Donald Trump ઓફિસના પહેલા જ દિવસે એક્શન મોડમાં, લગભગ 100 એક્ઝિક્યુટિવ ઓર્ડર જારી કરશે

ડોનાલ્ડ ટ્રમ્પ (Donald Trump) 20 જાન્યુઆરીએ અમેરિકાના 47 માં રાષ્ટ્રપતિ તરીકે શપથ લેવા જઈ રહ્યા છે. આ તેમનો બીજો કાર્યકાળ છે. શપથ લેતા પહેલા જ ટ્રમ્પે (Donald Trump) મોટા નિર્ણયો લેવાનો ઈરાદો વ્યક્ત કયો છે. એક અહેવાલ અનુસાર, તેઓ પદ સંભાળતાની સાથે જ તેઓ પદ સંભાળતાની સાથે જ તેઓ ઈમિગ્રેશન, ઊર્જા અને ફેડરલ કામગીરી પર  એક્ઝિક્યુટિવ ઓર્ડર જારી કરશે. અહેવાલ મુજબ, તેઓ રાષ્ટ્રપતિ કાર્યાલયમાં તેમના પ્રથમ દિવસે લગભગ 100 કાર્યકારી આદેશો જરી કરશે. એવું કહેવામાં આવી રહ્યું છે કે, આમાંના મોટાભાગના આદેશો બિડેન સરકારના નિર્ણયોને ખતમ કરશે અથવા પલટાશે. ટ્રમ્પ (Donald Trump) તેમના બીજા કાર્યકાળના પ્રથમ દિવસે કેવા નિર્ણયો લેવા જઈ રહ્યા છે તેની માત્ર અમેરિકાજ નહીં સમગ્ર વિશ્વ રાહ જોઈ રહ્યું છે. 

સ્ટીફન મિલરે નિર્ણયો અંગે સંકેતો આપ્યા...

ટ્રમ્પ (Donald Trump) એડમિનિસ્ટ્રેશનમાં પોલિસી મેકિંગ પર ડેપ્યુટી ચીફનું પદ સંભાળવા જઈ રહેલા સ્ટીફન મિલરે રવિવારે બપોરે રિપબ્લિકન નેતાઓ સાથે ફોન પર વાત કરી અને આ વાતચીતમાં તેમણે નિર્ણયો અંગે સંકેતો આપ્યા. સાંસદો સાથે વાત કરતી વખતે મિલરે ઈમિગ્રેશન અંગેના મોટા નિર્ણય તરફ ઈશારો કર્યો હતો. અહેવાલો અનુસાર, ટ્રમ્પ મેક્સિકો સરહદ પર કટોકટી લાદી શકે છે. 

ડ્રગ કાર્ટેલ પર સખત હુમલો કરશે...

ટ્રમ્પ ડ્રગ કાર્ટેલ પર પણ હુમલો કરી શકે છે. તે વિદેશી ડ્રગ કાર્ટેલ જૂથોને આતંકવાદી સંગઠનો તરીકે જાહેર કરવા અને તેમના પ્રથમ કાર્યકાળની સ્થળાંતર સંરક્ષણ પ્રોટોકોલ નીતિને પુનઃસ્થાપિત કરવા માટે કહી શકે છે. શપથ ગ્રહણ સમારોહ પહેલા રવિવારે તેમના નિવાસ્થાને આયોજિત રાત્રિભોજનમાં સહાયકો અને દાતાઓને સંબોધતા ટ્રમ્પે કહ્યું કે, તેઓ પદ સાંભળ્યાના કલાકોમાં ડઝનેક એક્ઝિક્યુટિવ ઓર્ડર પર હસ્તાક્ષર કરશે. તેમની સંખ્યા લગભગ 100 હશે. તે સોમવારે આમાંથી ઘણાને વિગતવાર સમજાવશે.

બિડેનના નિર્ણયોને થશે મોટી અસર...

ટ્રમ્પે કહ્યું, 'મારી કલમથી હું બિડેન વહીવટીતંત્રના ડઝનેક વિનાશક અને ઉગ્રવાદી એક્ઝિક્યુટિવ ઓર્ડર અને નીતિઓને ઉલટાવીશ.' જો કે, નિષ્ણાતોનું માનવું છે કે ટ્રમ્પના એક્ઝિક્યુટિવ ઓર્ડરને કોર્ટમાં પડકારવામાં આવી શકે છે. આ સિવાય ટ્રમ્પ ફેડરલ સરકારના કામકાજ અને તેની પદ્ધતિઓ પર કડક નિર્ણય લઇ શકે છે.

ઊર્જા ક્ષેત્રે મોટો નિર્ણય લઇ શકે છે...

તેમાં ફેડરલ કર્મચારીઓની નોકરીઓનું રક્ષણ કરવાના બિડેન વહીવટીતંત્રના નિર્ણયનો પણ સમાવેશ થાય છે. 2020 ની ચૂંટણી પહેલા ત્રમ્પે નોકરીઓમાં કાપ મૂકવાનો એક્ઝિક્યુટિવ ઓર્ડર જરી કર્યો હતી, પરંતુ બિડેને આવતાની સાથે જ આ આદેશને ગેરકાયદેસર જાહેર કર્યો હતો. ટ્રમ્પ એલોન મસ્ક અને વિવેક ગોસ્વામીના નેતૃત્વ હેઠળના ડિપાર્ટમેન્ટ ઓફ ગવર્મેન્ટ એફિશિયન્સીની ભલામણોને લાગુ કરી શકે છે. નિષ્ણાતોનું માનવું છે કે, ટ્રમ્પ ઊર્જા ક્ષેત્રમાં પણ મોટો નિર્ણય લઇ શકે છે. તે દેશમાં ઘરેલું ઊર્જા ઉત્પાદન વધારવા માટે નિયમો અને કાયદાઓમાં ફેરફારની જાહેરાત કરી શકે છે. 

હું દરેક સંકટનો ઉકેલ લાવીશ - ટ્રમ્પ

તેમના શપથની પૂર્વસંધ્યાએ, ટ્રમ્પે તેમના સમર્થકો અને દેશવાસીઓને વચન આપ્યું હતું કે તેઓ અમેરિકાનો સામનો કરી રહેલા દરેક સંકટને દૂર કરવા માટે ઝડપથી પગલાં લેશે. ટ્રમ્પે 'કેપિટલ વન એરેના' સ્ટેડિયમમાં તેમના સમર્થકોને કહ્યું, 'કાલથી શરૂ કરીને, હું વધુ ઝડપથી અને મજબૂત કામ કરીશ અને આપણા દેશનો સામનો કરી રહેલા દરેક સંકટનો ઉકેલ લાવીશ. આપણે આ કરવાનું છે. ટ્રમ્પની જીતની ઉજવણી માટે સ્ટેડિયમમાં 'મેક અમેરિકા ગ્રેટ' કાર્યક્રમનું આયોજન કરવામાં આવ્યું હતું. 20,000 લોકોની ક્ષમતા ધરાવતું સ્ટેડિયમ દર્શકોથી ખીચોખીચ ભરેલું હતું, આ ઉપરાંત કડકડતી ઠંડીમાં સ્ટેડિયમની બહાર મોટી સંખ્યામાં લોકો એકઠા થયા હતા.