ગુજરાતનું નવું મંત્રીમંડળ: 26 મંત્રીઓની રાજકીય સફર

ગુજરાતમાં 2027ની વિધાનસભાની ચૂંટણી યોજાવાની છે, પરંતુ તે પહેલાં રાજકીય સમીકરણો બદલાતા જોવા મળી રહ્યા છે. મંત્રીમંડળ માટે કુલ 26 મંત્રીની યાદી જાહેર કરાઈ છે. આ યાદીમાં જૂના 10 મંત્રીઓને સ્થાન મળ્યું નથી. ગઈકાલે 16 ઓક્ટોબરના રોજ મંત્રીઓએ રાજીનામા આપ્યા બાદ આજે શપથવિધિ યોજાઈ. ત્યારે આ 26 મંત્રીઓ કોણ છે અને તેમના રાજકીય જીવન વિશે થોડી નજર કરીએ.

01) કનુભાઈ દેસાઈ

કનુભાઈ દેસાઈ વલસાડ જિલ્લાની પારડી વિધાનસભા બેઠકના ધારાસભ્ય છે. તેમનો જન્મ 3 ઓક્ટોબર 1951ના રોજ થયો હતો. કનુ દેસાઈ ભૂપેન્દ્ર પટેલની અગાઉની સરકારમાં નાણાં મંત્રી હતા. 2012થી કનુ દેસાઈ પારડી બેઠક પરથી ચૂંટાઈની આવે છે. તેમણે ભાજપમાં કાર્યકર બાદ જિલ્લા મહામંત્રી તરીકે રાજકીય કારકિર્દીની શરુઆત કરી હતી. તેઓ વલસાડ જિલ્લા ભાજપના 7 વર્ષ પ્રમુખ પણ હતા. ત્યારબાદ 2012માં તેઓ પહેલીવાર ધારાસભ્ય બન્યા હતા. તેઓ સતત 3 ટર્મથી ધારાસભ્ય રહ્યા છે અને રાજકારણનો 25 વર્ષ કરતા વધુ અનુભવ ધરાવે છે.

02) ઋષિકેશ પટેલ

ઋષિકેશ પટેલ વિસનગર વિધાનસભા બેઠકના ધારાસભ્ય છે. તેમનો જન્મ 30 ઓક્ટોબર 1961માં થયો હતો. તેઓ ભૂતકાળમાં રાજ્ય સરકારના કેબિનેટ મંત્રી રહી ચૂક્યા છે. તેમણે સિવિલ એન્જિનિયરિંગમાં ડિગ્રી મેળવેલી છે. તેઓ 1990માં રાજકીય કારકિર્દીની શરૂઆત કરી ત્યારથી રાજકારણમાં સક્રિય છે અને 2007થી સળંગ ધારાસભ્ય તરીકે ચૂંટાયા છે. રાજકારણમાં આવતા પહેલા તેઓ મુખ્યત્વે એન્જિનિયર અને ખેતી સાથે સંકળાયેલા હતા.

03) કુંવરજી બાવળિયા

કુંવરજી મોહનભાઈ બાવળીયા જસદણ વિધાનસભા બેઠકના ધારાસભ્ય છે. તેમનો જન્મ 16 માર્ચ, 1955ના રોજ થયો હતો. તેઓ જુલાઈ 2018માં કોંગ્રેસમાંથી પક્ષપલટો કરીને BJPમાં જોડાયા હતા. તેઓ ભૂતકાળમાં રાજ્ય સરકારના કેબિનેટ મંત્રી રહી ચૂક્યા છે. તેમણે BSC અને B.Ed.ની ડિગ્રી મેળવેલી છે.તેઓ 1995માં પ્રથમ વખત ધારાસભ્ય બન્યા ત્યારથી રાજકારણમાં સક્રિય છે. રાજકારણમાં આવતા પહેલા તેઓ ખેડૂત અને શિક્ષક હતા.

