VADODARA : મુખ્યમંત્રીને રજૂઆત કરવાનો આવો બદલો..? સરકારી તંત્રનો બેફામ દુરપયોગ

હરણી બોટકાંડના પીડિતોને મદદ કરનારા કોર્પોરેટર આશિશ જોશીને યેનકેન પ્રકારેણ હેરાન કરવાનો તખ્તો ગોઠવાઇ ગયો છે. અગાઉ ભાજપમાંથી કાઢ્યા બાદ હવે ભાજપના નેતાઓના જ ઇશારે કોર્પોરેટર આશિશ જોશીએ પોતાના મકાનની પાસે જ ગેરકાયદેસર રીતે દબાણ કર્યું છે તે બાબતે કલેક્ટરે નોટિસ આપીને લેન્ડગ્રેબીંગની ફરિયાદ દાખલ કરી છે તો સાથે આ પ્લોટ પર રહેતા ઝુંપડાવાસીઓ અને પશુપતિનાથ મંદિરને પણ નોટિસ આપી છે. ઉલ્લેખનિય છે કે રાજારાણી તળાવમાં રહેતા હરણી બોટકાંડના પીડિત સરલા શિંદેને પણ મામલતદારે નોટિસ આપી છે. 

શહેરના વાઘોડીયા રોડ કલાદર્શન ચાર રસ્તા પાસે રતિલાલ પાર્કમાં રહેતા કોર્પોરેટર આશિશ જોશીનો ગુનો માત્ર એટલો જ છે કે તે સત્ય બોલી રહ્યા છે અને સાચુ બોલવાની કિંમત તેમને ચુકવવી પડી છે. હરણી બોટકાંડના પીડિતોને ન્યાય મળે તે માટે શરુઆતથી જ અવાજ ઉઠાવનારા કોર્પોરેટર આશિશ જોશીને કોઇ પણ ભોગે દબાવવા માટે હવે સરકારી તંત્રનો સહારો લેવાયો છે,. ભાજપના નેતાઓએ હવે કલેક્ટર દ્વારા આશિશ જોશીને લેન્ડ ગ્રેબીંગના કેસમાં ફસાવાનો કારસો રચાયો છે. આશિશ જોશીના ઘરની પાસે જ પ્લોટ આવેલો છે જ્યાં કેટલાક ઝુંપડા છે અને પશુપતિનાથનું મંદિર છે. હવે કલેક્ટરે આશિશ જોશી સાથે ત્યાં રહેતા 20 લોકોને નોટિસ આપી છે કે આ જમીન બાબતે લેન્ડ ગ્રેબીંગ એક્ટ હેઠળ રજૂઆત મળેલી છે તે સંદર્ભે તમે 17 તારીખે કલેક્ટર કચેરીએ આવશો. મોજે વોર્ડ નંબર 3 ટીપી નંબર 3માં આવેલા ફાઇલ પ્લોટ અંગે આ નોટિસ આશિશ જોશીને અપાઇ છે.

 

કોર્પોરેટર આશિશ જોશીએ કહ્યું કે મારી બાજુમાં વર્ષોથી સરકારી પ્લોટ છે. ત્યાં કોઇ દબાણ નથી ત્યાં ઝુંપડા અને મહાદેવનું મંદિર 23 વર્ષથી છે. ઝુંપડા 60 વર્ષથી છે. પહેલા શોધાયું કે આશિશ જોશી સામે લેન્ડ ગ્રેબીંગ કેસ કરીએ એટલે ગયા અઠવાડીયે કોણ ભાડુ ઉઘરાવે છે. તે સહિતની બાબતોની તપાસ કરાઇ તો સ્થાનિકએ કહ્યું કે કોર્પોરેશને આપેલું છે જેથી હવે બધા પર લેન્ડ ગ્રેબીંગ નો ગુનો દાખલ કર્યો છે, અને નોટિસ આપી છે. 17 તારીખે કલેક્ટરમાં બોલાવ્યા છે. તેમણે કહ્યું કે હરણી બોટકાંડના પીડિત સરલા શિંદે સાથે પણ આવું કર્યું  છે. આ લોકો કેટલી નફ્ફટાઇથી પર ઉતર્યા છે. તે ઝુંપડા પણ 60 વર્ષથી છે. સરલા શિંદેને અઠવાડીયામાં 2 નોટિસ આવી ગઇ છે. ગઇ કાલે ત્રીજી નોટિસ આપી છે. આ લોકોએ મારી જોડે મહાદેવને નોટિસ આપી છે. હવે મારા મહાદેવ તેમને ભસ્મ કરી દેશે. તેમણે મારા મહાદેવને નોટિસ આપી છે. આ મહાદેવવનું સત છે,. મારુ કોઇ જાતનું દબાણ નથી. અહીં પ્લે સેન્ટર પહેલા ચાલતું હતું,. 2013માં હું રહેવા આવ્યો તે પહેલા મંદિર અને ઝુંપડા હતા.

 

જેમને 2 વાર નોટિસ મળી છે તેવા હરણી બોટકાંડના પીડિત મહિલા સરલા શિંદેએ જણાવ્યું કે તંત્રએ બે વાર નોટિસ અમને આપી છે કે  સરકારી જગ્યા પર તમે દબાણ કરીને રહો છો. અમે વસાહતમાં 40થી 45 વર્ષથી રહીએ છીએ અમારી પાસે બધા. લાઇટ બિલો છે. કોર્પોરેશને તમામને ફેમિલ કાર્ડ આપેલા છે. 40 વર્ષથી રહીએ છીએ. બાકીના બિચારા લોકો ક્યાં જશે. પોલીસવાળા હાઉસ એરેસ્ટ કરે છે. અમને હેરાન કરાઇ રહ્યા છે. આશિશ ભાઇ અમને સાથ આપતા હતા. તેમને સસ્પેન્ડ કર્યા. અમારે કોની પર ભરોસો રાખવો