શું આ છે લોકોની સેવા? કેન્દ્રીય મંત્રી ભૂપેન્દ્ર યાદવનું શરમજનક વર્તન!

રાજસ્થાનના અલવરના બહરોડમાં એક એવી ઘટના સામે આવી છે, જે દર્શાવે છે કે અમુક નેતાઓને જનતાની સમસ્યાઓ સાંભળવામાં રસ નથી, પણ પોતાના અહંકારનું પોષણ કરવામાં વધુ રુચિ છે. કેન્દ્રીય મંત્રી ભૂપેન્દ્ર યાદવ, જેમની જવાબદારી લોકોની સમસ્યાઓ સાંભળીને તેનું નિરાકરણ લાવવાની છે, તેમણે એક ગ્રામીણ મહિલાની પાણીની સમસ્યા સાંભળવાને બદલે સ્ટેજ છોડીને નાટકીય ઢબે ચાલ્યા ગયા. આ ઘટનાનો વીડિયો સોશિયલ મીડિયા પર વાયરલ થઈ રહ્યો છે, અને લોકોનો ગુસ્સો સાતમા આસમાને છે.   બહરોડમાં આયોજિત સાંસદ સંપર્ક સંવાદ કાર્યક્રમમાં ભૂપેન્દ્ર યાદવ લોકોને સંબોધન કરી રહ્યા હતા. આ દરમિયાન, એક ગ્રામીણ મહિલાએ હિંમત બતાવીને પોતાના ગામની પાણીની ગંભીર સમસ્યા ઉઠાવી. પરંતુ શું આ મહિલાની વાત સાંભળીને મંત્રીએ ઉકેલનું આશ્વાસન આપ્યું? ના! તેમણે મહિલાની વાતને 'વિક્ષેપ' ગણી, પોતાને 'ધીરજવાન' કહેવડાવ્યું અને કહ્યું, "મને અપમાન પસંદ નથી." આ પછી, તેઓ રોષે ભરાઈને સ્ટેજ છોડી ચાલ્યા ગયા. આ કેવું વર્તન છે? શું જનતાની સમસ્યા ઉઠાવવી એ અપમાન છે? શું લોકોની વેદના સાંભળવી એ નેતાઓની શાખને ઠેસ પહોંચાડે છે?   આ ઘટનાએ બહરોડના ગ્રામજનોને સ્તબ્ધ કરી દીધા. જે કાર્યક્રમમાં જાહેર સુનાવણી થવાની હતી, તે અધૂરો રહ્યો, અને લોકોની સમસ્યાઓ જ્યાંની ત્યાં રહી. ભૂપેન્દ્ર યાદવનું આ વર્તન દર્શાવે છે કે તેમને જનતાની સમસ્યાઓ કરતાં પોતાનો અહંકાર વધુ પ્રિય છે. એક ગ્રામીણ મહિલા, જે કદાચ હજારો મુશ્કેલીઓ વચ્ચે પોતાની વાત રજૂ કરવા આવી હશે, તેની વાતને આવી રીતે નજરઅંદાજ કરવી એ શરમજનક છે.   આશ્ચર્યની વાત એ છે કે ભૂપેન્દ્ર યાદવ અગાઉ જાતિ વસ્તી ગણતરી જેવા મુદ્દાઓ પર મોટા મોટા દાવા કરતા ફરતા હતા. તેમણે કહ્યું હતું કે આ ગણતરી ઐતિહાસિક છે અને સરકાર તેના આધારે નીતિઓ ઘડશે. પરંતુ જ્યારે વાસ્તવિક સમસ્યા - પાણી જેવી મૂળભૂત જરૂરિયાત - ઉઠાવવામાં આવી, ત્યારે તેમની ધીરજ જવાબ આપી ગઈ. શું આ રીતે નીતિઓ બનશે? શું લોકોની વાત ન સાંભળીને જ સરકાર સામાજિક ધોરણો સુધારશે?   આ જ પ્રમાણે ગુજરાતના મુખ્યમંત્રી ભુપેન્દ્ર પટેલ પણ વડોદરામાં યોજાએલા એક ક્રાયક્રમ દરમ્યાન બે મહિલાઓ દ્વારા તેમને સવાલ પુછતા તેમને ચોક્કસ એજન્ડ સાથે આવ્યા તેવુ કહીને કાર્યક્રમમાંથી બહાર કઢાવ્યા હતા, જ્યારે ખરેખર બંને મહિલાઓ દોઢ વર્ષ પહેલા વડોદરામાં હરણિબોટ કાંડમાં મૃત્યુ પામેલા તેમના માસુમ બાળકો માટે ન્યાયની માંગણી કરી રહી હતી. પણ કહેવાતા મૃદુ અને મક્કમ સરકારના મુખ્યમંત્રીએ તેમની વાત સાભળવાને બદલે તેમની અવગણના કરી. જોગાનું જોગ બંને રાજનેતાઓના નામ ભૂપેન્દ્ર હતા અને બંને ને મહિલાઓ દ્વારા સવાલ પુછવામાં આવ્યા હતા. ત્યારે અહીં વિચારવાની વાત એ કે શું પ્રજા દ્વારા આ રાજનેતાઓને આ રીતે જ પોતાની મરજી પ્રમાણેના કામો અને વર્તન કરવા માટે ચૂંટવામાં આવે છે. શું તેમને કોઈ પણ વિષય પર પ્રશ્ન પુછવાનો સામન્યા જનતાનો કોઈ અધિકાર નથી. નેતાઓ આ પ્રમાણેના વર્તન કરીને રાજાશાહીની યાદ અપાવી રહ્યા છે. આ ઘટના એક ચેતવણી છે. જે નેતાઓ જનતાની સેવા કરવાના નામે સત્તાના નશામાં ચૂર છે, તેમણે સમય રહેતાં સુધરવું જોઈએ. ભૂપેન્દ્ર યાદવે આ ઘટના માટે જનતાની માફી માંગવી જોઈએ અને ખાસ કરીને તે મહિલાની સમસ્યાનું નિરાકરણ લાવવું જોઈએ. નહીં તો, સોશિયલ મીડિયા પર વાયરલ થયેલો આ વીડિયો તેમની રાજકીય કારકિર્દી પર કાયમી ડાઘ બની રહેશે. જનતા હવે આવા નેતાઓનો અહંકાર સહન નહીં કરે!