04) પરસોત્તમ  સોલંકી

પરસોત્તમ સોલંકી ભાવનગર ગ્રામ્ય વિધાનસભા બેઠકના ધારાસભ્ય છે. તેમનો જન્મ 23 મે, 1961ના રોજ થયો હતો. તેઓ ભૂતકાળમાં રાજ્ય સરકારના કેબિનેટ મંત્રી રહી ચૂક્યા છે. તેમણે ડિપ્લોમાં ઈન ઈલેક્ટ્રિકલ એન્જિનિયરિંગની ડિગ્રી મેળવેલી છે. તેઓ 1995માં પ્રથમ વખત ચૂંટણી લડ્યા અને જીત્યા ત્યારથી રાજકારણમાં સક્રિય છે. રાજકારણમાં આવતા પહેલા તેઓ મુખ્યત્વે ખેડૂત હતા.

05) હર્ષ સંઘવી

હર્ષ સંઘવી મજૂરા વિધાનસભા બેઠકના ધારાસભ્ય છે. તેમનો જન્મ 8 જાન્યુઆરી, 1985ના રોજ થયો હતો. તેમણે ભાજપના યુવા કાર્યકરથી શરુઆત કરી હતી. આ અગાઉની સરકારમાં તેઓ રાજ્યકક્ષાના ગૃહ મંત્રી હતા. તેઓ 3 ટર્મથી ધારાસભ્ય તરીકે ચૂંટાઈ આવે છે. તેમને 20 વર્ષનો રાજકારણનો અનુભવ પણ છે.

06) પ્રફુલ પાનસેરિયા

પ્રફુલ પાનસેરિયા કામરેજ વિધાનસભા બેઠકના ધારાસભ્ય છે.  તેમનો જન્મ 1 જૂન, 1971ના રોજ થયો હતો. તેઓ ભૂતકાળમાં રાજ્ય સરકારના રાજ્ય કક્ષાના મંત્રી રહી ચૂક્યા છે. તેમણે MA (પોલિટિકલ સાયન્સ) અને MBAની ડિગ્રી મેળવેલી છે. તેઓ 2012માં પ્રથમ વખત ચૂંટણી લડ્યા અને જીત્યા ત્યારથી રાજકારણમાં સક્રિય છે. રાજકારણમાં આવતા પહેલા તેઓ મુખ્યત્વે શિક્ષણ અને સામાજિક કાર્યકર હતા.

07) ત્રિકમભાઈ છાંગા

ત્રિકમભાઈ છાંગા અંજાર વિધાનસભા બેઠકના ધારાસભ્ય છે. તેમનો જન્મ 1 જૂન 1962ના રોજ થયો હતો. ત્રિકમ છાંગા વર્ષોથી જાહેરજીવનમાં લોકસેવામાં અગ્રેસર રહ્યા છે. તેઓ ખેડૂત હોવાને લઈને ગ્રામ્ય વિકાસને લઈને મહત્વના કાર્યો કર્યા છે. જયારે શિક્ષણ, અને સામાન્ય જનહિતના કાર્યોમાં તેમની નિષ્ઠાના કારણે કચ્છમાં તેઓ લોકસંપર્કી નેતા તરીકે લોકપ્રિય થયા છે. 

08) સ્વરૂપજી ઠાકોર

સ્વરૂપજી ઠાકોર વાવ વિધાનસભા બેઠકના ધારાસભ્ય છે. તેમનો જન્મ 1 જૂન 197ના રોજ થયેલો હતો. ભાજપે 2022ની વિધાનસભા ચૂંટણીમાં અત્યાર સુધીની સૌથી મોટી જીત મેળવી અને 156 બેઠક જીતી હતી. રૂપજી ઠાકોર ભાજપના વિજેતા ઉમેદવાર ખેડૂત પરિવારથી આવે છે અને વેપાર-ધંધો કરે છે. ઠાકોર અને ચૌધરી સમાજમાં એમનો દબદબો રહ્યો છે. સ્વરૂપજી ઠાકોર યુવા ચહેરો છે અને યુવા મતદારોમાં સારું એવું પ્રભુત્વ ધરાવે છે. સ્વરૂપજી ઠાકોરે 2019માં બનાસકાંઠા બેઠક પર અપક્ષ ચૂંટણી લડી. સ્વરૂપજી ઠાકોર ભાજપના સક્રિય કાર્યકર છે. 

