છોટાઉદેપુરમાં 1 જ પરિવારના ચાર સભ્યો ચૂંટણીના મેદાનમાં

છોટા ઉદેપુર નગરપાલિકાની આગામી 16 ફેબ્રુઆરીની ચૂંટણીમાં એક અનોખો કિસ્સો સામે આવ્યો છે, જ્યાં એક જ પરિવારના ચાર સભ્યો અલગ-અલગ પક્ષોમાંથી ચૂંટણી લડી રહ્યા છે. આ કિસ્સામાં પતિ-પત્નીએક જ વોર્ડમાથી ચૂંટણી લડી રહ્યા છે તો બે પુત્ર અલગ  અલગ વોર્ડમાથી ચૂંટણી લડી રહ્યા છે. 

છોટાઉદેપરના વોર્ડ નંબર  6માંથી હાજી ફારુકભઇ મોહમંદ ફોદાએ ભારત નિર્માણ મંચમાંથી ઉમેદવારી કરી છે. 2011માં નગરપાલિકાના ઇન્ચાર્જ પ્રમુખ રહી ચૂકેલા હાજી ફારુક મહંમદભાઇ ફોદા ભારત નિર્માણ મંચ પાર્ટીમાંથી વોર્ડ નંબર 6માં ઉમેદવારી નોંધાવી છે. રસપ્રદ વાત એ છે કે તેમના જ વોર્ડમાં તેમનાં પત્ની સાબેરા ફારુકભાઈ ફોદા અપક્ષ ઉમેદવાર તરીકે ચૂંટણી લડી રહ્યાં છે.

રિવારના અન્ય સભ્યોની વાત કરીએ તો તેમના પુત્ર આરીફ ફારૂકભાઈ ફોદા ભાજપના ટિકિટ પર વોર્ડ નંબર 3માંથી, જ્યારે બીજા પુત્ર રમજાની ફારુકભાઈ ફોદા કોંગ્રેસના ઉમેદવાર તરીકે વોર્ડ નંબર 4માંથી મેદાનમાં છે.

આ અનોખી સ્થિતિએ સ્થાનિક રાજકારણમાં ભારે ચર્ચા જગાવી છે. એક જ પરિવારના સભ્યો વિવિધ રાજકીય વિચારધારા સાથે ચૂંટણી મેદાનમાં હોવાથી મતદારોમાં પણ કુતૂહલ જોવા મળી રહ્યું છે. વિશેષ કરીને વોર્ડ નંબર 6માં પતિ-પત્ની વચ્ચેની સીધી ટક્કર સૌનું ધ્યાન ખેંચી રહી છે.