ઈરાને બેલેસ્ટિક મિસાઈલથી હુમલો કરી હોસ્પિટલમાં મચાવી તબાહી

ઈરાને ઈઝરાયલ પર ફરીથી બેલેસ્ટિક મિસાઈલ હુમલો કર્યો છે અને યુદ્ધ હવે વધુ ખતરનાક સ્વરૂપ ધારણ કરતું જઈ રહ્યું છે. ઈઝરાયલ જે રીતે સતત ઈરાન પર હુમલા કરી રહ્યો છે, તેની સામે હવે ઈરાન પણ જવાબી કાર્યવાહી કરતા પીછેહઠ કરતું નથી. નવી માહિતી મુજબ, ઈરાને ઈઝરાયલની સોરોકા હોસ્પિટલને નિશાન બનાવી 4 બેલેસ્ટિક મિસાઈલ દાગી દીધા છે.

આ હુમલાના દૃશ્યો બહાર આવ્યા છે, જેમાં હોસ્પિટલને થયેલું મોટું નુકસાન સ્પષ્ટ રીતે જોઈ શકાય છે. મિસાઈલ હુમલાના પગલે હોસ્પિટલના ઈમારતના ઘણા ભાગો ધરાશાયી થયા છે.

હાલમાં આ હુમલામાં કેટલા લોકોના મૃત્યુ થયા અને કેટલા લોકો ઈજાગ્રસ્ત થયા છે તેની સત્તાવાર પુષ્ટિ કરવામાં આવી નથી. તેમ છતાં, આ હુમલો દર્શાવે છે કે, ઈરાન અને ઈઝરાયલ વચ્ચેનો સઘન તણાવ હવે સંપૂર્ણ યુદ્ધમાં ફેરવાઈ ગયો છે.