ભાજપે વીડિયો જાહેર કરીને મોટો સંકેત આપતા ખળભળાટ

નરેન્દ્ર મોદી સરકારના ત્રીજા કાર્યકાળના એક વર્ષ પૂર્ણ થાય તે પહેલાં, ભારતીય જનતા પાર્ટી એ તેની સિદ્ધિઓની યાદી આપતો એક વીડિયો બહાર પાડ્યો છે. વીડિયોમાં મોદી સરકાર 3.0 ની મુખ્ય સિદ્ધિઓ બતાવવામાં આવી છે. ભાજપના આ વીડિયો મુજબ નેશનલ હેરાલ્ડ કેસમાં સોનિયા ગાંધી અને રાહુલ ગાંધી વિરુદ્ધ ચાર્જશીટ દાખલ કરવામાં આવી છે. મેહુલ ચોક્સીની ધરપકડ; બેલ્જિયમમાં પીએનબી કૌભાંડના આરોપીની ધરપકડ. ૨૬/૧૧ મુંબઈ હુમલાના મુખ્ય સૂત્રધાર તહવ્વુર રાણાને ભારત પ્રત્યાર્પણ કરવામાં આવ્યો. જમીન કૌભાંડમાં EDએ રોબર્ટ વાડ્રાની પૂછપરછ કરી છે.

વકફ બિલ પસાર થયું, હવે યુસીસીનો વારો છે?

જાહેર કરાયેલા એક વીડિયોમાં, ભાજપે બતાવ્યું કે વકફ સુધારા બિલ સંસદ દ્વારા પસાર કરવામાં આવ્યું છે. દિલ્હી, મહારાષ્ટ્ર અને હરિયાણામાં વિધાનસભા ચૂંટણીમાં ભાજપનો વિજય થયો. હવે સરકારનું આગળનું પગલું સમાન નાગરિક સંહિતા (UCC) (UCC Loading...) ની દિશામાં છે. પાર્ટીએ સ્પષ્ટપણે સંદેશ આપ્યો છે કે 'મોદી 3.0' ન તો ધીમું છે કે ન તો દબાણ હેઠળ છે.

 

 

 

તો શું સમગ્ર દેશમાં સમાન નાગરિક સંહિતા લાગુ થશે?

ભાજપે યુનિફોર્મ સિવિલ કોડ લોડિંગ... વિડીયો બહાર પાડ્યો છે અને સંકેત આપ્યો છે કે યુસીસી પર કામ ચાલી રહ્યું છે અને તેનો અમલ ટૂંક સમયમાં થઈ શકે છે. આ પછી, સવાલો ઉભા થવા લાગ્યા છે કે શું ભાજપ હવે સમગ્ર દેશમાં સમાન નાગરિક સંહિતા લાગુ કરવાનું વિચારી રહી છે.

આ પણ વાંચો---શું ગુજરાત ભાજપ પ્રમુખની વરણી નહી થતાં રાષ્ટ્રીય ભાજપ પ્રમુખનું કોકડું ગૂંચવાયું?

સમાચાર મેળવવા આજે જ અમારી WAHTSAPP ચેનલ સાથે જોડાવ