પહેલીવાર આવ્યું ભાજપનું રિએક્શન,..કોંગ્રેસના નેતાઓ તો....

.આજથી બે દિવસ માટે અમદાવાદમાં કોંગ્રેસ વર્કિગ કમિટી અને કોંગ્રેસ અધિવેશન યોજાઇ રહ્યું છે , ગુજરાતે 2027ની ચૂંટણીમાં ગુજરાતમાં સરકાર બનાવા માટે તૈયારીઓ શરુ કરી દીધી છે. કોંગ્રેસના ઘણા નેતાઓએ દાવો કર્યો છે કે ગુજરાતમાં 2027માં કોંગ્રેસની સરકાર બનશે. કોંગ્રેસના દાવા અને કોંગ્રેસના અધિવેશન અંગે પહેલીવાર ભાજપનું રિએક્શન આવ્યું છે.

ગુજરાત સરકારના મંત્રી જગદીશ વિશ્વકર્માએ કહ્યું હતું કે 64 વર્ષ પછી કોંગ્રેસ અધિવેશન ગુજરાતમાં યોજાઇ રહ્યું છે. 64 વર્ષ પછી કોંગ્રેસને ગુજરાત યાદ આવ્યું છે. આજે પણ કોંગ્રેસના નેતા શેખચલ્લીના સપનામાં જુવે છે. તેમણે કહ્યું કે આવનારા દિવસમાં કોઇ શક્યતા નથી કે ગુજરાતમાં કોંગ્રેસની સરકાર બને.

ઉલ્લેખનિય છે કે ગુજરાતમાં કોંગ્રેસને બેઠી કરવા કોંગ્રેસે આ વખતે અધિવેશન અને સીડબલ્યુસીની બેઠક માટે ગુજરાતને પસંદ કર્યું છે. કોંગ્રેસ પ્રવક્તા પવન ખેરાએ જણાવ્યું હતું કે દેશભરમાં અત્યારે જે માહોલ છે અને નરેન્દ્ર મોદીની ચુપ્પી છે તે અંગે દરેક ભારતવાસી જાણવા માગે છે. અત્યારે માહોલ નિરાશાનો છે. દેશની અર્થવ્યવસ્થા ખરાબ થઇ ગઇ છે. અમેરિકાના ટેરિફ વોરમાં નરેન્દ્ર મોદી ચૂપ છે. દેશને આશા હતી કે મોદી કોઇ નિવેદન આપશે.

પવન ખેરાએ કહ્યું કે હવે ઘણો બદલાવ થશે. છેલ્લા 2 દિવસમાં કોંગ્રેસના તમામ જિલ્લા પ્રમુખો સાથે વાતચીત થઇ. કોંગ્રેસ પાર્ટી આગામી પડકારો સામે તૈયારી કરી રહી છે. લોકો સાથે જે અન્યાય થઇ રહ્યો છે તેથી અધિવેશનનું નામ ન્યાય પથ રાખ્યું છે, આગામી દિવસોમાં સમય બદલાશે અને એ સમય આવશે જેમાં અર્થવ્યવસ્થા ચમકશે. ઉતાર ચઢાવ આવે છે, 2017માં જીતતા રહી ગયા હતા અને અમે જે કર્યું તે 2027માં પૂર્ણ કરીશું.