કાનપુરના ગ્વાલટોલી વિસ્તારમાં રવિવારે થયેલા ભયાનક લેમ્બોર્ગિની અકસ્માત મામલે પોલીસે અંતે મોટી કાર્યવાહી કરી છે. શહેરના પ્રખ્યાત તમાકુ ઉદ્યોગપતિ કે.કે. મિશ્રાના પુત્ર શિવમ મિશ્રાની ગુરુવારે સવારે ધરપકડ કરવામાં આવી છે.
પોલીસના જણાવ્યા અનુસાર, શિવમ કોર્ટમાં શરણાગતિ સ્વીકારવા જઈ રહ્યો હતો તે પહેલા જ ફિલ્મી ઢબે તેને ઝડપી પાડવામાં આવ્યો હતો.
શું હતી સમગ્ર ઘટના? 
ગયા રવિવારે વીઆઇપી રોડ પર પુરપાટ ઝડપે જઈ રહેલી લેમ્બોર્ગિની કારે ભયરોઘાટ ચોકડી પાસે એક ઓટો અને બુલેટને જોરદાર ટક્કર મારી હતી. આ ટક્કર એટલી ભીષણ હતી કે લક્ઝરી કાર બુલેટની ઉપર ચઢી ગઈ હતી અને વીજળીના થાંભલા સાથે અથડાઈ હતી. આ અકસ્માતમાં મોહમ્મદ તૌફીક નામનો વ્યક્તિ હવામાં ફંગોળાઈને દૂર પડ્યો હતો, જેને ગંભીર ઈજાઓ પહોંચી હતી.
ડ્રાઈવર કે માલિક? 
વિવાદનો અંત અકસ્માત બાદ મિશ્રા પરિવાર અને તેમના વકીલોએ દાવો કર્યો હતો કે કાર શિવમ નહીં પણ તેનો ડ્રાઈવર મોહન ચલાવી રહ્યો હતો. એટલું જ નહીં, પીડિત તૌફીક સાથે આર્થિક સમાધાન પણ કરી લેવામાં આવ્યું હતું જેથી કેસ નબળો પડે.
જોકે, પોલીસ તપાસ અને સીસીટીવી ફૂટેજમાં સ્પષ્ટ થયું હતું કે સ્ટીયરિંગ પર શિવમ મિશ્રા પોતે જ હતો. પોલીસે આ દાવાને નકારી કાઢી શિવમને જ મુખ્ય આરોપી બનાવ્યો છે.
કોર્ટમાં પેશી શિવમ મિશ્રાને પોલીસે કાનપુર કોર્ટમાં રજૂ કર્યો છે. હવે કોર્ટ તેને જેલના સળિયા પાછળ મોકલશે કે જામીન આપશે તેના પર સૌની નજર છે. આ હાઈ-પ્રોફાઈલ કેસને કારણે બંશીધર ટોબેકો ગ્રુપ ફરી એકવાર વિવાદોમાં આવ્યું છે.
ઘટનાની વધુ વિગતો જાણો અહીં...&nbsp;<a href="https://benefitnews24.com/gujarati/india/lamborghini-hits-6-in-kanpur/26578">https://benefitnews24.com/gujarati/india/lamborghini-hits-6-in-kanpur/26578</a>&nbsp;
&nbsp;

તમાકુના વેપારીનો પુત્ર શિવમ જેલભેગો

કાનપુરમાં લેમ્બોર્ગિની ડ્રાઈવર નહીં પણ શિવમ પોતે જ કાર ચલાવતો હતો; પુરાવા બાદ ધરપકડ કરી

February 12, 2026 | 11:52 IST