09) પ્રવિણભાઈ માળી

પ્રવિણભાઈ માળી ડીસા વિધાનસભા બેઠકના ધારાસભ્ય છે. પ્રવિણ માળી પૂર્વ ધારાસભ્ય ગોરધનજી માળીના પુત્ર છે. તેમણે યુવા વયથી ડીસા ભાજપ સંગઠનમાં સક્રિય કામ કરેલું છે અને તેઓ યુવાનોમાં લોકપ્રિયતા ધરાવે છે. પ્રવિણ માળીએ ભાજપની સેંસ પ્રક્રિયામાં ભાગ પણ લીધો ન હતો અને તેમણે ટિકિટની માંગણી પણ કરી ન હતી છતાં પક્ષે તેમને ટિકિટ આપી હતી. પ્રવિણ માળી 2013થી 2016 દરમિયાન યુવા ભાજપના રાજ્ય સચિવ પણ રહી ચૂક્યા છે. તેઓ ઝડપી નિર્ણય શક્તિ ધરાવે છે. તેમણે ગ્રેજ્યુએટ સુધીનો અભ્યાસ કરેલો છે તથા ખેતીના વ્યવસાય સાથે જોડાયેલા છે.

10) પૂનમચંદ બરંડા 

પૂનમચંદ બરંડા ભિલોડા વિધાનસબા બેઠકના ધારાસભ્ય છે. તેમનો જન્મ 1 જૂન 1959નારોજ થયો હતો. આ અનુસૂચિત જનજાતિ માટે અનામત બેઠક હતી. તેમનું વ્યક્તિત્વ તેમના શિક્ષણ અને પૂર્વ વ્યવસાય દ્વારા ઘડાયેલું છે. તેમણે ગુજરાત યુનિવર્સિટી સંલગ્ન કોલેજમાંથી B.A. અને ઉત્તર ગુજરાત યુનિવર્સિટીમાંથી L.L.B.ની ડિગ્રી મેળવેલી છે. રાજકારણમાં પ્રવેશતા પહેલા, તેઓ એક નિવૃત્ત પોલીસ અધીક્ષક હતા, જે માટે તેમણે સ્વૈચ્છિક નિવૃત્તિ લીધી હતી. BJPના સભ્ય તરીકે, તેમણે રાજકારણમાં પ્રવેશ કર્યો. તેમણે 2017 ની ગુજરાત વિધાનસભા ચૂંટણી લડી હતી, જેમાં તેમને સફળતા મળી ન હતી. પરંતુ 2022ની ચૂંટણીમાં તેમણે વિજય મેળવીને ભિલોડા બેઠક પર ધારાસભ્ય તરીકે ચૂંટાઈ આવ્યા. 

11) દર્શનાબેન વાઘેલા

દર્શનાબેન વાઘેલા અસારવાના વિધાનસબા બેઠકના ધારાસભ્ય છે. તેમનો જન્મ 5 સપ્ટેમ્બર 1972નારોજ થયો હતો. ભાજપે પહેલીવાર 2010 વાલ્મિકી સમાજની મહિલાને અસારવા બેઠક પરથી ટિકિટ આપી હતી. દર્શના બેન વ્યવસાયે શિક્ષિકા છે. તેઓ એક શાળામાં પ્રિન્સિપાલ હતા. તેમના પતિ LICમાં ક્લાસ વન ઓફિસર છે. તેમના દિકરાનું અવસાન થઈ ગયું, હાલ તમને એક દીકરી છે. તેઓને દૂધેશ્વર વોર્ડમાંથી ટિકિટ મળી અને તેઓ જીતી ગયા. તેઓ કોર્પોરેશનમાં હેલ્થ કમિટીના ડે. ચેરમેન તરીકે ફરજ નિભાવી ચૂક્યા છે. મ્યુનિસિપલ કોર્પોરેશનના ડે.મેયરની ચૂંટણી માટે ઉમેદવારી નોંધાવીને વિજેતા બન્યા. અસારવામાંથી મંત્રી પ્રદિપ પરમારની ટિકિટ કાપીને દર્શનાબેન વાઘેલાને ટિકિટ આપવામાં આવી હતી. 

