જૂનાગઢની ઘટનાથી સૌની આંખો પહોળી, હાર થતાં કોંગ્રેસનો ઉમેદવાર ભાજપમાં જોડાયો

જૂનાગઢ મહાનગરપાલિકાની ચૂંટણીમાં બનેલી એક ઘટનાએ સ્થાનિક રાજકારણમાં ગરમાવો લાવી દીધો છે. જૂનાગઢ મહાનગરપાલિકાની હાઇપ્રોફાઇલ બેઠક બનેલી વોર્ડ નંબર 9માં ચૂંટણી લડી રહેલા ભાજપના નેતા પૂર્વ ડેપ્યુટી મેયર ગિરીશ કોટેચાના પુત્ર પાર્થ કોટેચાનો પરાજય થયો છે. તેમને અપક્ષ ઉમેદવાર અશ્વિન ભરાઇએ હરાવ્યા હતા. જો કે અહીં પરાજય થયેલા કોંગ્રેસના ઉમેદવાર મહિપતસિંહ ભાજપમાં જોડાઇ જતાં સૌની આંખો પહોળી થઇ ગઇ હતી. કોંગ્રેસના ઉમેદવારે કહ્યું કે મે જે ધાર્યું હતું તે કરી લીધું છે. 

આજે જાહેર થયેલા પરિણામોમાં  જૂનાગઢ મહાનગર પાલિકાની ચૂંટણીમાં ભાજપે પોતાનો કબ્જો જમાવ્યો છે. ભાજપે કુલ 60 બેઠકોમાંથી 40 બેઠકો પર વિજય મેળવી બહુમતનો આંકડો પાર કરી લીધો છે. જૂનાગઢની હાઇપ્રોફાઇલ બેઠક તરીકે ચર્ચાતી વોર્ડ નંબર 9માંથી  ભાજપ નેતા ગિરીશ કોટેચાના પુત્ર પાર્થ કોટેચા ચૂંટણી લડ્યા હતા પણ તેમનો પરાજય થયો  છે. અહીં અપક્ષ ઉમેદવાર અશ્વિન ભરાઈ 4431 મતથી વિજેતા થયા છે. 

મળતી માહિતી અનુસાર, જૂનાગઢ મનપા વોર્ડ નંબર 9માં પૂર્વ ડેપ્યૂટી મેયર ગિરીશ કોટેચાના દીકરા પાર્થ કોટેચા અને ઉમેદવાર મહિપતસિંહ બસીયાને અપક્ષ ઉમેદવાર અશ્વિન ભરાઈએ આંચકો આપ્યો હતો અને બંનેને કારમી હારનો સામનો કરવો પડ્યો હતો.  ઝટકો આપ્યો છે. જો કે,આ પરિણામ આવ્યા બાદ ગણતરીની મિનિટમાં કોંગ્રેસ ઉમેદવાર મહિપતસિંહે ભાજપનો ખેસ ધારણ કરી લીધો છે. ભાજપમાં જોડાયા બાદ તુરત તેમણે કહ્યું હતું કે મેં જે ધાર્યું હતું તે મળી ગયું અને જે કરવું હતું તે કરી લીધું.