PM વિરુદ્ધ એક છૂપો ઉશ્કેરણી છે. આ પહેલી વખત નથી જ્યારે કોંગ્રેસે આ પ્રકારની રણનીતિ અપનાવી છે.

ભાજપના રાષ્ટ્રીય પ્રવક્તા પ્રદીપ ભંડારીએ કહ્યું કે, કોંગ્રેસ પાર્ટી પોતાના આદેશ પાકિસ્તાનથી લઈ રહી છે. કોંગ્રેસ પાર્ટીના ટ્વીટને પાકિસ્તાનના પૂર્વ મંત્રી ટાંકે છે. તો આજે દેશની સામે એ સ્પષ્ટ થઈ ગયું છે કે કોંગ્રેસ અને પાકિસ્તાનના આતંકના ડીપસ્ટેટની સાંઠગાંઠ ચાલી રહી છે. કોંગ્રેસના અલગ-અલગ નેતાઓ પછી ભલે તે સિદ્ધારમૈયા હોય કે કોંગ્રેસના જમ્મુ-કાશ્મીરના ચીફ હોય, જે કહી રહ્યા છે કે આપણે પાકિસ્તાન સાથે વાતચીત કરવી જોઈએ. જો કોંગ્રેસનું ચાલ-ચલિત્ર અને નીતિ આજે પાકિસ્તાન સમર્થક આતંકવાદી પાર્ટીની છે. તો એ સ્પષ્ટ થાય છે કે કોંગ્રેસ પાર્ટીનું ચાલ-ચલિત્ર એ જ છે જે રાષ્ટ્રવિરોધી પાર્ટીનું હોય છે.