નો કેન્સલેશન ફી, ફ્રી રિશિડ્યુલિંગ, ફિક્સ્ડ ભાડું

 દેશમાં ઈન્ડિગોની વ્યાપક ફ્લાઈટ કેન્સલેશન અને ડિલેના કારણે લાખો મુસાફરો પરેશાન છે ત્યારે ટાટા ગ્રુપની એર ઈન્ડિયા અને એર ઈન્ડિયા એક્સપ્રેસે શનિવારે મુસાફરોના હિતમાં ઐતિહાસિક રાહત પેકેજ જાહેર કર્યું છે. આ પગલાં તાત્કાલિક અસરથી લાગુ થઈ ગયા છે અને 15 ડિસેમ્બર સુધીની ટિકિટોને આવરી લે છે.

મુખ્ય રાહતો એક નજરમાં:

1. ફિક્સ્ડ ભાડું – કોઈ સર્જ પ્રાઈસિંગ નહીં 4 ડિસેમ્બરથી ઘરેલું ઈકોનોમી ક્લાસના ભાડા નક્કી કરી દેવામાં આવ્યા છે. ભલે માંગ વધે, ટિકિટના ભાવ આપમેળે નહીં વધે. 
2. ફ્રી રિશિડ્યુલિંગ અને કેન્સલેશન 4 ડિસેમ્બર 2025 સુધી બુક કરેલી અને 15 ડિસેમ્બર 2025 સુધીની ટ્રાવેલ વાળી ટિકિટો પર:
   • એક વખત ફ્રી ડેટ ચેન્જ (8 ડિસેમ્બર સુધી કરાવવું)
   • ફ્રી કેન્સલેશન અને 100% રિફંડ
   • નવી તારીખના ભાડામાં તફાવત હોય તો માત્ર તે જ ચૂકવવું પડશે. 
3. ફ્રી અપગ્રેડ અને વધારાની ફ્લાઈટ્સ જો ફ્લાઈટમાં બિઝનેસ/પ્રીમિયમ ઈકોનોમીમાં સીટ ખાલી હોય તો ઈકોનોમી પેસેન્જરને ફ્રી અપગ્રેડ આપવામાં આવશે. કેટલાક રૂટ્સ પર વધારાની ફ્લાઈટ્સ પણ ઉમેરાઈ છે. 
4. કસ્ટમર કેરમાં વધારાનો સ્ટાફ કોલ વેઈટ ટાઈમ ઘટાડવા 24×7 કોન્ટેક્ટ સેન્ટરમાં ડબલ સ્ટાફ તૈનાત કરાયો છે.
   • Air India: +91 11 6932 9333 / 1800 569 2222
   • Air India Express: +91 124 443 5600 
5. વિદ્યાર્થી, વડીલો અને સૈનિકોને ચાલુ રાહત આ કેટેગરીના મુસાફરોને પહેલેથી મળતી ડિસ્કાઉન્ટ ટિકિટો ચાલુ રહેશે, જે ઘણી વફળામાં હાલના ફિક્સ્ડ ભાડા કરતાં પણ સસ્તી હશે.

કંપનીનું નિવેદન

એર ઈન્ડિયાના સીઈઓ કેમ્પબેલ વિલ્સને કહ્યું, “અમે જાણીએ છીએ કે હાલની પરિસ્થિતિમાં મુસાફરો પર આર્થિક અને માનસિક બોજ વધી રહ્યો છે. અમારો ઉદ્દેશ્ય એક જ છે – કોઈ મુસાફર વધુ પૈસા કે વધુ પરેશાની સહન કર્યા વિના મુસાફરી કરી શકે.” 

 ઈન્ડિગોનું સૌથી મોટું સંકટ

ઈન્ડિગોએ પ્રતિબંધિત Pratt & Whitney એન્જિનના કારણે 70થી વધુ એરક્રાફ્ટ ગ્રાઉન્ડ કર્યા છે, જેના કારણે દરરોજ 500+ ફ્લાઈટ્સ કેન્સલ થઈ રહી છે. ટિકિટના ભાવ આસમાને પહોંચ્યા છે અને મુસાફરો એરપોર્ટ પર કલાકો ફસાયેલા રહે છે. આ સ્થિતિમાં એર ઈન્ડિયાનો આ નિર્ણય મુસાફરો માટે સૌથી મોટી રાહત ગણાઈ રહ્યો છે.

મુસાફરોને સલાહ છે કે તેઓ ટિકિટ ફેરફાર માટે તાત્કાલિક એર ઈન્ડિયાની વેબસાઈટ, એપ કે હેલ્પલાઈનનો સંપર્ક કરે.