76મા પ્રજાસત્તાક દિવસે ખાલિસ્તાની અને ભારતીય સમર્થકો વચ્ચે તનાવ

ભારતના 76મા પ્રજાસત્તાક દિવસના અવસરે લંડનમાં ભારતીય હાઇકમિશનની બહાર ખાલિસ્તાની સમર્થકો અને ભારતીય સમર્થકો વચ્ચે ગરમાગરમીનો માહોલ જોવા મળ્યો. ભારત વિરુદ્ધ થયેલા વિરોધ પ્રદર્શનનો ભારતીય સમુદાયના લોકોએ મજબૂતીથી જવાબ આપ્યો. ખાલિસ્તાની સમર્થકોે ત્રિરંગાને અપમાનિત કરવાનો પ્રયાસ કર્યો, ત્યારે ભારતીય સમુદાયે ‘ગલી-ગલી મેં શોર હૈ, ખાલિસ્તાની ચોર હૈ’ના નારા લગાવ્યા.

હાઇકમિશન સામે વિરોધ

પ્રજાસત્તાક દિવસના પ્રસંગે, લંડનમાં ભારતીય ઇમિગ્રન્ટ્સ દૂતાવાસની બહાર પ્રજાસત્તાક દિવસની ઉજવણી માટે એકઠા થયા હતા. ત્યારે ખાલિસ્તાની સમર્થકોએ ભારત અને તેની અખંડિતતા સામે વિરોધ પ્રદર્શન શરૂ કર્યું હતું. ANIની એક રિપોર્ટ મુજબ, ભારતીય પ્રવાસીઓ આ સમયે દૂતાવાસની બહાર ભારતનો ધ્વજ ફરકાવવાનો પ્રયત્ન કરી રહ્યા હતા, જ્યારે ખાલિસ્તાની સમર્થકો ત્રિરંગાને અપમાનિત કરી રહ્યા હતા.

ત્રિરંગાને અપમાનિત કરતા ખાલિસ્તાની સમર્થકો

એક ભારતીય પ્રવાસીએ જણાવ્યું, "અમે ભારતના 76મા પ્રજાસત્તાક દિવસની ઉજવણી કરવા માટે અહીં આવ્યા હતા, અને તે સમયે ખાલિસ્તાની સમર્થકોએ ભારતના ત્રિરંગાને અપમાનિત કરવાનો પ્રયાસ કર્યો. હું તેમને કહેવા માગું છું કે આ કામગીરીથી દેશને કે અમને કોઈ ફરક પડવાનો નથી. અમારી સંખ્યા ઓછી હોય શકે છે, પરંતુ અમારી હિંમત તેમના કરતાં ઘણી વધુ છે."

"ખાલિસ્તાનીઓ ચોર હૈ" ના નારા

બીજા એક ભારતીય પ્રદર્શનકારીએ કહ્યું, "અમે અમારા અંતિમ શ્વાસ સુધી લડીશું." આ દરમિયાન, એક તરફ ખાલિસ્તાની સમર્થકોએ “ગલી-ગલી મેં શોર હૈ, ખાલિસ્તાની ચોર હૈ”ના નારા લગાવ્યા, જ્યારે ભારતીય પ્રદર્શનકારીઓ પણ તેમના નારા સાથે જવાબ આપતા જોવા મળ્યા.

'ઇમર્જન્સી' ફિલ્મના વિરોધ પર પ્રતિક્રિયા

અગાઉ, વિદેશ મંત્રાલયે કંગના રનૌતની ફિલ્મ ‘ઇમર્જન્સી’ના બ્રિટનના કેટલાક સિનેમાઘરોમાં ખાલિસ્તાની સમર્થકો દ્વારા કરવામાં આવેલી તોડફોડ પર ગંભીર ચિંતાનો પ્રગટાવ કરી હતી. મંત્રાલયે બ્રિટિશ સરકારને ભારત વિરોધી શક્તિઓના હિંસક વિરોધ પ્રદર્શનો અને ધમકીઓ સામે યોગ્ય કાર્યવાહી કરવાની વિનંતી કરી હતી.