છોકરી, ફાર્મ હાઉસ અને નરેશ પટેલઃ જીગીષા પટેલ અને બન્ની ગજેરાની ઓડિયો ક્લિપ વાયરલ

સૌરાષ્ટ્રના પાટીદાર આગેવાન નરેશ પટેલ વિરૂદ્ધ ષડયંત્રની ઓડિયો ક્લિપ વાયરલ થઇ છે. ઓડિયો ક્લિપમાં જીગીષા પટેલ અને યુ ટ્યુબર બન્ની ગજેરા વચ્ચેની વાતચીત હોવાની ચર્ચા થઈ રહી છે. જો કે, બેનિફિટ ન્યૂઝ આ વાતની પુષ્ટિ કરતું નથી. નરેશ પટેલને બ્લેક મેઈલ કરવા બાબતે ઓડિયો ક્લિપમાં વાતચીત થાય છે. એક યુવતી નરેશ પટેલને બ્લેક મેઈલ કરવા યુવકને સલાહ આપે છે. બ્લેકમેઈલ કરી તેમની પાસેથી રૂપિયા પડાવવાનો ઇરાદો હોય તેવું ઓડિયો ક્લિપમાં સ્પષ્ટ જણાય છે. બન્ની ગજેરા અગાઉ ઘણાં લોકોને બ્લેક મેઈલ કરી ચૂક્યો છે.

છેલ્લાં બે દિવસથી વાયરલ થયેલી ઓડિયો ક્લિપની શરૂઆતમાં વરૂણ વઘાસીયા નામના વચેટીયા મનાતા શખ્સનો ઉલ્લેખ કરવામાં આવે છે. નરેશભાઈ વિરુદ્ધ બોલવા બદલ વરુણને બન્નીએ પૂછવા બોલાવ્યો હતો. ત્યારથી મોબાઈલ પરથી જે વાત આગળ વધી એમાં વરૂણે પોતાને નરેશભાઈ વિશે ચૂપ રહેવા માટે બે લાખ રૂપિયા 7 મહિને આપ્યાનું પણ બન્ની કબુલે છે.

ક્લિપમાં કથિત રીતે જીગીષા પટેલ નરેશભાઈના નામનો ઉલ્લેખ કરી બોલે છે કે, હું નરેશભાઈને મળવા ગઈ ત્યારે ચિરાગભાઈને બહાર મોકલીને મેં એમને કીધું હતું કે, વિરોધીઓ તમને પાડી દેવા માટે તૈયાર છે. તમે સંભાળજો મારી જાણમાં આ બધું આવ્યું છે. તો એ કે ના ના એ મારું ન હોય પછી મેં મોઢેમોઢ કીધું કે શું ના હોય. તમારી બે મિનિટની વીડિયો ક્લિપ મેં મારી આંખે જોયેલી છે. જેતપુરની છોકરી ને ગોંડલનું ફાર્મ.

ત્યારબાદ જીગીષા બન્નીને કહે છે જો તરત ને તરત કંઇ કર્યુ હોત તો તેમને ખબર પડી જાત કે હું જ આ કરાઉ છું. એટલે મેં ચાર પાંચ દિવસ જવા દીધા. જીગીષા બન્નીને એમ પણ કહે છે કે, કવરમાં ખાલી સીડી અને ટાઈપ કરેલી ચીઠી મૂકી વાયા નરેશભાઈને વાયા પહોંચાડી દેજે. જેમાં લખવું કે આ વખતે સીડી કોરી છે. હવે વિડીયો સાથે મોકલીશ. તે એમ પણ કહે છે કે પેલો ફોટો પણ મૂકજે. અને એ ફોટામાં યુવતીનો ચહેરો બ્લર કરી દેજે. નહીંતર એ યુવતીને પૈસા આપીને નરેશભાઈ ફોડી લેશે.

ઓડિયો ક્લિપના અંતમાં બન્ની જીગીષાને કહે છે કે, તમારો અનુભવ જોતા વિશ્વાસ કરાય. જવાબમાં જીગીષા કહે છે કે અટાણે સમાજના નામે બધાએ ઘણું કર્યું છે. ખોટું કરનાર સાથે ખોટું કરવામાં કોઈ વાંધો નહીં. નોકરી અપાવશું એમ નહીં એકાદ બેંકનો ચેરમેન બનાવી દો. પ્રોપર્ટી હોય તો તાત્કાલિક એગ્રીમેન્ટ કરાવી લેવા અથવા રોકડાં લઈ લેવાનું પણ જીગીષા કહે છે. બંને એ વાત પર સહમત પણ થાય છે કે વચેટીયો નરેશભાઈને સારું લગાડી પોતે ખાટી જાય એના કરતાં વરૂણને પડતો મૂકીને બંને એકબીજા સાથે રહી કામ કરવું. આ ઓડિયો ક્લિપમાં નવરાત્રી સમયનો પણ ઉલ્લેખ કરાયો છે. જેથી આ પ્રકરણ નવરાત્રી સમય આસપાસનું હોવાનું જાણવા મળી રહ્યું છે.