12) કાંતિલાલ અમૃતિયા

કાંતિલાલ અમૃતિયા મોરબીના વિધાનસભા બેઠકના ધારાસભ્ય છે. તેમનો જન્મ 8 માર્ચ 1962ના રોજ થયો હતો. મોરબી પુલ દૂર્ઘટના વખતે તેમણે બાળપણમાં સ્વૈચ્છિક કાર્યકર તરીકે કામ કર્યું હતું. અને ત્યારબાદ યુવાનીમાં ABVP સાથે જોડાયા હતા. તેઓ સંઘના કાર્યકર પણ હતા. ત્યારબાદ તેમણે ભાજપના કાર્યકર તરીકે કામ કરવાનું શરુ કર્યું હતું. તેમણે મોરબી જિલ્લા સહિત સૌરાષ્ટ્રમાં ભાજપને મજબૂત કરવાનું કામ કર્યું હતું. તેમણે તાલુકા પંચાયતના સભ્ય તરીકે પણ કામ કર્યું હતું. 1995માં કાનાભાઇ પહેલીવાર ધારાસભ્ય તરીકે ચૂંટાયા હતા. ત્યારથી તેઓ સતત ધારાસભ્ય તરીકે ચૂંટાતા રહ્યા.  

13) રિવાબા જાડેજા

રિવાબા જાડેજા જામનગર ઉત્તર વિધાનસભા બેઠકના ધારાસભ્ય છે. તેમનો જન્મ 5 સપ્ટેમ્બર 1990ના રોજ થયેલો છે. તેમને મતવિસ્તાર પ્રતિનિધિઓને મળતા વિવિધ ભથ્થાં સાથે પગાર પણ મળે છે. વધુમાં, જો તેઓ કેબિનેટ મંત્રી હોય, તો તેમનું કાર્ય તેમની સત્તાવાર આવકમાં વધારો કરી શકે છે. રાજકારણ ઉપરાંત, રીવાબા કૌટુંબિક વ્યવસાયમાં પણ સક્રિય રીતે સામેલ છે. રીવાબા માર્ચ 2019 માં ભાજપમાં જોડાયા હતા. ભાજપમાં જોડાતા પહેલા, તેઓ રાજપૂત સમુદાય જૂથ, કરણી સેનાની મહિલા પાંખના વડા પણ હતા. તેમણે 2022 ની ગુજરાત વિધાનસભાની ચૂંટણીમાં ભાજપની ટિકિટ પર જામનગર ઉત્તર મતવિસ્તારમાંથી લડ્યા હતા.

14) અર્જુનભાઈ મોઢવાડિયા

અર્જુનભાઈ મોઢવાડિયા પોરબંદર વિધાનસભા બેઠકના ધારાસભ્ય છે. તેમનો જન્મ 17 ફેબ્રુઆરી 1957ના રોજ થયેલો છે. અર્જુનભાઈ વિદ્યાર્થીકાળથી કોંગ્રેસ સાથે જોડાયેલા હતા અને 40 વર્ષની તેમની આ આખી રાજકીય યાત્રા સંઘર્ષો અને પડકારોથી ભરપૂર હતી. 2002માં તેઓ પ્રથમ વખત ધારાસભ્ય બન્યા એ આ સાથે જ તેમને વિધાનસભામાં દંડકની જવાબદારી સોંપવામાં આવી હતી. પ્રથમ વખત વર્ષ 2002 પોરબંદર વિધાનસભા બેઠક પરથી ધારસભ્ય તરીકે ચૂંટાઈ આવ્યા. વર્ષ 2004થી 2007 સુધી ગુજરાત વિધાનસભામાં વિપક્ષના નેતા તરીકે ફરજ નિભાવવાની તક મળી. ફરી વર્ષ 2007માં પોરબંદર વિધાનસભા બેઠક ઉપરથી ધારાસભ્ય તરીકે ચૂંટાઈ આવ્યા માર્ચ 2011 ગુજરાત પ્રદેશ કોંગ્રેસ સમિતિના પ્રમુખ તરીકે નિયુક્તિ થઈ. આ જવાબદારીને તેમણે ડીસેમ્બર-2012 સુધી નિભાવી. 

