ધારાસભ્ય ગોપાલ ઇટાલિયાને કોંગ્રેસ નેતા લલિત વસોયાએ 10 કરોડની બદનક્ષીની નોટિસ ફટકારી

વિસાવદરની ચૂંટણીમાં હાલના ચૂંટાયેલા ધારાસભ્ય ગોપાલ ઇટાલિયાએ પૂર્વ ધારાસભ્ય લલિત વસોયા પર શાયોના હોટેલમાં રૂપિયા 2 લાખ આપવાનો આરોપ લગાવ્યો હતો. આ મામલે લલિત વસોયાએ ગોપાલ ઇટાલિયાને પુરાવા ન હોવા છતાં મીડિયામાં ખોટી બદનામી કરવા બદલ ગોપાલ ઇટાલિયાને રૂપિયા 10 કરોડ 7 દિવસમાં ચૂકવવા નોટિસ ફટકારતા રાજકારણમાં ગરમાવો આવી ગયો છે. કોંગ્રેસ ના પૂર્વ ધારાસભ્ય લલિત વસોયાના વકીલે ગોપાલ ઇટાલિયાને બદનક્ષીની નોટિસ ફટકારી છે.

પૂર્વ ધારાસભ્ય અને પેટા ચૂંટણીમાં રાજકોટ જિલ્લા કોંગ્રેસ સમિતીના પ્રમુખ તરીકે જવાબદારી સંભાળતા લલિત વસોયાએ તેમના વકીલ મારફતે ગોપાલ ઇટાલિયાને બદનક્ષીની નોટિસ ફટકારી છે જેમાં જણાવાયું છે તે વિસાવદર પેટા ચૂંટણીમાં લલિત વસોયા તાલુકાના ગામડાઓમાં ખેડૂતોને કોંગ્રેસ પક્ષ તરફી મતદાન કરવા કોંગ્રેસના પ્રચારક તરીકે કામ કરતા હતા.

લલિત વસોયા પેટાચૂંટણી દરમિયાન વિસાવદરની શાયોના હોટલમાં રોકાયા હતા અને તેમની જાણ મુજબ આ જ હોટલમાં આમ આદમી પાર્ટીના નેતાઓ તથા આગેવાનો પણ તથા ભાજપના આગેવાનો પણ આ જ હોટલમાં રોકાયા હતા.

 

નોટિસમાં જણાવાયું છે કે તમે ચૂંટણી જીતવા અમારા અસીલની છબી ખરડાય તથા તેમને વ્યક્તિગત નુકશાન થાય અને તેમની માનહાનિ થાય તે રીતે સ્ટીંગ ઓપરેશનના નામે મારા અસીલ તમારા કાર્યકરને રુપિયા આપે છે તેવો ખોટો સ્ટંટ કરેલો હતો. જ્યારે મારા અસીલ સામે કોઇ પુરાવો ના હોવા છતાં આપના દ્વારા ખોટો સ્ટંટ ઉભો કરી મારા અસીલ સામે કોઇ પુરાવો ના હોવા છતાં આપના દ્વારા ખોટો સ્ટંટ ઉભો કરી મારા અસીલની છબી ખડાય તેવા પ્રયત્નો કરેલો છે. ચૂંટણીમાં પ્રચાર કરવાના બદલે અન્ય નેતાઓને ઉતારી પાડે તેવા અપપ્રચાર કરી લોકોને ગેરમાર્ગે દોરવામાં આવ્યા છે જેથી મારા અસીલની ઇજ્જત આબરુને નુકશાન થયું છે.

નોટિસમાં જણાવાયું છે કે આપના દ્વારા કરાયેલા તરકટ અને ઉભુ કરાયેલું ખોટુ સ્ટીંગ ઓપરેશન ના કોઇ પુરાવા ન હોવા છતાં સોશિયલ મીડિયામાં તથા સમાચારો મારફત તથા ચેનલો પ્રિન્ટ મિડીયામાં પ્રસિદ્ધ કરાવી મારા અસીલને ખુબ જ નુકશાન પહોંચાડેલું છે જેથી મારા અસીલની માનહાનિ થયેલ હોઇ જેના વળતર પેટે 10 દિવસ સુધીમાં દસ કરોડ પુરા ચુકવી આપી કાયદેસરની પહોંચ મેળવી લેશો અન્યથા મુદત પુરી થયે મારા અસીલ તમારી સામે કોર્ટમાં કાયદેસરની કાર્યવાહી કરશે આ નોટિસ તમારી કસુર સબબ આપવાની હોઇ તેના ખર્ચના 10 હજારની જવાબદારી પણ તમારી છે.

આ પણ વાંચો---BJP ધારાસભ્યના દીકરાએ લીધો PM આવાસ યોજનાનો લાભ! RTIમાં ઘટસ્ફોટ થતા આશ્ચર્ય