15મી ઓગસ્ટે ન્યૂયોર્કમાં સૌથી લાંબો ડાન્સ ફેસ્ટિવલ

ન્યૂ યોર્ક શહેરમાં યોજાતો બેટરી ડાન્સ ફેસ્ટિવલ એ અમેરિકા અને દુનિયાનો સૌથી લાંબો ચાલતો અને ફ્રી જાહેર નૃત્ય ઉત્સવ છે, જેમાં દર વર્ષે 22,000થી વધુ દર્શકો જોડાય છે. આ વર્ષે 44મા વર્ષે યોજાનારો આ ઉત્સવ 12થી 16 ઓગસ્ટ દરમિયાન ચાલશે, જેમાં 15મી ઓગસ્ટે ભારતના સ્વતંત્રતા દિવસની ઉજવણીના રૂપે થવાની છે.

આ દિવસ 'ઈન્ડિયા ડે' તરીકે ઓળખાતા વિશિષ્ટ કાર્યક્રમ અંતર્ગત ‘શક્તિ-દિવ્ય ઊર્જા’ વિષયક વિવિધ સાંસ્કૃતિક અને નૃત્ય કાર્યક્રમોનું આયોજન થશે. વિશ્વભરના નૃત્યકારો મહિલાઓના સર્જનાત્મક તત્વ અને દિવ્ય શક્તિને સમર્પિત રજૂઆત કરશે.

આ દિવસે સાત નૃત્ય જૂથો વિવિધ નૃત્ય શૈલીઓમાં 'શક્તિ'ના સર્જનાત્મક દ્રષ્ટિકોણથી પ્રસ્તુતિ આપશે. કાર્યક્રમમાં પિટ્સબર્ગથી નંદનિક ડાન્સ ટ્રૂપ તથા કોલકાત્તાના સુભાજીત ખુશ દાસ દ્વારા માઁ કાલી પર આધારિત પ્રસ્તાવના, તેમજ બીજયિની સતપથિ, માયા કુલકર્ણી-લાડા પાડા, સોનાલી સ્કંદન, સ્વાથિ ગુંડાપુનેડી-અટલુરી, રણજીત બાબુ અને માલિની શ્રીનિવાસન સહિતના કલાકારોની ભવ્ય રજૂઆતો યોજાશે.

આ કાર્યક્રમ માટે કોન્સ્યુલેટ જનરલ ઓફ ઈન્ડિયા, ન્યૂયોર્ક તથા સ્ટેટ બેન્ક ઓફ ઈન્ડિયા, ન્યૂ યોર્ક દ્વારા ગ્રાન્ટ્સ મળ્યા છે.

પ્રતિવર્ષ આ ઉત્સવમાં 12,000થી વધુ લોકો જોડાય છે અને 10,000થી વધુ વર્ચ્યુઅલ દર્શકો જોડાય છે. ફેસ્ટિવલ એકતા, વિવિધતા અને માનવ સંસ્કૃતિના ઉત્સવરૂપ છે.