15) ડો.પ્રદ્યુમન વાજા

ડૉ. પ્રદ્યુમન વાજા કોડીનાર વિધાનસભા બેઠકના ધારાસભ્ય છે. તેમનો જન્મ 18 ઓગસ્ટ 1968ના રોજ થયો હતો. તેઓ શિક્ષણ અને તબીબ વ્યવસાય સાથે સંકળાયેલા છે. તેઓ મુળ કોડીનાર તાલુકાના સરખડી ગામના વતની હાલ અમદાવાદ ખાતે ડૉક્ટરના વ્યવસાય સાથે સંકળાયેલા ડો.પ્રદ્યુમન વાજા પેઢી દર પેઢીથી શિક્ષિત પરિવારમાંથી આવે છે તેમના દાદા માયા માસ્તર, હુલામણા નામથી જાણીતા માયાભાઈ ગાયકવાડ સરકારમાં હેડ માસ્તરહતા અને રાષ્ટ્રીય સ્વયંમ સેવક સંઘ સાથે જોડાઈ શાખાથી લઈ પ્રાંત સુધી ની વિવિધ જવાબદારીઓ સંભાળી હતી અને અનેક સેવાકીય પ્રવૃતિઓમાં સહકાર આપેલો છે. 

16) કૌશિકભાઈ વેકરિયા

કૌશિકભાઈ વેકરિયા અમરેલી વિધાનસભા બેઠકના ધારાસભ્ય છે. તેમનો જન્મ 9 જૂન 1986ના રોજ થયો હતો. તેઓ ખેડૂત પરિવારમાંથી આવે છે.  2022ની ગુજરાત વિધાનસભાની ચૂંટણીમાં કૌશિક વેકરિયા અમરેલી મતવિસ્તારમાંથી ચૂંટણી લડ્યા હતા અને જીત મેળવી હતી. તેઓ ભાજપના અમરેલી જિલ્લા પ્રમુખ પણ રહી ચૂક્યા છે.

17) જીતુભાઈ વાઘાણી

જીતુભાઈ વાઘાણી ભાવનગર પશ્ચિમ વિધાનસભા બેઠકના ધારાસભ્ય છે. જીતેન્દ્રભાઈ સવજીભાઈ વાઘાણીનો જન્મ 11 સપ્ટેમ્બર, 1970 ના રોજ ભાવનગર જિલ્લાના વરતેજ ગામે થયો હતો. તેમણે ગુજરાત હાઉસીંગ બોર્ડમાં ડાયરેક્ટર તરીકે પણ કામ કર્યું છે. તુભાઈ વાઘાણીની રાજકીય કારકિર્દી ભાજપના યુવા મોર્ચાથી શરૂ થઈ, જ્યાં તેમણે 1990-91માં ભાવનગર શહેર સહમંત્રી અને 1993-97 માં પ્રમુખ તરીકે સેવા આપી. રાજકીય જવાબદારીઓ ઉપરાંત જીતુભાઈ વાઘાણી સામાજિક કાર્યોમાં પણ સક્રિય છે. 2007માં ભાવનગર દક્ષિણ બેઠક પરથી પ્રથમ વિધાનસભા ચૂંટણી લડ્યા બાદ, 2012થી તેઓ ભાવનગરના ધારાસભ્ય છે. 

