India ના બદલાના ભયથી Pakistan બેબાકળું, PoK ના લોકોને રાશન ભેગું કરવા આદેશ

પાકિસ્તાન (Pakistan)ને હવે પૂરો વિશ્વાસ થઈ ગયો છે કે ભારત (India) તેના પર ચોક્કસ હુમલો કરશે. આથી, ભારતીય સેનાના હુમલાથી બચવા માટે પાકિસ્તાન (Pakistan) તમામ સ્તરે તૈયારીઓમાં લાગી ગયું છે. ખૈબરપખ્તુન્ખવામાં હવાઈ હુમલાનું સાયરન લગાવ્યા અને સરહદ નજીકના ગામોની આસપાસ બંકરો બનાવવાનો પ્રયાસ તેજ કર્યા બાદ, હવે પાકિસ્તાન (Pakistan) સરકારે PoK (પાકિસ્તાન અધિકૃત કાશ્મીર) ના નાગરિકોને લાંબા સમય માટે ખાદ્યાન્નનો સંગ્રહ રાખવા વિનંતી કરી છે. જેથી યુદ્ધ થાય તો ત્યાંના નાગરિકોને ખાવા-પીવાની તંગીનો સામનો ન કરવો પડે.

પાકિસ્તાન (Pakistan) અધિકૃત કાશ્મીરે આ આદેશ જમ્મુ-કાશ્મીરના પહેલગામમાં થયેલા આતંકવાદી હુમલા બાદ ભારત (India) સાથેની વાસ્તવિક નિયંત્રણ રેખા (LoC) પાસે વધેલા તણાવને ધ્યાનમાં રાખીને આપ્યો છે. LoC ના રહેવાસીઓને પાકિસ્તાને ખાવા-પીવાના સામાનનો પૂરતો ભંડાર કરવા જણાવ્યું છે. આનાથી સ્પષ્ટ થાય છે કે પાકિસ્તાન માની ચૂક્યું છે કે ભારતીય સેના આ આતંકવાદી હુમલાનો બદલો ચોક્કસ લેશે. પાકિસ્તાન (Pakistan)ને ખબર છે કે, ભારત (India)ના PM નરેન્દ્ર મોદી જે કહે છે, તે કરીને પણ બતાવે છે.

બાલાકોટ અને PoK માં ભારત કરી ચૂક્યું છે સર્જિકલ સ્ટ્રાઈક...

પાકિસ્તાનને ભારત (India)ના હુમલાનો ડર એટલા માટે પણ વધી ગયો છે કારણ કે અગાઉ ભારતીય સેનાએ ઉરી અને પુલવામા હુમલાનો બદલો પણ PoK અને બાલાકોટમાં સર્જિકલ સ્ટ્રાઈક કરીને લીધો હતો. ત્યારે પણ PM મોદીએ કહ્યું હતું કે, આતંકવાદીઓને તેમના કૃત્યોની કિંમત ચોક્કસ ચૂકવવી પડશે. આ વખતે પણ PM મોદીએ પહેલગામ હુમલા બાદ કહ્યું છે કે આતંકવાદીઓ ગમે ત્યાં છુપાયેલા હોય, તેમને તેમની કલ્પનાથી પણ મોટી સજા આપવામાં આવશે.