કેનેડામાં અકસ્માતમાં 4 ગુજરાતીઓના મોત

કેનેડાથી એક દુઃખદ સમાચાર સામે આવ્યા.  ટોરેન્ટોમાં ટેસ્લા કાર થાંભલા સાથે અથડાતા કારની બેટરી ડેમેજ થવાને કારણે તુરંત જ આગ લાગી ગઈ હતી. જેને કારણે ત્રણ યુવક અને 1 યુવતીના મોત થયા છે. આ મૃતકોમાં ગોધરાના સગા ભાઈ-બહેન અને આણંદ જિલ્લાના બે યુવકનો સમાવેશ થાય છે. ઉલ્લેખનીય છે કે, કારમાં 5 લોકો સવાર હતા. પરંતુ એક યુવતીનો બચાવ થયો છે.

ગોધરા શહેરમાં આવેલી પંચમહાલ ડિસ્ટ્રીક્ટ બેંકના નિવૃત્ત કર્મચારીના દીકરો નીલરાજ ગોહિલ અને કેતાબા ગોહિલનું આ દુર્ઘટનામાં મૃત્યુ થયું છે. જ્યારે અન્ય બે મૃતક આણંદ જિલ્લાના બોરસદમાં રહેતા દિગ્વિજય પટેલ અને જય સિસોદીયાનો સમાવેશ થાય છે. જેમાં જય સિસોદીયા બોરસદના કોંગ્રેસના પૂર્વ ધારાસભ્ય રાજેન્દ્રસિંહ પરમારનો ભાણેજ છે. જ્યારે આણંદની એક યુવતી ઝલક પટેલ કારમાંથી બહાર નીકળી જતા તેનો બચાવ થયો હતો.