દિલ્લીમાં ભાજપને ઘેરવાનો વિરોધપક્ષનો પ્રયાસ, લગાવયા ગંભીર આરોપ

દિલ્હીમાં વિપક્ષની ભૂમિકા ભજવતી આમ આદમી પાર્ટી, વીજળીના કાપને લઈને ભાજપ સરકાર પર સતત પ્રહારો કરી રહી છે. આ સંદર્ભે, ગુરુવારે આમ આદમી પાર્ટીના કેટલાક કાર્યકરોએ કાશ્મીરી ગેટ, ITO, બુરારી વિધાનસભા, કાલકાજી જેવા દિલ્હીના અનેક વિસ્તારોમાં વિરોધ પ્રદર્શન કર્યું હતું. આ માટે પાર્ટીએ અનેક સ્થળોએ બેનરો લગાવ્યા હતા, જેના પર લખ્યું હતું કે “ભાજપ આવ્યું, વીજળી ગયું”. કાશ્મીરી ગેટ વિસ્તારમાં AAPના ધારાસભ્ય કુલદીપ કુમારે બેનરો સાથે વિરોધ નોંધાવ્યો હતો. પરંતુ, પોલીસે ITO વિસ્તારમાં વિરોધ કરી રહેલા AAP કાર્યકરોને ત્યાંથી હટાવી દીધા અને બેનરો પણ દૂર કરી નાખ્યા. આમ આદમી પાર્ટી વીજળી કાપના મુદ્દે ભાજપ પર લગાતાર હુમલાઓ કરી રહી છે, જ્યારે પૂર્વ મુખ્યમંત્રી આતિશી આ અંગે સોશિયલ મીડિયા પર સતત પોસ્ટ મૂકી રહ્યા છે.   હાલમાં જ આતિશીએ ઇન્સ્ટાગ્રામ પર દિલ્હીના ઉર્જા મંત્રી આશિષ સૂદ પર આક્ષેપ કરતાં લખ્યું હતું કે, ઉર્જા મંત્રીના પોતાના વિધાનસભા ક્ષેત્રમાં પણ વીજળીનો કાપ થઈ રહ્યો છે! તેઓ ઇન્સ્ટાગ્રામ પર વીજળી કાપની ફરિયાદો નિયમિત રીતે પોસ્ટ કરી રહ્યા છે. આતિશીએ 1 એપ્રિલે ટ્વિટર પર એક વીડિયો શેર કરીને જણાવ્યું હતું કે, દિલ્હીના નાગરિકો છેલ્લા 40 દિવસથી લાંબા વીજળી કાપથી ત્રસ્ત છે, પરંતુ ઉર્જા મંત્રી સમસ્યા હલ કરવાને બદલે વિધાનસભામાં જૂઠું બોલીને સરકારની નિષ્ફળતા છુપાવવાનો પ્રયાસ કરી રહ્યા છે. તેમણે ઉર્જા મંત્રીના ત્રણ ખોટા દાવાઓ પણ રજૂ કર્યા હતા.   આતિશીએ કહ્યું કે, આશિષ સૂદનો પહેલો ખોટો દાવો – કેજરીવાલ સરકારના સમયમાં દિલ્હીમાં 24 કલાક વીજળી ઉપલબ્ધ નહોતી. સત્ય: કેન્દ્ર સરકારે 3 ફેબ્રુઆરી 2025ના રોજ રાજ્યસભામાં રજૂ કરેલા આંકડા દર્શાવે છે કે દિલ્હીમાં 24 કલાક વીજળી મળતી હતી. બીજો ખોટો દાવો – દિલ્હીમાં વીજળી કાપ એ ભાજપ સરકારની નિષ્ફળતા નથી, પરંતુ તે આયોજિત કાપ છે. ત્રીજો ખોટો દાવો – AAP કાર્યકરો અને બોટ્સ ખોટી રીતે વીજળી કાપની વાત ટ્વિટ કરી રહ્યા છે. સત્ય: ભાજપના પોતાના સમર્થકો પણ વીજળી કાપની ફરિયાદ કરી રહ્યા છે!