18) રમણભાઈ સોલંકી

રમણભાઈ સોલંકી બોરસદ વિધાનસભા બેઠકના ધારસભ્ય છે. તેમનો જન્મ 28 માર્ચ 1965નારોજ થયો હતો. તેઓ ભીખાભાઈ સોલંકીના પુત્ર છે. તેમણે ધોરણ 10 પાસ કર્યું છે અને બાદમાં કૃષિમાં ડિપ્લોમા કર્યો છે, તેઓ શિક્ષક છે. રમણભાઈ 2022ની ગુજરાત વિધાનસભા ચૂંટણીમાં BJPનું પ્રતિનિધિત્વ કરતા બોરસદ વિધાનસભા મતવિસ્તારમાંથી જીત્યા હતા. 

19) કમલેશભાઈ પટેલ

કમલેશભાઈ રમેશભાઈ પટેલ પેટલાદ વિધાનસભા બેઠકના ધારસભ્ય છે. તેમનો જન્મ 12 માર્ચ 1970ના રોજ થયો હતો. કમલેશ પટેલ શિક્ષણ ક્ષેત્રે લાંબા સમયથી જોડાયેલા છે અને શાળામાં પ્રિન્સિપલ તરીકે સેવાઓ આપી ચૂક્યા છે. તેઓ RSSના કાર્યકર તરીકે સમાજ અને સંગઠન સાથે સક્રિય રહ્યા હોવાથી તેમના રાજકીય કારકિર્દીમાં આ મહત્વપૂર્ણ પગથિયું માનવામાં આવી રહ્યું છે. RSSના માધ્યમથી રાજકારણમાં પ્રવેશ કરનાર કમલેશ પટેલને તેમની સંગઠનાત્મક કુશળતા અને સમર્પણનો સીધો લાભ મળ્યો છે.

20) સંજયસિંહ મહિડા

સંજયસિંહ મહિડા મહુધા વિધાનસભા બેઠકના ધારાસભ્ય છે. તેમનો જન્મ 1980માં થયો હતો. સંજયસિંહ મહિડાએ પોતાનું શિક્ષણ મહુધાની શ્રી સરસ્વતી સ્કૂલમાંથી 1998માં 10 મું ધોરણ પાસ કરીને પૂર્ણ કર્યું છે. રાજકારણમાં આવતા પહેલાં, તેમનો મુખ્ય વ્યવસાય કરતા હતા. સંજયસિંહ મહિડાએ 2022 ની ગુજરાત વિધાનસભા ચૂંટણીમાં વિજય મેળવીને રાજકીય કારકિર્દીમાં સફળતા હાંસલ કરી હતી.

21) રમેશભાઈ કટારા

રમેશભાઈ કટારા દાહોદ જિલ્લામાં અનુસૂચિત જનજાતિ સમુદાય માટે અનામત ફતેપુરામાં ફતેપુરાના ધારાસભ્ય વિધાનસભા બેઠકના ધારાસભ્ય છે. તેમનો જન્મ 4 મે 1975ના રોજ થયેલો છે. 2017માં BJPના ઉમેદવાર તરીકે ધારાસભ્યની ચૂંટણી જીતી હતી અને 2021માં રમેશભાઈ કટારાની ભાજપના દંડક તરીકે નિમણૂંક કરાઈ હતી. રમેશભાઈએ અભ્યાસ કર્યા બાદ સામાજિક સેવામાં ઝંપલાવ્યું હતું.

22) મનિષાબેન વકીલ

મનિષાબેન રાજીવભાઈ વકીલ વડોદરા શહેર-વાડીના મહિલા ધારાસભ્ય વિધાનસભા બેઠકના ધારાસભ્ય છે. તેમનો જન્મ 25 માર્ચ 1975ના રોજ થયેલો છે. તેમને પોસ્ટ ગ્રેજ્યુએટ સુધીનો અભ્યાસ કર્યો. ખાનગી શાળામાં પ્રાથમિક વિભાગના સુપરવાઈઝર અને શિક્ષિકા તરીકે ફરજ બજાવતા હતા. 2012માં ભાજપએ શહેર વાડી વિધાનસભાથી ઉમેદવાર બનાવ્યા આપી જેમાં વિજય થયા હતા. 2017માં ફરી રિપીટ કરવામાં આવ્યા હતા. 2021માં મહિલા અને બાળ કલ્યાણ વિભાગના મંત્રી બન્યા હતા. 

