જમ્મુ-કાશ્મીર વિધાનસભામાં ધારાસભ્યો બાખડ્યા, ગૃહની કાર્યવાહી સ્થગિત

જમ્મુ-કાશ્મીર વિધાનસભામાં આજે ભારે હોબાળો જોવા મળ્યો હતો.વિધાનસભા ગૃહમાં કલમ 370ના પોસ્ટરો બતાવતા હંગામો થયો હતો. જેને પગલે ગૃહની કાર્યવાહી 15 મિનિટ માટે સ્થગિત કરી દેવામાં આવી. બારામુલાના લોકસભા સાંસદ એન્જિનિયર રાશિદના ભાઈ ધારાસભ્ય ખુર્શીદ અહેમદ શેખે કલમ 370 પર બેનર દર્શાવ્યા બાદ જમ્મુ અને કાશ્મીર વિધાનસભામાં હંગામો થયો હતો. વિપક્ષના નેતા સુનીલ શર્માએ આ અંગે વાંધો ઉઠાવ્યો હતો. જે બાદ ધારાસભ્યો વચ્ચે છૂટાહાતની મારામારીના દ્રશ્યો પણ સામે આવ્યા હતા. ગૃહની કાર્યવાહી થોડા સમય માટે સ્થગિત કરવામાં આવી હતી.   ઈરાન હાફિઝ લોનને જમ્મુ-કાશ્મીર વિધાનસભામાં બેનર બતાવ્યું હતું. ઈરફાન હાફિઝ લોન અને બીજેપી સભ્યો વચ્ચે મારામારીને પગલે ગૃહની કાર્યવાહી 15 મિનિટ માટે સ્થગિત કરવામાં આવી હતી. ભાજપે સુરક્ષા પર અવાજ ઉઠાવ્યો કે આવી વસ્તુઓને કેવી રીતે મંજૂરી આપવામાં આવે છે.   વિપક્ષના નેતા સુનીલ શર્માએ કહ્યું કે તેઓએ પોતાના મહેલો બનાવ્યા અને વિશેષ દરજ્જા હેઠળ કબ્રસ્તાન બનાવ્યા, આના પર NC નેતાઓ નારાજ થઈ ગયા. ભાજપે ગૃહમાં સૂત્રોચ્ચાર શરૂ કર્યા. બીજી તરફ, NC નેતાઓએ પણ ગૃહમાં સૂત્રોચ્ચાર કર્યા હતા.