ગ્વાટેમાલામાં બસ ખીણમાં ખાબકી, 15ના મોત, 19 ઘાયલ

મધ્ય અમેરિકન દેશ ગ્વાટેમાલાના પશ્ચિમ ભાગમાં અકસ્માત સર્જાયો છે, જેમાં એક મુસાફર બસ અનિયંત્રિત થઈને આશરે 75 મીટર ઊંડી ખીણમાં ખાબકી હતી. સોલોલા વિભાગમાં ઈન્ટર-અમેરિકન હાઇવે પર બનેલી આ ઘટનામાં ઓછામાં ઓછા 15 લોકોના મોત થયા છે અને 19 અન્ય મુસાફરો ગંભીર રીતે ઘાયલ થયા હોવાની પુષ્ટિ સ્થાનિક અગ્નિશમન વિભાગના પ્રવક્તા લિએન્ડ્રો અમાડોએ કરી છે. આ  અકસ્માત 26 ડિસેમ્બર 2025 ની રાત્રે નાહુઆલા વિસ્તારમાં 'કુમ્બ્રે દે અલાસ્કા' તરીકે ઓળખાતા જોખમી પટ્ટા પર થયો હતો.

ડ્રાઈવરે સ્ટીયરિંગ પરથી કાબૂ ગુમાવ્યો

અકસ્માતનું મુખ્ય કારણ ગાઢ ધુમ્મસ માનવામાં આવે છે, જેના લીધે વિઝિબિલિટી શૂન્ય થઈ ગઈ હતી અને ડ્રાઈવરે સ્ટીયરિંગ પરથી કાબૂ ગુમાવ્યો હતો. મૃતકોમાં 11 પુરુષો, 3 મહિલાઓ અને એક સગીર બાળકનો સમાવેશ થાય છે, જ્યારે તમામ ઘાયલોને નજીકની હોસ્પિટલમાં ખસેડવામાં આવ્યા છે જ્યાં કેટલાકની હાલત અત્યંત નાજુક છે. સોશિયલ મીડિયા પર વાયરલ થયેલી તસવીરોમાં અકસ્માત ગ્રસ્ત બસના કુરચા બોલી ગયેલા દેખાય છે, જ્યારે બચાવ ટુકડીઓએ ભારે જહેમત બાદ મૃતદેહો અને ઈજાગ્રસ્તોને બહાર કાઢ્યા હતા. ઉલ્લેખનીય છે કે, ગ્વાટેમાલામાં માર્ગ અકસ્માતની ઘટનાઓ પહાડી વિસ્તારો અને ખરાબ હવામાનને કારણે અવાર-નવાર બનતી રહે છે. 

અકસ્માત સુરક્ષા વ્યવસ્થા પર સવાલો ઉભા કર્યા

આ અગાઉ ફેબ્રુઆરી 2025 માં પણ બેલિસ બ્રિજ પર એક બસ ખાબકતા 50થી વધુ લોકોના મોત થયા હતા, જેના પગલે રાષ્ટ્રપતિ બર્નાર્ડો અરેવાલોએ રાષ્ટ્રીય શોકની જાહેરાત કરી હતી. હાલમાં આ તાજા ગ્વાટેમાલામાં માર્ગ અકસ્માત અંગે તપાસ ચાલુ છે અને સત્તાવાળાઓએ વાહન ચાલકોને ધુમ્મસવાળા વાતાવરણમાં સાવચેતી રાખવા કડક સૂચના આપી છે. આ ભયાનક ગ્વાટેમાલામાં માર્ગ અકસ્માતના પીડિતોને બસના વીમા દ્વારા વળતર આપવાની પ્રક્રિયા પણ શરૂ કરવામાં આવી છે. સમગ્ર દેશમાં આ દુર્ઘટનાને પગલે શોકનું મોજું ફરી વળ્યું છે, કારણ કે વારંવાર બનતા આવા ગ્વાટેમાલામાં માર્ગ અકસ્માત સુરક્ષા વ્યવસ્થા પર સવાલો ઉભા કરી રહ્યા છે.