વ્લાદિમીર પુતિન ભારતની મુલાકાતે, PM સાથે મીટિંગ

રશિયાના રાષ્ટ્રપતિ વ્લાદિમીર પુતિન તેમના વિશેષ વિમાન દ્વારા આજે નવી દિલ્હી પહોંચશે. આ મુલાકાત તાજેતરના વર્ષોમાં તેમનો સૌથી મોટો કેબિનેટ દળ લઈને આવી રહી છે, જે ભારત અને રશિયા વચ્ચેના સંબંધોની ગંભીરતા દર્શાવે છે. વ્લાદિમીર પુતિન ભારત મુલાકાત દરમિયાન તેઓ વડાપ્રધાન નરેન્દ્ર મોદી સાથે ઉચ્ચ સ્તરીય મુલાકાત કરશે, જેનું આયોજન વડાપ્રધાનના નિવાસ સ્થાને કરવામાં આવ્યું છે અને તેમના સન્માનમાં રાત્રિભોજન પણ રાખવામાં આવ્યું છે. આ બેઠક લાંબો સમય ચાલે તેવી સંભાવના છે.

ભારત વિદેશી નેટવર્ક પર પણ નજર રાખી રહ્યું

શુક્રવારે, પીએમ મોદી અને વ્લાદિમીર પુતિનની આગેવાની હેઠળ 23મું ભારત-રશિયા વાર્ષિક શિખર સંમેલન યોજાશે. રશિયા પાસેથી તેલની ખરીદીને લઈને અમેરિકા દ્વારા ભારત પર કૂટનીતિક અને આર્થિક દબાણ લાવવાના પ્રયાસો વચ્ચે વ્લાદિમીર પુતિનની આ યાત્રા પર આખી દુનિયાની નજર ટકેલી છે, ખાસ કરીને સંરક્ષણ ડીલ અને આર્થિક સમજૂતીઓ પર. પશ્ચિમી પ્રતિબંધો વચ્ચે થઈ રહેલો આ પ્રવાસ સંભવિત કરારોની દૃષ્ટિએ ઘણો મહત્વપૂર્ણ છે. આ મુલાકાત માટે કમાન્ડો, સ્નાઈપર્સ અને ડ્રોન સાથેની 5-લેયરની સઘન સુરક્ષા વ્યવસ્થા ગોઠવવામાં આવી છે, અને ભારત વિદેશી નેટવર્ક પર પણ નજર રાખી રહ્યું છે.

આ પણ વાંચો: આતંકવાદને નષ્ટ કરવા રશિયા ભારતની પડખે, પુતિને પીએમ મોદીને આપ્યું સમર્થન

આર્થિક અને વ્યાપારી સહયોગ પર ભાર

વ્લાદિમીર પુતિનની ભારત મુલાકાત દરમિયાન, ભારતીય વિદેશ મંત્રાલય અને રશિયન રાષ્ટ્રપતિ ભવન બન્નેએ સ્પષ્ટ કર્યું છે કે, આ વખતે આર્થિક અને વ્યાપારી મુદ્દાઓ પર વિશેષ ધ્યાન કેન્દ્રિત કરવામાં આવશે. આ વાતનો સંકેત એ છે કે, વ્લાદિમીર પુતિનના કેબિનેટ દળમાં આર્થિક વિભાગોના તમામ મુખ્ય મંત્રીઓનો સમાવેશ થાય છે, જેમાં આર્થિક વિકાસ મંત્રી મેક્સિમ રેશીતનિકોવ, વેપાર અને ઉદ્યોગના ઉપ મંત્રી એલેક્સી ગ્રૂઝદેવ, કૃષિ મંત્રી ઓક્સાના લુટ અને ડિજિટલ સંચાર મંત્રી સર્ગેઈ કુશચેવ સામેલ છે.

ઉચ્ચ અધિકારીઓ સાથે સંયુક્ત બેઠક

આ ઉપરાંત સ્વાસ્થ્ય મંત્રી મિખાઈલ મુરાશકો, વિદેશ મંત્રી સર્ગેઈ લાવરોવ અને સંરક્ષણ મંત્રી આંદ્રે બેલુસોવ પણ આ દળનો ભાગ છે. વ્યાપારી સંબંધોને નવી દિશા આપવા માટે, વ્લાદિમીર પુતિનના આગમન પહેલા રશિયાની 75 મોટી કંપનીઓના પ્રમુખ અથવા વરિષ્ઠ અધિકારીઓ નવી દિલ્હી પહોંચી ચૂક્યા છે. શુક્રવારે, વ્લાદિમીર પુતિન અને PM મોદી બન્ને દેશોની 75-75 અગ્રણી કંપનીઓના ઉચ્ચ અધિકારીઓ સાથે એક સંયુક્ત બેઠક કરશે.

વેપાર ખાદ્ય ઘટાડવાનો ભારતનો લક્ષ્ય

દ્વિપક્ષીય વેપારમાં, ભારતનો મુખ્ય ઉદ્દેશ્ય વેપાર ખાદ્ય ઘટાડવાનો છે. વર્ષ 2024-25માં ભારત અને રશિયા વચ્ચેનો વેપાર 68 અબજ ડોલરનો થયો હતો, પરંતુ ભારતની નિકાસ માત્ર 5 અબજ ડોલર હતી. આ અસંતુલનને દૂર કરવા માટે, ભારતીય પક્ષ રશિયા પાસેથી વધુ ઉત્પાદનો અને સેવાઓની આયાત કરવા માટે પ્રયત્નશીલ છે. બીજી તરફ, રશિયા રિટેલ, સૂચના પ્રૌદ્યોગિકી અને ટેક્નોલોજી ક્ષેત્રની ભારતીય કંપનીઓ ત્યાં પ્લાન્ટ સ્થાપે તે માટે પ્રયાસ કરી રહ્યું છે. 

રશિયા સાથેના મજબૂત સંબંધોને રેખાંકિત

જોકે, રશિયાએ તાજેતરમાં ભારતમાંથી બટાકા, દાડમ અને દરિયાઈ માછલીઓની આયાત શરૂ કરી છે, પરંતુ આ પગલાં વેપાર ખાદ્ય પૂરી કરવા માટે પૂરતા નથી. વ્લાદિમીર પુતિન ભારત મુલાકાત દ્વારા આર્થિક સંબંધોમાં વધુ સંતુલન લાવવાની આશા છે. યુકે, ફ્રાન્સ અને જર્મનીના રાજદૂતોએ વ્લાદિમીર પુતિન વિરોધી લેખ લખ્યો હતો, જેને ભારતે 'યોગ્ય નથી' તેમ ગણાવી દીધો હતો, જે ભારતના રશિયા સાથેના મજબૂત સંબંધોને રેખાંકિત કરે છે.