"અમે હિન્દુ છીએ, હિન્દી નહીં"-રાજ ઠાકરેએ મહારાષ્ટ્ર સરકારને આપી ચેતવણી!

મહારાષ્ટ્રમાં હિન્દીને ત્રીજી ભાષા તરીકે ફરજિયાત બનાવવાના નિર્ણય અંગે મહારાષ્ટ્ર નવનિર્માણ સેનાના વડા રાજ ઠાકરેએ રાજ્ય સરકારને ચેતવણી આપી છે. રાજ્યમાં હિન્દીને બળજબરીથી લાદવાનો પ્રયાસ થઈ રહ્યો છે. જે કોઈપણ સંજોગોમાં સ્વીકારવામાં આવશે નહીં. અમે હિન્દુ છીએ, પરંતુ તેનો અર્થ એ નથી કે અમે હિન્દી (ભાષી) પણ છીએ. મહારાષ્ટ્રની અસ્મિતા મરાઠી ભાષા સાથે સંકળાયેલી છે અને મરાઠીનું સન્માન કરવું જોઈએ તેવું નિવેદન આપતાં મહારાષ્ટ્રનું રાજકારણ ફરી ગરમાયું છે.

મહારાષ્ટ્ર નવનિર્માણ સેના (મનસે)ના વડા રાજ ઠાકરેએ બુધવારે હિન્દી ભાષા પર પત્રકાર પરિષદ કરી  હતી. તેમને ડર હતો કે આગામી ચૂંટણીમાં મરાઠી અને હિન્દી ભાષાનો મુદ્દો રાજકીય રીતે ગરમાઈ શકે છે. તેમણે આરોપ લગાવ્યો કે મહારાષ્ટ્રમાં "ભાગલા પાડો અને રાજ કરો" જેવી પરિસ્થિતિનું નિર્માણ થઈ રહ્યું છે અને મહારાષ્ટ્રમાં હિન્દીને બળજબરીથી લાદવામાં આવી રહી છે.

મનસેના વડાએ ચેતવણી આપી હતી કે જો હિન્દી ભાષાને બળજબરીથી લાદવામાં આવશે તો મહારાષ્ટ્ર નવનિર્માણ સેના પોતાની રીતે જવાબ આપશે. તેમણે લોકોને અપીલ કરી, "જો તમને મરાઠી ગમે છે, તો હિન્દી લાદવાનો વિરોધ કરો. સરકારને આ મારો ત્રીજો પત્ર છે. અમે અગાઉ પણ લખ્યું હતું કે શિક્ષણ વિભાગમાં મરાઠી અને અંગ્રેજી પછી હિન્દી ફક્ત એક વિકલ્પ હોવો જોઈએ. ફરજિયાત નહીં. મરાઠી ભાષી વિદ્યાર્થીઓ આના કારણે પીડાઈ રહ્યા છે."

રાજ ઠાકરેએ પ્રશ્ન ઉઠાવ્યો કે જ્યારે ઉત્તર પ્રદેશ, બિહાર કે મધ્યપ્રદેશમાં ત્રીજી ભાષા શીખવવામાં આવતી નથી. તો પછી મહારાષ્ટ્ર પર હિન્દી શા માટે લાદવામાં આવી રહી છે? જો ગુજરાતમાં હિન્દી શીખવવામાં આવતી નથી. તો મહારાષ્ટ્રમાં શા માટે? તેમણે કહ્યું, "મનસે વતી શાળાઓને એક પત્ર મોકલવામાં આવશે અને તે જોવામાં આવશે કે કઈ શાળાઓ બળજબરીથી હિન્દી શીખવી રહી છે."

મનસેના વડાએ રાજકીય પક્ષોને "મરાઠી ભાષાના સન્માન" માટે એક થવા અને આ મુદ્દા પર સરકારને પ્રશ્ન કરવા અપીલ કરી છે.

-IANS