ઓપરેશન ડેઝ ઓફ રેપેન્ટન્સ

ઈઝરાયેલે શનિવારે  વહેલી સવારે ઈરાન પર  હુમલા  કર્યા હતા સાથે જણાવ્યું ક આ હુમલાઓ તે સ્થાનોને નિશાન બનાવ્યા જ્યાંથી તેના દેશ પર મિસાઈલો છોડવામાં આવી હતી. આ પહેલીવાર છે જ્યારે ઈઝરાયેલની સેનાએ ઈરાન પર ખુલ્લેઆમ હુમલો કર્યો છે. આ ઉપરાંત, 1980ના દાયકામાં ઈરાક સાથેના યુદ્ધ પછી કોઈ દુશ્મન દેશે ઈરાન પર આ પ્રકારના હુમલાની આ પહેલી ઘટના છે.

શનિવારે સવારે લગભગ 2 વાગે ઈઝરાયેલ 100 ફાઈટર જેટ સાથે ઈરાન તરફ જોરદાર હુમલો કરવાના ઈરાદા સાથે આગળ વધ્યું હતું. ઈઝરાયેલના ફાઈટર જેટે 2000 કિલોમીટરનું અંતર કાપ્યું અને ત્યારબાદ તેહરાન સહિત ઈરાનના અનેક શહેરો પર આગનો વરસાદ વરસાવ્યો. હવે ઈઝરાયેલે હુમલા પહેલાની તૈયારીઓની કેટલીક તસવીરો જાહેર કરી છે. એવું પણ લખવામાં આવ્યું છે કે ઇઝરાયલના લોકોની સુરક્ષા માટે જે જરૂરી હશે તે અમે કરીશું.

ઈઝરાયલ ડિફેન્સ ફોર્સિસ (IDF) એ ઈરાન વિરુદ્ધ હાથ ધરાયેલા ઓપરેશન 'ડેઝ ઓફ રેપેન્ટન્સ' વિશે માહિતી આપતી તસવીરો અને વીડિયો જાહેર કર્યા છે. આમાં મહિલાઓ પણ ફાઈટર જેટમાં સવાર થઈને ઓપરેશન માટે નીકળતી જોવા મળે છે. ટાઈમ્સ ઓફ ઈઝરાયેલ અનુસાર, ઓપરેશન દરમિયાન, IDF ફાઈટર જેટ તેમના વિસ્તારથી 1600 કિમી દૂર ગયા હતા. F-15 અને F-16 લડાકુ વિમાનોને ઈરાન પર હુમલો કરવા માટે મુક્ત લગામ આપવામાં આવી હતી.

ઈઝરાયલનો કલાકો સુધી ચાલેલો હુમલો તેહરાનમાં સૂર્યોદયના થોડા સમય પહેલા જ સમાપ્ત થઈ ગયો હતો. ઈઝરાયેલે કહ્યું કે ઈરાન પર હુમલો કર્યા બાદ તેઓ સુરક્ષિત સ્વદેશ પરત ફર્યા છે. ખાસ વાત એ છે કે આ ઓપરેશનમાં ઈઝરાયેલ એરફોર્સની મહિલા પાઈલટ પણ સામેલ હતી.  એરફોર્સના એરક્રાફ્ટના કોકપીટમાં બેઠેલી મહિલા પાઈલટનો ફોટો શેર કરીને આખી દુનિયાને જણાવ્યું કે ઓપરેશન 'ડેઝ ઓફ રેપેન્ટન્સ'માં મહિલા પાઈલટ પણ સામેલ હતી. 

ઈઝરાયેલે ઈરાન પર લેન્ડમાઈન હુમલો કર્યો છે. F-35 લડાકુ વિમાનોએ ઈરાન પર બોમ્બમારો કર્યો અને લગભગ 20 જગ્યાએ વિસ્ફોટના અવાજ સંભળાયા. 100 સ્ટીલ્થ એફ-35 ફાઇટર જેટથી હુમલો કર્યો, લાંબા અંતરની મિસાઇલો અને ડ્રોનનો ઉપયોગ કર્યો. ઈઝરાયેલે ઈરાનની સંરક્ષણ પ્રણાલીને પણ નિશાન બનાવી હતી. મોટાભાગના હુમલા તેહરાન અને કરજમાં થયા છે.