નોટબંધીએ દેશની અર્થવ્યવસ્થાની કમર તોડી: કમલનાથ

દેશમાં વિધાનસભા ચૂંટણીની તારીખો જાહેર થઈ ગઈ છે. ત્યારે નેતાઓ દ્વારા વિવિધ પ્રકારે પક્ષને ઘેરવામાં આવી રહ્યા છે. મધ્યપ્રદેશના ભૂતપૂર્વ મુખ્ય પ્રધાન કમલનાથ અને સમાજવાદી પાર્ટીના રાષ્ટ્રીય અધ્યક્ષ અખિલેશ યાદવે નોટબંધીને લઈને ભાજપ સરકાર પર આકરા પ્રહારો કર્યા છે. દેશની પ્રજાને લૂંટવા માટે આ નોટબંધી લાવવામાં આવી હોવાના આરોપો લગાવવામાં આવી રહ્યા છે. 

જણાવી દઈએ કે આજે  8 નવેમ્બર એટલે કે નોટબંધીની આઠમી વર્ષ ગાંઠ છે. 8 નવેમ્બર 2016ના રોજ વડાપ્રધાન નરેન્દ્ર મોદીએ દેશમાં નોટબંધીની જાહેરાત કરી હતી. ત્યારબાદ 500 અને 1000ની નોટો ચલણમાંથી બહાર કાઢવામાં આવી હતી. સરકારના આ નિર્ણયથી દેશમાં ઘણી ઉથલપાથલ મચી ગઈ હતી, પરંતુ પછી નવી નોટો કરન્સી માર્કેટનો એક ભાગ બની ગઈ હતી. સરકારે 200, 500 અને 2 હજારની નોટો લોન્ચ કરી હતી. એ પણ જાણવું જોઈએ કે નોટબંધી 9 નવેમ્બર, 2016 ના રોજ કાળા નાણા પર અંકુશ, આતંકવાદ પર અંકુશ અને ભ્રષ્ટાચાર પર અંકુશ લાવવાના ઉદ્દેશ્ય સાથે લાગુ કરવામાં આવી હતી.

 મહારાષ્ટ્ર- ઝારખંડની ચૂંટણીનો રંગ બરાબરનો જામ્યો છે. આ વચ્ચે મધ્યપ્રદેશના ભૂતપૂર્વ મુખ્ય પ્રધાન કમલનાથ અને સમાજવાદી પાર્ટીના રાષ્ટ્રીય અધ્યક્ષ અખિલેશ યાદવે નોટબંધીને લઈને ભાજપ સરકાર પર નીશાન સાધું છે.

મધ્યપ્રદેશના ભૂતપૂર્વ મુખ્ય પ્રધાન કમલનાથે આઠ વર્ષ પહેલાં આ દિવસે 9 નવેમ્બર, 2016ના રોજ લાગુ કરવામાં આવેલા નોટબંધીનો ઉલ્લેખ કરતાં કહ્યું હતું કે નોટબંધીએ દેશની અર્થવ્યવસ્થાની કમર તોડી નાખી હતી. આનો ઇતિહાસમાં હંમેશા ભારતીય અર્થવ્યવસ્થાના કાળો દિવસ તરીકે ઉલ્લેખ કરવામાં આવશે.
 

ભૂતપૂર્વ મુખ્ય પ્રધાન કમલનાથે શુક્રવારે કહ્યું હતું કે, આ દિવસે, 8 નવેમ્બર, 2016 ના રોજ, નરેન્દ્ર મોદી સરકારે નોટબંધી લાગુ કરીને દેશની અર્થવ્યવસ્થાની કમર તોડી નાખી હતી.નોટબંધીના આઠ વર્ષ પછી પણ દેશ હજુ પણ તેના ફટકામાંથી બહાર આવ્યો નથી. નોટબંધી કયા હેતુ માટે કરવામાં આવી હતી તેનો કોઈ પત્તો નથી.

તેમણે કહ્યું કે, નોટબંધીએ માત્ર ગરીબોના ખિસ્સા અને દેશની અર્થવ્યવસ્થા લૂંટી છે.

આ તરફ સમાજવાદી પાર્ટીના રાષ્ટ્રીય અધ્યક્ષ અખિલેશ યાદવે નોટબંધીને લઈને ભાજપ પર નિશાન સાધ્યું છે. આ દરમિયાન તેમણે કહ્યું કે ભારતીય અર્થવ્યવસ્થાના ઈતિહાસમાં ડિમોનેટાઈઝેશનના નામે આખું પ્રકરણ કાળા રંગમાં જ છપાશે.

સપાના વડા અખિલેશ યાદવે શુક્રવારે સોશિયલ મીડિયા પ્લેટફોર્મ 'X' પર કહ્યું કે ભારતીય અર્થવ્યવસ્થાના ઈતિહાસમાં નોટબંધીના નામનું એક આખું પ્રકરણ કાળા રંગમાં જ છાપવામાં આવશે.

તેમણે કહ્યું કે શુક્રવારે નોટબંધીની 8મી વર્ષગાંઠના એક દિવસ પહેલા ગઈ કાલે ડૉલર સામે રૂપિયો સૌથી નબળો થઈ ગયો હતો. લોકો પૂછી રહ્યા છે કે આવું નોટબંધીની નિષ્ફળતાને કારણે થયું કે પછી ભાજપની નકારાત્મક નીતિઓને કારણે.

સપાના વડાએ કહ્યું, "હવે બીજેપીના લોકો ફરી કહેશે કે દેશના ઈતિહાસમાં ડોલર સામે રૂપિયો સૌથી નીચા સ્તરે નથી ગગડ્યો અને તેણે 'રેકોર્ડ તોડ્યો' નથી, બલ્કે ડોલર વધ્યો છે. ભાજપ અર્થવ્યવસ્થાને આફત બનાવી દીધી, કહો કે આજની ભાજપને જરૂર નથી.