23) ઈશ્વરસિંહ પટેલ

ઈશ્વરસિંહ પટેલ અંકલેશ્વરના વિધાનસભા બેઠકના ધારાસભ્ય છે. ઠાકોરસિંહ ખુમાનસિંહજી પટેલના ઘરે 25 જૂન 1965માં ઇશ્વરસિંહનો જન્મ થયો. ઇશ્વરસિંહ મૂળ ખેડૂત છે અને તેમણે સામાજિક કાર્યકર તરીકે પોતાની કારકિર્દીની શરૂઆત કરી હતી. 1990થી1995 સુધી ભાજપ ભરૂચ જિલ્લાના જિલ્લા પ્રમુખ તરીકે કામગીરી કરી. 2002થી 2007 સુધી તેઓ અંકલેશ્વર વિધાનસભા મતવિસ્તાર માટે વિધાનસભાના બીજા કાર્યકાળના સભ્ય રહ્યા. 2007થી 2022 સુધી અંકલેશ્વરથી ત્રીજી ટર્મના ધારાસભ્ય રહ્યા. જયારે 2017થી 2022 સુધી પરિવહન, સહકાર, રમતગમત, યુવા અને સાંસ્કૃતિક પ્રવૃત્તિઓ મંત્રાલયના રાજ્ય મંત્રી રહ્યા. રાજકારણમાં ઇશ્વરસિંહ પટેલ સાહેબના હુલામણા નામથી જાણીતા છે.

24) ડૉ. જયરામભાઈ ગામિત

ડૉ. જયરામભાઈ ગામિત તાપી જિલ્લામાં અનુસૂચિત જનજાતિ સમુદાય માટે અનામત નિઝર વિધાનસભા બેઠકના ધારાસભ્ય છે. અને તેઓ આદિવાસી સમાજના એક અગ્રણી નેતા છે. તેમણે ભારતીય જનતા પાર્ટીનું પ્રતિનિધિત્વ કરીને 2002ની ગુજરાત વિધાનસભા ચૂંટણી જીતી હતી . રાજકારણમાં ડોકટર જયરામ લાંબા સમયથી સક્રિય છે. તાપી જિલ્લાના નિઝરના વતની ડૉ. જયરામ ગામિત ઉચ્ચ શિક્ષિત છે અને તેમણે Ph.D.ની ડિગ્રી મેળવેલી છે. આદિવાસી સમુદાયના નેતા જયરામ ગામીત રાજકારણ ઉપરાંત તેઓ પશુપાલન અને ખેતી સાથે પણ જોડાયેલા છે.

25) નરેશભાઈ પટેલ

નરેશભાઈ પટેલ નવસારી જિલ્લા ગણદેવી વિધાનસભા બેઠકના ધારાસભ્ય છે. તેમનો જન્મ 1 જૂન, 1967ના રોજ થયો હતો. તેમણે ધીરૂભાઇ એમ દેસાઇ એચએસ સ્કૂલમાં ધોરણ 10માં સુધી અભ્યાસ કર્યો અને 1985માં પરિત્રક્ષા પાસ કરી. બાદમાં તેમણે તેમનો અભ્યાસ બંધ કરી દીધો હતો. નરેશ પટેલે 2022 ની ગુજરાત વિધાનસભા ચૂંટણીમાં BJPનું પ્રતિનિધિત્વ કરતા ગણદેવી વિધાનસભા મતવિસ્તારમાંથી જીત મેળવી હતી. 2017 ની ગુજરાત વિધાનસભા ચૂંટણીમાં 57,261 મતોના માર્જિનથી જીતીને સૌપ્રથમ ધારાસભ્ય બન્યા હતા.