દક્ષિણ કેલિફોર્નિયામાં ભીષણ આગ

સધર્ન કેલિફોર્નિયાના માલિબુમાં લાગેલી ભીષણ આગ વિકરાળ રુપ લઇ રહી છે. માલિબુ શહેરના અધિકારીઓના જણાવ્યા અનુસાર, આ આગ લગભગ 4,000 એકરમાં ફેલાયેલી છે.   સિન્હુઆ ન્યૂઝ એજન્સીના અહેવાલ મુજબ, લોસ એન્જલસ કાઉન્ટીમાં માલિબુ ક્રીક સ્ટેટ પાર્ક નજીક સોમવારે રાત્રે 'ફ્રેન્કલિન આગ' ફાટી નીકળી હતી. 'ફ્રેન્કલિન ફાયર' આ વિશાળ આગને આપવામાં આવેલ કોડનેમ છે.   બુધવારે સવારે આગ 600 એકરમાં ફેલાઈ ગઈ હતી. શહેરના અધિકારીઓએ જણાવ્યું હતું કે આગ પર કાબૂ મેળવવા માટે 1,500 થી વધુ અગ્નિશામકો કામે લાગેલા છે.   લોસ એન્જલસ કાઉન્ટીના શેરિફ રોબર્ટ લુનાએ મંગળવારે મીડિયાને જણાવ્યું કે લગભગ 18,000 લોકો અને 8,100 ઘરો, ઓફિસો અને સ્ટોર્સને ખાલી કરવાનો આદેશ આપવામાં આવ્યો છે. વિસ્થાપિત થયેલા રહેવાસીઓ માટે ઘણા આશ્રયસ્થાનો તૈયાર કરાયા છે. માલિબુ શહેર મુજબ, રેડ એલર્ટની ચેતવણી ગુરુવાર બપોર સુધી અમલમાં રહેશે. હાલ 7 ટકા આગ પર કાબૂ મેળવી લેવામાં આવ્યો છે.   —IANS