Nigeria માં આતંકી હુમલો, 10 સૈનિકોના મોત, 15 આતંકી ઠાર

પશ્ચિમ નાઇજીરીયામાં બુર્કિના ફાસોની સરહદ પર પશુ તસ્કરો સામે કાર્યવાહી કરવા માટે મોકલવામાં આવેલી લશ્કરી ટુકડી પર સશસ્ત્ર હુમલાખોરોએ હુમલો કર્યો. સશસ્ત્ર હુમલાખોરો દ્વારા કરવામાં આવેલા આ હુમલામાં ઓછામાં ઓછા 10 સૈનિકો માર્યા ગયા. નાઇજીરીયાની લશ્કરી સરકારે આ હુમલાની માહિતી આપી છે. 

સેનાએ એક નિવેદન બહાર પાડ્યું...

સેનાએ એક નિવેદન જારી કરીને કહ્યું કે, તકઝત ગામમાં પશુ તસ્કરોને પકડવા માટે સેનાની ટુકડી તૈનાત કરવામાં આવી હતી. "ઓપરેશન દરમિયાન, ગુનેગારોના એક જૂથે સુરક્ષા દળો પર હુમલો કર્યો જેમાં અમારા 10 સૈનિકો માર્યા ગયા," નિવેદનમાં કહેવામાં આવ્યું છે. હુમલાખોરો ભાગી ગયા હતા પરંતુ સેનાએ મંગળવારે 15 આતંકવાદીઓને પકડી લીધા અને ઠાર માર્યા, એમ તેમાં જણાવાયું છે. 

આ પણ જાણો...

નાઇજીરીયા અને પડોશી બુર્કિના ફાસો અને માલી એક દાયકા કરતાં વધુ સમયથી જેહાદી જૂથો દ્વારા કરવામાં આવેલા બળવા સામે લડી રહ્યા છે. કેટલાક જૂથો આતંકવાદી સંગઠનો અલ-કાયદા અને ઇસ્લામિક સ્ટેટ સાથે જોડાયેલા છે. ત્રણેય દેશોમાં લશ્કરી સરકારો છે અને તેમણે સુરક્ષા માટે જવાબદાર ફ્રેન્ચ સૈનિકોને પાછા મોકલી દીધા છે. ત્રણેય દેશોએ એક નવું સુરક્ષા જોડાણ સ્થાપિત કરીને પરસ્પર સહયોગને મજબૂત બનાવવાની પ્રતિજ્ઞા લીધી છે.