Greece માં મોટી દુર્ઘટનાનો અવાજ! 3 દિવસમાં 200 થી વધુ ભૂકંપના આંચકા અનુભવાયા

ગ્રીસ (Greece)ના સુંદર ટાપુ સેન્ટોરિનમાં સતત ભૂકંપના આંચકા અનુભવાઈ રહ્યા છે. ભૂકંપના આંચકાથી સ્થાનિક લોકોમાં ભયનો માહોલ છે. શુક્રવારથી રવિવાર સુધી ગ્રીસના આ પ્રવાસીઓના મનપસંદ વિસ્તારમાં ભૂકંપના 200 થી વધુ આંચકા અનુભવાયા છે. સૌથી મજબૂત ભૂકંપની તીવ્રતા 4.6 સુધી માપવામાં આવી છે. પરિસ્થિતિને જોતા અધિકારીઓએ શાળાઓને બંધ રાખવાનો આદેશ આપ્યો છે.  

એડવાઈઝરી જારી...

એક અહેવાલ મુજબ સ્થાનિક પ્રશાસને સામાન્ય લોકો માટે એડવાઈઝરી પણ જારી કરી છે. વહીવટીતંત્રે લોકોને ઇનડોર મેળાવડા ટાળવા અને રાજધાનીના જૂના બંદર સહિત ઘણા બંદરોથી દૂર રહેવાની અપીલ કરી છે. અંતાલ્યા અનેક ફોલ્ટ લાઇન પર આવેલું છે અને આ પહેલીવાર નથી જ્યારે સેન્ટોરિન ટાપુ પર ભૂકંપનો આંચકો અનુભવાયો હોય.

દર વર્ષે 34 લાખથી વધુ પ્રવાસીઓ આવે છે...

સતત ધરતીકંપની ગતિવિધિઓ પછી પણ, આ ટાપુ પર મુલાકાતીઓની સંખ્યામાં કોઈ અસર થતી નથી. ટાપુ પર 20 હજારથી વધુ લોકો રહે છે. તે જ સમયે, દર વર્ષે 34 લાખથી વધુ પ્રવાસીઓ અહીં ફરવા આવે છે. તે રજાઓ માટે શ્રેષ્ઠ સ્થળ માનવામાં આવે છે. અંતાલ્યા એ હેલેનિક વોલ્કેનિક આર્કનો એક ભાગ છે, જે યુરોપના સૌથી સક્રિય જ્વાળામુખી પ્રદેશોમાંનો એક છે. 

1956 માં આવેલા ભૂકંપને કારણે ભારે નુકસાન થયું હતું...

અધિકારીઓએ જણાવ્યું હતું કે, તાજેતરમાં અનુભવાયેલા 200 થી વધુ ભૂકંપ ટેક્ટોનિક પ્રવૃત્તિઓના કારણે થયા હતા. આ પહેલા વર્ષ 1956 માં સેન્ટોરિન ટાપુ પર સૌથી મજબૂત ભૂકંપ અનુભવાયો હતો. આ આંચકાઓમાં 53 લોકોના મોત થયા હતા અને 100 થી વધુ લોકો ઘાયલ થયા હતા. ત્યારબાદ ટાપુ પરના એક તૃતીયાંશ મકાનો ધરાશાયી થયા અને લોકોને ભારે નુકસાન થયું. છેલ્લા 400,000 વર્ષોમાં અહીં 100 થી વધુ જ્વાળામુખી ફાટી નીકળ્યા છે.