ઓસ્ટ્રિયન ઈન્ફ્લુએન્સર સ્ટેફની પીપરની ભયાનક હત્યા

ઓસ્ટ્રિયાની પ્રખ્યાત બ્યુટી ઈન્ફ્લુએન્સર અને મેકઅપ આર્ટિસ્ટ સ્ટેફની પીપર (31)ની નિર્દય હત્યા કરવામાં આવી છે. તેની લાશ સ્લોવેનિયાના એક દૂરના જંગલમાં એક મોટી સુટકેસમાં મળી આવી હતી. પોલીસે તરફથી મળેલી માહિતી અનુસાર, આરોપી તેનો ભૂતપૂર્વ બોયફ્રેન્ડ (31 વર્ષીય સ્લોવેનિયન નાગરિક) છે, જેની ધરપકડ કરવામાં આવી છે.

ઘટનાક્રમ: કેવી રીતે બની હત્યા?

• 22 નવેમ્બર 2025ના રોજ સ્ટેફની ઓસ્ટ્રિયાથી સ્લોવેનિયા પોતાના ભૂતપૂર્વ બોયફ્રેન્ડને મળવા ગઈ હતી.
• 24 નવેમ્બરે સાંજે બંને વચ્ચે ઝઘડો થયો. પડોશીઓએ ચીસો સાંભળી અને પોલીસને જાણ કરી.
• તે જ રાત્રે આરોપીએ સ્ટેફનીનું ગળું દબાવીને હત્યા કરી, લાશને સુટકેસમાં ભરી અને સ્લોવેનિયાના મારિબોર નજીકના જંગલમાં ફેંકી દીધી.
• હત્યા પછી આરોપીએ પોતાની કારમાં આગ લગાવી દીધી જેથી પુરાવા નાશ થઈ જાય. કાર સરહદ નજીકના કેસિનોના પાર્કિંગમાં મળી હતી.

પોલીસે કેવી રીતે પકડ્યો આરોપી?

• સ્ટેફની 26 નવેમ્બરે ગ્રાઝમાં ફોટોશૂટ માટે પહોંચી નહીં. તેના મિત્રોએ પોલીસમાં ગુમ થવાની ફરિયાદ નોંધાવી.
• મોબાઈલ લોકેશન અને CCTV ફૂટેજથી પોલીસની નજર ભૂતપૂર્વ બોયફ્રેન્ડ પર પડી.
• 30 નવેમ્બરે સ્લોવેનિયન પોલીસે જંગલમાંથી સુટકેસ મળ્યા બાદ ઓસ્ટ્રિયન પોલીસે આરોપીની ધરપકડ કરી.
• આરોપીએ પોતાનો ગુનો કબૂલી લીધો છે. હાલ તેને રિમાન્ડ પર લેવાયો છે.

કોણ હતી સ્ટેફની પીપર?

• ઉંમર: 31 વર્ષ
• વતન: ઓસ્ટ્રિયાના ગ્રાઝ શહેરનો ગેઇડોર્ફ વિસ્તાર
• વ્યવસાય: બ્યુટી ઈન્ફ્લુએન્સર, મેકઅપ આર્ટિસ્ટ અને ગાયિકા
• ઈન્સ્ટાગ્રામ: 1.5 લાખથી વધુ ફોલોઅર્સ
• તેની લાસ્ટ પોસ્ટ 20 નવેમ્બરની હતી, જેમાં તે સ્લોવેનિયા જવાની તૈયારી કરતી દેખાઈ હતી.

ચાહકો-પરિવારની પ્રતિક્રિયા

સ્ટેફનીના ઈન્સ્ટાગ્રામ પર હજારો લોકોએ શોક વ્યક્ત કર્યો છે:

• “Rest in peace, beautiful angel”
• “આટલી જલ્દી ચાલી ગઈ, વિશ્વાસ નથી આવતો” તેના પરિવારે એક નિવેદનમાં કહ્યું: “અમારી સ્ટેફી હવે નથી, પરંરતુ તેની સ્મૃતિઓ હંમેશા અમારી સાથે રહેશે.”

પોલીસે આ કેસમાં હત્યા (Section 86 StGB)નો ગુનો નોંધ્યો છે અને તપાસ ચાલુ છે. આરોપીને આજીવન કેદની સજા થઈ શકે છે.